Show Biz :P

First topic message reminder :

Aktori nga Tetova, Blerim Destani, i cili pati një sukses të madh me
filmin "Koha e kometës", është angazhuar në dy projekte filmike
joshqiptare.

Destani aktualisht është i angazhuar në realizimin
e filmit "Seperation City", xhirimet e të cilit zhvillohen në Zelandën
e Re dhe në Gjermani, ndërsa do të dalë nëpër kinema në fund të vitit
të ardhshëm.

Ndërkohë, kur të përfundojnë xhirimet e "Seperation
City", Destani do të shfaqet në filmin me produksion gjerman, danez dhe
australian, "At World’s End".

Në këto dy filma, Blerim Destani
luan krahas aktorëve të njëhur të cilët kanë luajtur nëpër filmat
hollivudianë, siç është Rhona Mitra (e cila ka luajtur në filmat “Lara
Croft”, “Shooter”, “Nummer 23” etj.), Thomas Kretschmann (“King Kong”,
“Wanted” etj.), Joel Edgerton (“Star Wars 2”, “Star Wars 3” etj.),
Stephen Berkoff, ("Beverly Hills Cop", "James Bond Octopussy" etj).

Streep do të nderohet në Romë

Njoftohet se Meryl Streep do ta
'pushtojë' Festivalin e Filmit të Romës. Ajo do të nderohet me çmimin
kryesor të festivalit- Çmimin e karrierës.

Ylli i filmit “Out of
Africa” do ta merr çmimin “Marcus Aurelius” për arritje jetësore, të
cilin më herët e kanë marrë legjendat e tilla të filmit, si Sir Sean
Connery dhe Al Pacino.

Streep do të paraqitet edhe në skenë për të treguar për të pranishmit disa përjetime gjatë karrierës së saj të gjatë.

Festivali i Filmit i Romës është caktuar të mbahet nga 15 deri më 23 tetor.

Michael Jackson transplanton flokët

Mbreti i muzikës pop,
Michael Jackson, është duke bërë hapa radikal në përmirësimin e pamjes
së tij- njoftohet se së fundmi ai i ka bërë transplantimin e flokëve.

Këngëtari
i hitit “Thriller”, është i ‘tmerruar’ që do të rikthehet në skenë,
prandaj i është nënshtruar këtij trajtimi që të ndjehet më mirë dhe ta
rikthejë vetëbesimin.

50-vjeçari ka paralajmëruar se do të mbajë 50 koncerte në O2 Arena të Londrës gjatë këtij viti.

“Ai
ka nevojë për sa më shumë vetëbesim. Të gjithë shpresojnë që të mos
vazhdojë më tutje me ndërhyrjet kirurgjike”, ka thënë një burim për
gazetën britanike “The People”.

Anjeza: Jam e lumtur për lidhjen tonë

Anjeza ka folur me Junën
për lidhjen e saj me Arjonin duke u shprehur se ata nuk ishin së bashku
vetëm për të qenë pjesë e lojës së "Big Brother", porse vërtet ndjejnë
diçka për njëri-tjetrin.

Ajo ka thënë se ata nuk mund ta
përshkruajnë lidhjen e tyre, por atë që ndjejnë, e ndjejnë vërtet, por
dikush i shpreh më shumë e dikush më pak ndjenjat e veta, duke shtuar
se kur të dalë jashtë, të gjithë do ta shohin dashurinë e vërtetë të
tyre.

Sipas Anjezës, edhe sikur lidhja e tyre të mos
funksionojë, gjë që nuk mendon se do të ndodhë, momentet që ka kaluar e
përjetuar me të dhe emocionet që i ka pasur kanë qenë diçka që i kanë
ndodhur për herë të parë në jetë.

Arjoni u largua nga shtëpia e “Big Brother” të shtunën që shkoi, ndërsa Anjeza është e nominuar për këtë javë.

Në shitje "këngët e humbura" të Hendrix

Disa këngë ta
padëgjuara të kitaristit legjendar Jimi Hendrix, të incizuara në
shtëpinë e tij në vitin 1968, pritet që të shiten në një ankand për një
vlerë prej 220.000 dollarësh.

Besohet se Hendrix i ka incizuar
këto këngë në New York dhe më vonë derisa po qëndronte në Londër,
shiritin ia ka dhënë Carl Niekirk, i cili kishte një studio fotografish
në ndërtesën ku po banonte hitbërësi i këngës “Hey Joe”.

Më
vonë, Niekirk i ka shitur këto këngën në një bar për një ‘çmim formal’
dhe tani, pronarët e shiritit, pas një konflikti të gjatë ligjor me
administruesit e pronës së Hendrix, do t’i nxjerrin ato në shitje.

Spray Club: Me 1 Maj mbrëmje speciale me Desyn Masiello

Pas një
pauze tre mujore, Spray Club në bashkëpunim të ngushtë me Next Level
dhe Ksclubber rikthehen prapë me një rihapje sensacionale të premten me
1 Maj, duke sjellë DJ-in e famshëm nga Londra, Desyn Masiello, i cili
vjen nga shtëpia e njohur diskografike Balance.

Dyert do të jenë të hapura nga ora 22:00 deri në agim, ndërkaq evenimentin do ta hapë DJ-i rezident, i mirënjohuri Naka.

Biletat
do të jenë në parashitje te lokali “Outback” (ish- Kaça) vetëm 2.5 €.
Ndërsa blerja e biletave te dera do të kushtojë 3 € për femra dhe 4 €
për meshkuj, ndërsa pas orës 02:00, 4€ për femra dhe 6€ për meshkuj.

Ky
sezon në muajt e ardhshëm do t`i servojë publikut të Spray Club
gjithashtu edhe top-emrat e Dance Muzikës siç janë:Nick Warren, John
Digweed, David Morales, Ltj Bukem&Mc Conrad, Hernan Cattaneo, Timo
Maas, Anja Schneider etj.

Nora realizon këngë të re

Këngëtarja Nora Istrefi këngëtarja ka
realizuar së fundi këngën me titull “Vetëm mua”, e cila vjen pas
hit-këngëve "Një botë tjetër" dhe "Pa fat".

“Vetëm mua” është
autorësi e kantautorit shqiptar, Florian Mumajesi. Kjo është hera e
tretë që Nora bashkëpunon me këtë kantautor pas bashkëpunimit që ka
pasur në albumin e saj të fundit, për të cilin Flori i kishte realizuar
tri këngë.

Videoklipi i këngës “Vetëm mua” është realizuar nga produksioni vendor “Entermedia”.

Për
më shumë, Nora Istrefi është një nga kandidatët e sivjetshëm të “Video
Festit Muzikor”. Me videoklipin “Another World”, ajo është nominuar në
kategorinë për videoklipin më të mirë në konkurrencën R’n’B, ndërsa me
atë “Pa fat” është nominuar për videoklipin më të mirë në zhanrin
pop-folk.

Nora është po ashtu pjesëmarrëse në edicionin e
gjashtë të festivalit “Top Fest” ku është paraqitur me baladën “Keq u
pafshim”, për realizimin e të cilës ka punuar me treshen: Aida Baraku,
Armend Rexhepagiqi dhe Darko Dimitrov. Nora në “Top Fest 6” është
nominuar vetëm në kategorinë “Best Female”. /ktv/telegrafi/

U2 do të këndojë në garat e Formula 1

U2, Girls Aloud dhe grupi
i djemve Take That, do të vendosen në shtegun e shpejtë – ata do të
bëjnë performanca në disa prej garave të Formula 1.

Kjo bëhet e
ditura pasi kompania Universal Records ka arritur marrëveshje me
menaxherët e këtij sporti për të nxjerrë në skenat garuese të Evropës
edhe paraqitje live nga emrat e përmendur.

Seria e koncerteve,
F1 Rocks, do të zhvillohet paralel me garat e kampionatit dhe po ashtu
do të përfshijë yje nga bota e filmit, modës dhe sportit.

“Gjithmonë
kam thënë se ne jemi në biznesin e argëtimit dhe kjo marrëveshje shënon
një dimension të ri të Formula 1. Kam shpresa të mëdha për këtë”, ka
thënë Presidenti i F1, Bernie Ecclestone.

Ciara dëshiron duet me Janet Jackson

Ylli i muzikës r&b,
Ciara, ëndërron të bashkëpunojë me Janet Jackson, pasi këngët e yllit
të muzikës pop kishin qenë të vetmet që ajo kishte dëgjuar derisa
rritej.

Krijuesja e hitit “Goodies” e kishte idhull Jackson që
kur ajo kishte qenë e vogël dhe shpreson se një ditë heroi i saj do të
pranojë të bashkohet me të në duet.

“Ëndrra ime është të
bashkëpunoj me Janet Jackson. Ajo ishte një idhull i madh për mua
derisa jam rritur. JJ është e shkëlqyeshme dhe çfarëdo që ndodh, nuk
mund të harroni sa ka kontribuar ajo në muzikën amerikane”, ka thënë
Ciara.

“Janet vërtet është një ikonë. Ajo është personi i vetëm
të cilën e kam dëgjuar si fëmijë, së bashku me vëllain e madh të saj
Michael”, ka shtuar këngëtarja seksi.

Cruise kërkon nga Katie ta lë duhanin

Tom Cruise me gjasë ka ardhur tek zënka me bashkëshorten e tij Katie Holmes, sepse ajo ka filluar të pijë duhan.

Ylli 46-vjeçar i filmit “Top Gun” qartazi ishte nervozuar kur e kishte kuptuar se Katie i ishte kthyer vesit të saj të vjetër.

“Tomi bën një jetë shumë të disiplinuar”, i ka thënë një burim gazetës britanike “Britain’s Daily Star”.

“Atij
i janë ngritur nervat për faktin që ajo ka filluar të pijë duhan prapë
dhe po bën çdo gjë që mundet për ta shtyrë që të heq dorë nga pirja e
duhanit”, ka shtuar burimi.

Cyrus urren faqet e thashethemeve

Aktorja dhe këngëtarja Miley Cyrus i ka përçmuar faqet e thashethemeve duke i konsideruar të gjitha ato si "gjepura".

Ylli
i serialit “Hannah Montana” i urren faqet e internetit të cilat
vazhdimisht kritikojnë dukjen, sjelljet, lidhjet... e të famshmëve.

“Mendoj
se ato po shkruajnë shumë keq për të famshmit dhe njëkohësisht lënë u
japin kulturë të gabuar të rinjve të cilët i lexojnë këto faqe. Unë e
konsideroj veten normale, ndërsa faqet paraqesin fotografi të mia duke
u munduar të më paraqesin në mënyrën sa më të keqe, të trashë, ose kur
dukem keq. Mendoj se janë të gjitha gjepura”, ka thënë Miley.

Cheryl Cole pëlqen komplimentet nga femrat

Këngëtares Cheryl Cole i pëlqen kur një femër tjetër i thotë se duket mrekullueshëm.

Anëtarja
e grupit “Girls Aloud”, e cila aktualisht është pjesëtare e jurisë në
shoun për talentë “X Factor” i ka thënë revistës “Hello!” se ajo nuk
shqetësohet se çka mendojnë meshkujt për të, porse e vlerëson më shumë
mendimin e femrave.

“Për mua nuk ka kompliment më të madh në
botë, sesa kur një femër tjetër më thotë: ‘O Zot, sa bukur që dukesh!’
Për mua ky është një kompliment shumë më i madh sesa kur një mashkull
thotë: ‘Ajo duket shumë seksi’”, ka thënë 25-vjeçarja.

Vidhen imazhe intime të Carla Brunit

Janë vjedhur qindra fotografi dhe filmime intime të gruas së presidentit francez Nicolas Sarkozy, Carla Bruni-Sarkozy.

Fotografitë dhe videot supozohet të jenë bërë gjatë lidhjes së mëparshme të Carla Brunit me filozofin Raphael Enthoven.

“Evening Standard” njofton se hajnat kanë hyrë në shtëpinë e vëllait të Enthovenit dhe i kanë vjedhur imazhet.

Policët
kanë frikë që hajnat do të mundohen t’i bëjnë shantazh Zonjës së Parë
të Francës dhe do të provojnë t’i shesin fotografitë dhe xhirimet.

Moza: Adela është femër provokuese

Shoqja më e mirë e Adelajdes në shtëpinë e "Big Brother", Mimoza, i ka thënë Adelës se është femër provokuese.

“A
nuk bëhet Bjordi xheloz për ty, sepse ti je femër provokuese”, e ka
pyetur Moza, ndërkohë që Adela ka reaguar për këtë koncept të gabuar,
sipas saj, të Mimozës, duke thënë se ajo nuk e konsideron veten
provokuese.

Por Mimoza ka vazhduar tutje duke e përkrahur
idenë e të qenit provokuese dhe i ka thënë Adelës, se “të tjetër e
vërejnë më mirë se ti” paraqitjen para tyre ose para dikujt tjetër.

Brikena: Ëndrra më është realizuar

Përkundër se studion
mjekësinë dhe ka realizuar disa këngë të pëlqyera, në një intervistë
për të përditshmen “Kosova Sot”, prezantuesja Brikena Beqiri është
shprehur se ëndrra e saj për të punuar në televizion është plotësuar.

E
pyetur nëse ka menduar se do ta ketë karrierën të cilën e ka arritur
sot, Brikena është përgjigjur: “Mund të them se diku rreth 70% po, e
kam menduar, sepse ëndrra për punën në televizion si gazetare,
moderatore, është realizuar. Sa u përket studimeve në Fakultetin e
Mjekësisë, jam në përfundim. Ndërsa, sa i përket muzikës kam realizuar
disa këngë, po ashtu edhe një videoklip dhe që mendoj të vazhdoj edhe
më tutje kur të gjej pak kohë të lirë”.

Lavinge caktohet ‘ambasadore’ e Kanadasë

Avril Lavigne është
zgjedhur për ta prezantuar vendin e saj, Kanadanë, si një ambasadore në
ekspozitën e ardhshme botërore "World Expo 2010", e cila do të mbahet
në Kinë.

Këngëtarja, e cila ka lindur në Ontario, është shumë e
popullarizuar në Azi, madje ajo ka incizuar disa pjesë të këngëve të
saja në gjuhën mandarine (gjuhën standarde kineze).

Tani ajo
do të mundohet ta plotësojë zbrazëtinë ndërmjet kulturave lindore dhe
perëndimore duke udhëtuar në Shangai për ta përfaqësuar vendin e saj.

“Të
premten isha në Vancouver dhe më kanë nderuar duke më caktuar
Ambasadore të Kanadasë për ‘World Expo 2010’ që mbahet në Shangai të
Kinës. Është shumë emocionuese, sepse është hera e parë që Kina e mban
këtë ekspozitë botërore, ndërsa tema e këtij evenimenti është ‘Qytet më
të mirë, jetë më të mirë’”, shkruan këngëtarja në faqen e saj në
MySpace.com.

Hurley dhe Charles do të prodhojnë linjë ushqimore

Aktorja Elizabeth Hurley është bashkuar me princin britanik Charles, për të lëshuar një linjë të ushqimeve jo-kalorike.

Hurley
u inspirua të futet në biznesin ushqimor vitin e kaluar, pasi lexoi
disa këshilla ushqimore për gratë, në përpjekje për të shmangur
kancerin e gjirit.

Dhe, linja e produkteve të mishit dhe
drithërave, të prodhuara nga ferma Cotswolds, do të shitet nga kompania
ushqimore që mbështet nga Charles, “Duchy Originals”.

Princi i
Uellsit krijoi kompaninë në vitin 1990, për të promovuar ushqim organik
dhe bujqësor. Ushqimi është në plan të fillojë të shitet në muajin
tetor.

Vanessa krenare këmbët dhe gishtat e saj

Aktorja e filmave “High School Musical”, Vanessa Hudgens, thotë se ajo i pëlqen këmbët dhe gishtat e saj “të dhisë”.

Aktorja është shumë krenare për atë që ka poshtë belit të saj, edhe pse mendon se ka gishta të çuditshëm.

“Kam
vërtet këmbë të fuqishme. I kam trashëguar nga babai im. Kam kthesa që
duken mirë. Kur vesh take, duket sikur kam stërvitur shumë me këmbët e
mia, që është edhe arsyeja se pse i dua”, ka thënë Hudgens.

“Po ashtu kam gishta shumë, shumë të mëdhenj. I quaj gishta të dhisë. Mund të ngjitem kudo”, ka shtuar aktorja tinejxhere.

Lady GaGa problem me policët rus

Lady GaGa është ndeshur me policët rus kur ajo kishte vizituar Moskën, raportojnë revistat amerikane.

Këngëtarja
është ndaluar nga policët rus pasi ishte veshur në mënyrë ekstreme
derisa kishte vizituar një kishë në kryeqytetin rus.

“Ata u
përpoqën të më arrestojnë në Rusi, për shkak se veshjes së lëkurës, në
Katedralën St. Basil”, ka shkruar këngëtarja në faqen e saj në internet.

Raste
të ngjashme, kur ka qenë e veshur në mënyrë shumë ‘seksi’, këngëtarja
ka pasur edhe më herët, si rasti në Chicago kur ishte ndaluar për shkak
të ekspozimit të pahijshëm.

McCartney kërkon nga Pamela të promovojë vegjetarianizmin

Sir
Paul McCartney i ka shkruar një letër të hapur aktores Pamela Anderson,
duke i kërkuar asaj të ndihmojë promovimin e vegjetarianizmit.

Legjenda
e “Beatles”, i cili është një aktivist i palodhur i të drejtave të
kafshëve, i është drejtuar ish-yllit të serisë “Baywatch” të
shfrytëzojë emrin e saj në këtë drejtim.

“E dashura Pamela. Ne
po shkruajmë letra pasi që të dy ndajmë të njëjtën bindje për
mirëqenien e planetit tonë dhe shpresoj se ju do ta shihni me interes
informacionin e mposhtëm”, thuhet në fillim të letrës së shkruar nga
McCartney.

Këngëtari britanik ka shpjeguar në letër edhe arsyet
se si ndihmon vegjetarianizmi në ruajtjen e planetit, si dhe ka folur
për ndryshimet klimatike.

Shtyhet rikthimi i grupit "Ilirët"

Rikthimi i rokerëve të
grupit "Ilirët" është shtyrë për arsye shëndetësore të vokalistit
Shemsi Krasniqi-Shemi, njofton "Infopress".

“Ilirët” kishin
planifikuar të riktheheshin në skenë me tri këngë të reja, por edhe pse
kishin paralajmëruar për një rikthim të shpejtë kjo nuk ndodhi.

“Kam qenë shumë i sëmurë nga fyti dhe ka qenë e pamundur që të realizonim këngët”, është shprehur Shemi.

Megjithatë,
kjo nuk do të thotë se do të anulohet rikthimi i tyre, pasi që në
muajin maj fansat e grupit “Ilirët” do ta kenë mundësinë që t’i
dëgjojnë këngët e reja, ndërkohë që njërës prej këngëve do t’i
realizohet edhe klip.

Tola bën përgatitjet e fundit

Më 14 maj, Kejsi Tola do ta
këndojë në Moskë këngën "Carry Me In Your Dreams" (“’Me merr në
ëndërr”), me tekst të Agim Doçit dhe muzikë të Edmond Zhulalit, ndërsa
ky i fundit thotë se përfaqësuesja e Shqipërisë do t’i kushtojë shumë
rëndësi edhe paraqitjes së saj.

Kënga është realizuar në
Gjermani, ndërsa për performancën e Kejsit në skenë është kujdesur
koreografi Ledion Bulku. Janë ditët e fundit përgatitore përpara
udhëtimit drejt Moskës. Ndërsa të mërkurën mbërrijnë nga Greqia tri
balerinët që do të kërcejnë me Kejsin, për të bërë provat e fundit.

“Nuk
mendoj se festivali i është përkushtuar më tepër performancës.
Teknologjia muzikore dhe vizive ka bërë një progres të jashtëzakonshëm,
e kanë bërë këtë festival më bashkëkohor dhe më modern. Por,
megjithatë, mendimi im është që kënga përsëri mbetet baza e këtij
festivali, ato kanë qenë të bukura dhe profesionale”, ka thënë Edmond
Zhulali në një intervistë për gazetën “Shekulli”.

Douglas do ta realizoje filmin Wall Street 2

Michael Douglas do të rikthehet në Wall Street për ta risjellë në ekran karakterin zemërlig Gordon Gekko.

Që
nga momenti i kollabimit të sistemit modern bankar, kanë filluar
këresat nga fansat e filmit të cilët pohonin se është momenti i
përsosur që Douglas ta përsërisë rolin e vitit 1987, i cili ia solli
çmimin Oskar.

Dhe tani legjenda e Hollywoodit i ka pranuar
këto kërkesa dhe është pajtuar që të bashkohet me regjisorin Oliver
Stone për xhirimin e “Wall Street 2”.

Adela shpreson finalen

Derisa Bjordin e konsideron si
pretendent të sigurt i cili do të arrijë në finalen shout real "Big
Brother 2", Adelajada ka frikë që ajo mund të largohet me herët.

Duke
biseduar me të dashurin e saj, Adela është shprehur seriozisht se
vërtetë ka frikë se ndoshta del, ndërsa pretendimi minimal i saj është
që të shkojë në finale.

“Është synim, por edhe mision”, ka
thënë Adela, duke llogaritur se kanë mbetur edhe dy javë e gjysmë deri
në natën finale të spektaklit.

Von Teese në lidhje me një kont

Sipas mediave amerikane,
bukuroshja Dita Von Teese është në romancë me një aristokrat francez i
cili është 11 vjet më i ri se ajo.

Që nga ndarja me ish-burrin e
saj rokerin shokues Marilyn Manson në vitin 2006, 36-vjeçarja ka pasur
një mori lidhjesh të përfolura, por ajo vazhdimisht ka refuzuar ta
zbulojë identitetin e meshkujve në jetën e saj.

Por së fundmi ajo ka dalë hapur me Kontin Louis-Marie de Castelbajac në Festivalin Muzikor “Coachella” të Kalifornisë.

“Të
gjihë jemi të habitur për lidhjen e tyre. Ajo është duke e larë
floririn”, është shprehur një mik i Castelbajac për “New York Post”.

Lohan pëlqen pijet energjetike

Ylli i filmit “Mean Girls”, Lindsay Lohan, është një fanse e madhe e pijeve energjetike, siç është Red Bull.

“Pi
shumë prej tyre, më pëlqejnë. Ka shumë lloje përfshirë Neurogasm, që
është për seks. Por, nuk kam nevojë për të për momentin, fatkeqësisht”,
ka thënë Lindsay

Aktorja po ashtu pëlqen Neurosonic, një pije që
përmirëson gjendjen e humorit e që përmban kofeinë, si dhe Neurotrim,
që thuhet se kontrollon apetitin.

Penn ndahet nga gruaja, përsëri

Aktori fitues i çmimit Oskar, Sean Penn, ka aplikuar për ndarje nga gruaja e tij prej 13 vitesh, Robin Wright Penn.

Dyshja filluan procesin e divorcit që në dhjetor të vitit 2007, por në prillin e vitit të kaluar ata u bashkuan sërish.

Megjithatë
duket se aktorët kanë dështuar të gjejnë gjuhë të përbashkët pas
ribashkimit dhe dokumentet e dërguara në Gjykatë në Kaliforni javën e
kaluar, tregojnë se ata tashmë janë zyrtarisht të ndarë.

Penn, 48-vjeçar, kërkon të ketë kujdesin ndaj fëmijëve të tyre, vajzës Dylan, 18-vjeçare, dhe djalit Hopper, 15-vjeçar.

Penn
dhe Wright Penn filluan lidhje në vitet e hershme të 90-ta, menjëherë
pas ndarjes së aktorit nga Madonna. Dyshja u martuan në vitin 1996.

Bale dëshiron edhe filmin e tretë Batman

Christian Bale beson se filmi i tretë mbi Batmanin, do të jetë më i mirë se filmi “The Dark Knight”.

“The
Dark Knight” u lëshua në verën e kaluar dhe ishte hit në kinematë
botërore duke mbledhur mbi 1 miliardë dollarë, si dhe duke i sjellë
aktorit të ndjerë Heath Ledger çmimin Oskar në kategorinë e aktorit më
të mirë në rol dytësor.

“Më pëlqen nëse njerëzit thonë, ‘Kurrë
nuk do të bëni një film të mirë si i treti. Them, ‘Ok, le ta bëjmë të
tretin atëherë dhe të dëshmojmë se e kanë gabim, por jam i vetëm në
këtë drejtim”, ka thënë aktori.

“The Dark Knight” ishte filmi më
i madh me një superhero në rol kryesor, dhe vetëm filmi i katërt që
thyen barrierën prej 1 miliardë dollarësh të fituara, pas “Titanic”,
“The Lord of the Rings: Return of the King” dhe “Pirates of the
Caribbean: Dead Man's Chest”.

Susan Boyle do të kërkojë karrierë në amerikë
Susan Boyle është një
nga personat më të përfolur në mediat britanike, që kur befasoi në
shoun “Britain’s Got Talent” disa javë më parë, dhe tash Simon Cowell,
njëri nga anëtarët e jurisë së këtij spektakli, është zotuar t’i
ndihmojë asaj të nisë karrierë në Amerikë.

“Do t’i them secilit
që do ta fitojë shoun britanik se ne i garantojmë vend në spektaklet në
Amerikë. Mendoj se kjo është një nxitje e madhe”, ka thënë Cowell.

Cowell
po ashtu ka thënë se Susan nuk i kishte lënë përshtypje në pamje të
parë, me flokët e saj të lyera dhe veshjen e thjeshtë.

“Unë dhe
ajo duhet të bëjmë ca biseda në ditët e ardhshme. Gjëja që më pëlqeu
është fakti se ajo nuk është e vetëdijshme se si duket dhe kjo nuk e
shqetëson atë. Susan ka katër javë të përgatitet për natën më të madhe
në jetën e saj. Ajo duhet të këndojë më mirë se që ka kënduar
ndonjëherë më parë”, ka shtuar Simon Cowell.

Adela: Bjordi është i dashuri im

Një shprehje e shqipes thotë:
"Nga fjalët te veprat". Por në Big Brother kemi shprehjen e kundërt:
"Nga veprat te...fjalët". Adelajda ka pranuar për herë të parë të
mërkurën në shtëpinë e Big Brother, se ajo dhe Bjordi "janë të
dashur"... më në fund!

Me gjithë puthjet dhe përqafimet mes
tyre, që kanë shkaktuar edhe të qeshura, por edhe telashe, Adela nuk e
kishte quajtur kurrë Bjordin "të dashur", madje e mohonte kur e pyesnin
drejtpërdrejt.

Por, dje, ndodhi! Është pohuar gjatë një
bisede, ku Adi pyet Mimozën: "Do e ndërroje Polin me Bjordin?" Mimoza i
thotë që kurrë, dhe shton me shaka: "Unë ta ndërroj me këtë fëmijë (për
Bjordin)?!"

Adi i thotë që ideja e pyetjes së tij ishte që
Adelajda të merrte Polin, ndërsa Mimoza të merrte Bjordin. Adelajda i
thotë Adit që ato janë në harmoni me njëra-tjetrën dhe nuk duhet të
ndërhynte tek ato: "Unë Polin e kam të dashurin e shoqes, dhe Bjordin
Mimoza e ka shok, dhe të dashurin e shoqes!"

Këtu është vënë
re reagimi i të gjithë banorëve. Ishte hera e parë që ajo e cilësonte
lidhjen e saj. Anjeza i tha: "Tani do fle më e qetë". Edhe ne të tjerët
jemi të kënaqur, apo jo? Shyqyr që ia mbërritëm kësaj dite.
/Shekulli/Telegrafi/

Doherty i infektuar me gripin e derrave ?

Rokeri Pete Doherty
është fotografuar në shoqërinë e një personi i cili më vonë është
konfirmuar si i infektuar me virusin e gripit të derrave në Britani të
Madhe.

Miku i rokerit, Dawn Askham, kishte udhëtuar me gruan e
tij në Meksikë për muajin e mjaltit, ndërsa pas kthimit ka qëndruar me
rokerin problematik dhe dikur më vonë është konstatuar se Askham është
i infektuar me virusin i cili po përhapet në të gjithë botën.

“Ne
(miqtë e Pete) jemi të brengosur që ai mund të jetë i infektuar me këtë
sëmundje të rëndë. Ai sapo e ka shmangur vartësinë nga droga dhe një
komplikim i tillë nuk i nevojitet”, ka thënë një mik i këngëtarit.

Kate-t i dhimbsen aktoret e reja

Kate Winslet është e lumtur që
është bërë e famshme në vitet e nëntëdhjeta, sepse aktoret e reja tani
kanë vëmendje dhe presion shumë të madh nga mediat.

Bukuroshja britanike u bë yll në filmin e i vitit 1997, “Titanic”, ku luan krahas aktorit Leonardo DiCaprio.

Mirëpo
përkundër kritikave që kishte pasur asokohe për dukjen e saj dhe
interesimin e mediave për jetën e saj personale, Winslet pohon se asgjë
nuk mund të krahasohet me atë që iu ndodh aktoreve të reja tani.

“Është
shumë vështirë t’i përballosh kritikat e tilla, si ‘është e trashe,
është e dobët, është e martuar, është e shkurorëzuar...’. Unë e kam
përjetuar gjithë këtë dhe është shumë vështirë. Por jam shumë e lumtur
që nuk jam aktore e re në kohën e tashme...”, është shprehur për
revistën “Marie Claire” fituesja e Oskarit.

Shtyhet incizimi i albumit të Lewis

Këngëtarja britanike Leona
Lewis është detyruar ta anulojë incizimin e albumit të ri pasi që ka
pësuar një aksident duke u rrëzuar nga kali.

Këngëtarja e hitit
“Bleeding Love” ishte duke kalëruar në Los Angeles, ndërsa në një
moment kali i saj ishte trembur dhe e kishte rrëzuar në toke me ç’rast
24-vjeçarja ka pësuar disa lëndime.

Ky aksident ka bërë që incizimet e albumit të saj, i cili pritet të dalë në nëntor, të shtyhen për më vonë.

Ngatërresat e Sheen dhe Richards kanë marrë fund

Aktori Charlie
Sheen ka konfirmuar se ai dhe ish-gruaja e tij Denise Richards kanë
vendosur t’u japin fund zënkave me njëri-tjetrin për nder të fëmijëve
të tyre.

Çifti i dikurshëm së fundi ka kryesuar një sondazh për
të famshmit, i cili kishte për qëllim gjetjen e ‘ishëve’ më të
revoltuar me njëri-tjetrin.

Sido që të jetë Sheen dhe Richards tani kanë deklaruar se lufta e fjalëve ndërmjet tyre ka marrë fund.

Ish-aktorja
e filmit për James Bondin, Richards, së fundmi ka njoftuar se e kishte
vizituar ish-burrin e saj dhe gruan e tij të re Brooke Mueller në
spital kur ajo kishte lindur binjakët Max dhe Bob muajin e kaluar.

Dushku në lidhje me Rick Fox

Aktorja me prejardhje shqiptare Eliza Dushku ka gjetur prehje në krahët e ish-burrit të Vanessa Williams, Eick Fox.

Çifti
është fotografuar së bashku gjatë disa mbrëmjeve në Miami dhe në Las
Vegas, ndërsa miqtë e tyre pohojnë se ata janë të dashuruar.

“Ata
janë munduar ta fshehin lidhjen e tyre, mirëpo ata janë të pushtuar nga
njëri-tjetri dhe ia kalojnë shumë mirë së bashku”, ka thënë një burim
për revistën amerikane “Star”.

Dushku më herët ka qenë në lidhje me aktorin Matt Dillon dhe me krijuesin e serialit “Family Guy”, Seth MacFarlane.

Kirk Douglas thyen këmbën

Aktori veteran Kirk Douglas e ka lënduar këmbën pasi është rrëzuar në shtëpinë e tij në Beverly Hills.

Pasi e ka vizituar mjekun, 92-vjeçari ka kuptuar se e ka thyer një asht të këmbës dhe tani duhet të pushojë për katër javë.

Megjithatë
aktori i famshëm nuk mendon se lëndimi është aq serioz sa e bëjnë
mjekët. “U befasova kur mora vesh që më është thyer ashti, dhe tani
duhet të mbaj një ‘çizme të rëndë’ për një muaj”, ka thënë Douglas.

Dënohet ndjekësi i Banks

Një fans obsesiv i Tyra Banks është dënuar pasi e ka ndjekur dhe e ka ngacmuar supermodelen.

38-vjeçari
Brady Green ka marrë dënimin nga Gjykata kriminale e Manhattanit për
ndjekje, ngacmim, hyrje pa leje në pronën e Banks dhe tentim
shqetësimi, me ç’rast do t’i kalojë 90 ditë në burg.

Green
ishte arrestuar në mars të vitit të kaluar në një restorant në New
York, në afërsi të studios ku supermodelja xhiron shoun “The Tyra Banks
Show” dhe asokohe u kishte thënë policëve se ishte në lidhje me
bukuroshen.

Ari është puthur me Junën

Arjani ka treguar se njëherë është
puthur me Junidën kur kishte qenë në Gjermani, por nuk e mban mend
shumë mirë këtë ndodhi, porse tani raportet e tyre brenda shtëpisë janë
shumë të rrënuara, saqë Ari preferon që ajo të largohet nga shtëpia
këtë javë.

“Më vjen zor të merrem me një femër, por sa më shumë e ngacmoja aq më shumë e tregonte veten!”, i ka thënë Ari Bjordit.

Arjani
shton se nuk i pëlqen mënyra se si Juna u drejtohet banorëve të tjerë
duke shtuar se është përpjekur të komunikojë me të, por kjo gjë nuk ia
vlen, dhe shpreson që të jetë ajo personi që të dalë.

Ai madje
shton se edhe në momentet kur është puthur nuk i kishte pëlqyer. “Më
shumë më ka puthur, se sa e kam puthur!”, ka thënë Ari.

Ekspozitë për Lennonin në New York

Legjenda e ndjerë e muzikës rok, John Lennon, do të nderohet me një ekspozitë të re në New York.

Disa
instrumente dhe tekste të shkruara me dorë të ish-anëtarët të grupit
britanik “The Beatles” do të ekspozohen në aneksin e Rock & Roll
Hall of Fame që do të mbahet gjatë këtij muaji.

Ekspozita e
titulluar “John Lennon: The New York City Years” (“John Lennon: Vitet
në qytetin e New Yorkut”) do të përmbajë po ashtu edhe disa fotografi
personale të rokerit si edhe një autoportret.

Bullock nderohet nga një shkollë

Sandra Bullock do të nderohet nga një shkollë në New Orleans të Louisianas, të cilën e ka mbështetur që nga uragani Katrina.

Aktorja
do të bëhet pjesë e historisë së shkollës “Warren Easton” dhe do të
hyjë në listën e njerëzve të më të mëdhenj në historinë e kësaj
shkolle.

“Ndjehem shumë e nderuar që kam bërë një pjesë të
vogël në rindërtimin e qytetit, të cilin e kam dashur. Mendoj të kem
ndihmuar sadopak në ndërtimin e të ardhmes për brezat e ri dhe
fatmirësisht kam parë disa të diplomuar nga Warren Easton”, është
shprehur aktorja.

Tola të hënën niset drejt Moskës

Vetëm pak ditë para udhëtimit
drejt Moskës, ministri i Turizmit, Kulturës, Rinisë dhe Sporteve i
Shqipërisë, Ardjan Turku, priti të enjten në një takim të veçantë
përfaqësuesen e Shqipërisë në Eurovizion, këngëtaren Kejsi Tola dhe
autorët e këngës.

Ministri Turku u uroi suksese në këtë ngjarje
të madhe të muzikës. Tepër e ndrojtur, këngëtarja e re Kejsi Tola,
shprehu kënaqësinë e saj për përfaqësimin e Shqipërisë në Eurosong.

“Kam punuar shumë fort dhe shpresoj se do bëj një përfaqësim dinjitoz të vendit tim në Moskë”, tha këngëtarja.

Kejsi
Tola do të këndojë në gjuhën angleze këngën me autorë Edmond Zhulalin
dhe Agim Doçin, “Merrmë në ëndërr. Ajo do të shoqërohet nga dy
këngëtare dhe dy balerinë.

Grupi shqiptar do të niset për në
Moskë në datën 4 maj. Festivali Evropian i Këngës do të fillojë në
datën 12 maj për të vazhduar më pas në datat 14 dhe 16 maj.
/Panorama/Telegrafi/

Kelis shtatzënë, ndahet nga Nas

Këngëtarja e hitit “Milkshake”,
Kelis Roger-Jones, ka aplikuar për divorc nga burri i saj, reperi Nas,
bëjnë të ditur mediat amerikane.

29-vjeçarja u takua me reperin,
emri i vërteti i të cilit është Nasir bin Dara Jones, në ndarjen e
vitit 2002 të çmimeve “MTV Video Music Awards” dhe u martua me të në
vitin 2005.

Derisa është shtatzënë në muajin e shtatë, me
fëmijën e parë të tyre, tash konfirmohet se ajo ka aplikuar për divorc
nga Nas, pas vetëm katër vitesh martesë.

“Mund të konfirmoj se
ajo ka aplikuar për divorc. Kërkojmë nga mediat të respektojnë
privatizimin e saj gjatë kësaj kohe shumë të vështirë”, ka thënë
zëdhënësi i Kelis për E! News.

Kidman porosit Holmes të lindë edhe një foshnjë

Fëmijët e
adoptuar të Nicole Kidman dëshirojnë edhe një foshnjë tjetër, ashtu që
ish-gruaja e Tom Cruise i ka bërë thirrje gruas së tashme të aktorit,
Katie Holmes, t’ua japë një djalë.

Aktorja australiane dhe
Cruise kishin adoptuar vajzën Isabella, tash 17-vjeçare, dhe Connor,
14-vjeçare, para se martesa e tyre 10-vjeçare të përfundojë me divorc
në vitin 2001.

Kidman më pas u martua me këngëtarin e muzikës
country, Keith Urban, dhe dyshja tash kanë një vajzë Sunday Rose,
ndërsa Cruise u martua me Katie Holmes në vitin 2006, dhe kanë vajzën
Suri.

“Connor dhe Isabella e adhurojnë Sunday Rose. Ata janë
mësuar të kenë një foshnjë vërdallë, për shkak të Surit. Connor do të
dëshironte që njëri prej neve të ketë një djalë. Ndoshta Katie?”, ka
thënë Kidman.

Lilly Allen fytyrë e markës Chanel

Ylli britanik i muzikës pop, Lilly Allen, është zgjedhur të jetë modele e linjës së re të çantave nga marka e njohur Chanel.

Allen është zgjedhur nga vetë disenjatori i kësaj marke, Karl Lagerfeld për reklamën e re të çantave.

Këngëtarja
e hitit “Smile” do të jetë në ballë të linjës së re dhe Lagerfeld thotë
se ajo është zgjedhur për shkak të personalitetit të saj të çuditshëm.

“Ajo është shumë argëtuese”, ka thënë Lagerfeld.

Seal dhe Klum anulojnë ceremoninë në Meksikë

Këngëtari i
muzikës pop Seal dhe gruaja e tij, modelja Heidi Klum, e kanë anuluar
ceremoninë e sivjetme të rinovimit të martesës së tyre, e cila ishte
planifikuar të mbahej në Meksikë, për shkak të pandemisë së gripit të
derrave.

Këtë muaj çifti kishte planifikuar një qëndrim romantik
në Costa Careyes të Meksikës, për të festuar katër vjetorin e martesës
së tyre, mirëpo ata kanë ndryshuar mendje për shkak të rrezikut për t’u
infektuar me virusin që po përhapet në gjithë botën.

“Heidi
frikësohej nga mbyllja e kufijve dhe për fëmijët e saj, dhe po ashtu
ajo është shtatzënë...”, ka thënë një burim për revistën “Life &
Style”.

Dion homazh për Danny Gans

Celine Dion i ka bërë homazh shoumenit të ndjerë Danny Gans, të cilin e ka quajtur "më të mirin në fushën e tij".

Mëngjesin
e të premtes Gans vdiq në shtëpinë e tij në Las Vegas, ndërsa Dion ende
është e rrëqethur nga lajmi për vdekjen e mikut të saj.

“Jam
shumë e pikëlluar dhe krejtësisht e shokuar nga lajmi për vdekjen e
Dannyt. (Burri im) Rene dhe unë e kemi dashur shumë që nga hera e parë
që jemi takuar në vitin 1997. Jo vetëm se ka qenë më i miri në fushën e
tij, por ai ka qenë edhe një njeri i këndshëm dhe i dashur”, ka thënë
këngëtarja.

Blink-182: Album dhe turne

Grupi i ribashkuar i muzikës 'punk',
"Blink-182", kanë filluar të punojnë në albumin e tyre rikthyes, vetëm
tre muaj pasi kishin njoftuar për ribashkimin e tyre.

Treshja
amerikane shokoi botën muzikore kur në shkurt bëri të njohura planet
për t’u ribashkuar, ndërsa tani frontmeni Mark Hoppus pohon se ata
tashmë po shkruajnë këngë dhe po planifikojnë turne.

“Kemi
filluar të shkruajmë këngë para dy muajsh dhe po përparojmë në këtë
drejtim. Mirëpo, tani i kemi lënë përgatitjet për album anash, dhe po
bëhemi gati për turne”, ka thënë Hoppus për faqen Billboard.com.

Burri i Crawford akuzohet për ngacmim seksual

Burri i bukuroshes Cindy Crawford, Rande Gerber, po përballet me akuzat për ngacmim seksual të dy ish-punëtoreve të tij.

Gerber
është paditur nga dy ish-kameriere, të cilat kanë pohuar se ishin
pushuar nga puna në restorantin i cili është pronë e kompanisë së
Gebber, pasi që ato kishin refuzuar të kishin marrëdhënie seksuale me
të dhe me menaxherët e lokalit.

“Këto pretendime janë hulumtuar edhe më herët dhe janë treguar se janë të pabaza”, citohet nga TMZ.com zëdhënësi i Gerber.

Adela dhe Bjordi planifikojnë martesën

Teksa po afrohet fundi,
çifti i famshëm i shout "Big Brother 2", Adela dhe Bjordi, tashmë kanë
filluar të bëjnë plane edhe për martesën e tyre.

Derisa Adela me
shaka i thoshte se nuk do të martohet me të, Bjordi ka pohuar se do
bëjnë një dasmë të madhe dhe ka dhënë disa variante se si mund të duket
dasma e tyre.

Nga ana tjetër, Adela është shprehur se dasma duhet të bëhet sikur të gjitha dasmat shqiptare- një dasmë tradicionale shqiptare.

Amy hospitalizohet në St Lucia

Kur mendohej se gjërat po
përmirësohen sa i përket shëndetit të këngëtares Amy Winehouse, vjen
lajmi se ajo është hospitalizuar në St Lucia të ishujve Karaibe, ku po
qëndron për ta rimarrë veten.

Këngëtares së hitit “Rehab” i ka rënë të fikët në hotelin ku po qëndron dhe pastaj e ka kaluar natën në spital.

Burime
të afërta me 25-vjeçaren i kanë thënë tabloidit britanik “Daily Mirror”
se Amy po vuante nga dehidrimi (humbja e lëngjeve trupore).

Gjatë
qëndrimit në ishujt Karaibe, Amy ka kaluar çaste shumë të mira, ajo
madje ka arritur të incizojë edhe këngë të reja. Javën e ardhshme
pritet që ajo të performojë në festivalin e xhazit në St Lucia.

Miley kritikohet për qëndrimin pro-homoseksualëve

Miley Cyrus
është vënë në sy të kritikave pasi ka deklaruar mbështetjen e saj për
homoseksualët dhe martesat e çifteve të gjinisë së njëjtë.

“Unë
jam e krishtere dhe ju dua të gjithëve, homoseksualë ose jo, sepse ju
nuk dalloni nga të tjerët! Të gjithë jemi fëmijë të Zotit. Secili
meriton të dashurojë dhe të jetë i dashuruar, dhe gjëja më e
rëndësishme është që të gjithë të buzëqeshin”, ka shkruar Miley në
faqen e saj në Twitter.

Pas kësaj deklarate ka reaguar me furi
organizata OneMillionMoms.com duke pohuar: “Deklaratat e këtilla japin
mesazhe të gabuara për fëmijët tanë të cilët janë të ndikuar nga yjet e
këtilla. Prindërit duhet ta kuptojnë se Cyrus nuk është model pozitiv
për fëmijët e tyre ashtu si mendohej më parë”.