Show Biz :P

First topic message reminder :

Aktori nga Tetova, Blerim Destani, i cili pati një sukses të madh me
filmin "Koha e kometës", është angazhuar në dy projekte filmike
joshqiptare.

Destani aktualisht është i angazhuar në realizimin
e filmit "Seperation City", xhirimet e të cilit zhvillohen në Zelandën
e Re dhe në Gjermani, ndërsa do të dalë nëpër kinema në fund të vitit
të ardhshëm.

Ndërkohë, kur të përfundojnë xhirimet e "Seperation
City", Destani do të shfaqet në filmin me produksion gjerman, danez dhe
australian, "At World’s End".

Në këto dy filma, Blerim Destani
luan krahas aktorëve të njëhur të cilët kanë luajtur nëpër filmat
hollivudianë, siç është Rhona Mitra (e cila ka luajtur në filmat “Lara
Croft”, “Shooter”, “Nummer 23” etj.), Thomas Kretschmann (“King Kong”,
“Wanted” etj.), Joel Edgerton (“Star Wars 2”, “Star Wars 3” etj.),
Stephen Berkoff, ("Beverly Hills Cop", "James Bond Octopussy" etj).

Biel ‘striptizere’ profesionale

Jessica Biel është aq bindëse
si striptizere në filmin e ri “Powder Blue”, sa trajneri i saj ka
parashikuar karrierë si valltare për të rritur, nëse rolet në Hollywood
ndonjëherë shteren për të.

E dashura e Justin Timberlake është e
sigurt se do të dridh meshkujt me zhveshjen e saj në rolin e
vallëzueses ekzotike Rose Johnny në dramën e ardhshme ku po ashtu luajë
edhe Forest Whitaker, Ray Liotta, Lisa Kudrow dhe Patrick Swayze.

Biel
iu nënshkrua një orari të ngjeshur stërvitjesh për t’u përgatitur për
këtë rol dhe trajneri i saj, Cati Jean, është shumë i impresionuar, sa
është i bindur se ajo do të ishte e shkëlqyeshme si valltare
profesionale.

“Jessica është shumë e mirë dhe shumë e fokusuar.
Ajo ka elemente të bukurisë ajo e ka trupin, ajo i ka të gjitha gjërat
që i duhen një valltareje profesionale. Ajo do të mund të ishte një
valltare profesionale nëse do të dëshironte. Është aq e fuqishme, është
elastike”, ka thënë Jean.

Lady GaGa është tërësisht e varfër

Lady GaGa nuk është vetëm një vajzë pa talent, por jo është edhe e varfër po ashtu.

Megjithëse
GaGa ka bërë miliona dollarë nga singlet e saj, krijuesja e ”Poker
Face”, emri i vërtetë i të cilës është Stefani Germanotta, thotë se ajo
është e varfër.

“I harxhoj paratë e mia sërish në koncerte dhe
në objekte. Jam e pasur objektivisht dhe në kostume dhe në modë. Në
realitet jam shumë e varfër, por kam një dollap të mbushur me veshje”,
ka thënë GaGa.

Timberlake lanson shou në MTV

Justin Timberlake ka lansuar një shou në MTV, të titulluar “The Phone”, dhe do të jetë një emision i çmendur.

“Ne
i marrim katër njerëz dhe i vendosim ata në ndeshjen e ferrit, në
parim. I bëjmë ata të jenë karaktere në një film aksion. Vazhdimisht
gjuajmë topa nga këndi”, ka thënë Timberlake, i cili është producent i
serisë.

“The Phone”, që është bazuar në një program të ngjashëm
nga televizioni Holandez, i cili paraqet garuesit duke marrë sfida
përmes telefonave celular, me qëllim për të kompletuar misionet e
rrezikshme që do t’i dërgojë ata tek çmimi prej 50 mijë dollarëve.

Angelina Jolie në rolin e Scarpetta ?

Angelina Jolie është
lidhur me rolin e Dr Kay Scarpetta në një adaptim filmik të librave
bestseller të Patricia Cornwell, pasi studio Fox 2000 së fundi tha se
ishte duke kërkuar emrat e duhur për serinë.

Ekzistojnë 16
novela “Scarpetta”, që do të thotë se do të ketë edhe më shumë filma,
por ky i film nuk do të lidhet me titullin specifik e misterioz të
Conwell.

Jolie, 33-vjeçare, vazhdon të jetë një aktore e zënë.
Bukuroshja, e cila rrit gjashtë fëmijë me partnerin e saj Brad Pitt,
aktualisht është në New York, duke xhiruar filmin “Salt”.

Ajo po ashtu do ta japë zërin në filmin “Kung Fu Panda 2” dhe pritet të jetë edhe pjesë e vazhdimit të filmit “Wanted”.

Skillz punojnë në albumin e dytë

Dy reperët e grupit "Skillz",
Ledri dhe Visari, janë duke punuar rreth përmbledhjes së krijimeve më
të reja muzikore, që do të përfshihen në albumin e tyre të ri.

“Skillz”
ka bërë të ditur se albumi do të përfshijë rreth 14 këngë të reja duke
pohuar se në këtë album nuk do të mungojnë edhe bashkëpunimet.

Albumit
do t’i paraprijë një videoklip i ri. Albumi i ri i grupit “Skillz”, i
dyti më radhë, pritet të lansohet në fillim të këtij sezoni veror.

Ledri
dhe Visari së fundi janë pjesë e bashkëpunimit në remixin “La Vida
Loca” të këngëtarit Blero, në të cilën paraqiten edhe F-Kay, Kaos, MC
Kresha dhe Lyrical Son. /ktv/telegrafi/

Lohan do të transferohet në Londër ?

Aktorja në telashe Lindsay
Lohan planifikon të transferohet në Londër për të kërkuar një fillim të
ri dhe për t’i lënë pas vetes problemet personale.

Aktorja njujorkeze aktualisht jeton në Los Angeles, mirëpo kohë pas kohe kthehet edhe në qytetin e saj të lindjes.

Mirëpo,
si pasojë e ndarjes nga e dashura e saj Samantha Ronson, ylli i filmit
“Mean Girls” është duke menduar për ta blerë një shtëpi në kryeqytetin
britanik me qëllim që t’i ikë presionit të vazhdueshëm të medias.

Rikthimi i Blur i qëndrueshëm

Rikthimi i rokerëve britanikë të
grupit "Blur" duket të jetë për një afat më të gjatë kohor, pasi që
kitaristi Graham Coxon ka njoftuar se bendi do të incizojë këngë të
reja.

Këngëtarët e hitit “Parklife” kanë paralajmëruar planin e
tyre për ribashkim, ndërsa gjatë verës do të organizojnë disa koncerte
në Britani të Madhe.

“Unë jam pro ribashkimit nëse edhe të
tjerët pranojnë. Nëse do të ndjehemi mirë së bashku, atëherë do
incizojmë sërish. Jam i sigurt që do ta bëjmë këtë gjë”, ka thënë Coxon
për “Daily Star”, duke folur edhe në emër të anëtarëve tjerë të grupit
Damon Albarn, Alex James dhe Dave Rowntree.

Uma nuk është martuar

Uma Thurman ka mohuar spekulimet se ajo është martuar fshehurazi me të fejuarin e saj Arpad Buddon gjatë vikendit të kaluar.

Çifti
është fejuar që në vitin e kaluar, ndërsa së fundi është spekuluar se
ata janë martuar në Bahamas në një ceremoni private të shtunën e
kaluar.

Mirëpo përfaqësuesja e aktores së filmit “Kill Bill”,
Stephen Huvane, i ka thënë shkurt revistës “E! Online”: “Uma nuk është
martuar!”.

J-Lo nuk është e gatshme për të lindur sërish

Jennifer Lopez është sërish në ‘luftë’ me burrin e saj Mark Anthony, për shkak se ajo nuk është gatshme të ketë më shumë fëmijë.

Qëkur mirëpritën binjakët Max dhe Emme në muajin shkurt të vitit 2008, Lopez është munduar vazhdimisht të rikthejë formën e saj.

Dhe ajo nuk është e gatshme të prishë sërish formën, pavarësisht se Anthony është i paepur për të zgjeruar familjen e tyre.

“Marc
thotë, ‘Çfarë presim?’, ndërsa unë them, ‘Duhet të presim derisa nëna
të jetë gati’. Jam në formën më të mirë të jetës. Dhe në gjendje më të
mirë psikike”, ka thënë Lopez për People.

John Mayer në lidhje me një modele ?

John Mayer duket se ka harruar ish-të dashurën e tij Jennifer Aniston, pasi raportohet se ka filluar lidhjen me një modele.

Këngëtari
i hitit “No Such Thing”, thuhet se po përzien me 24-vjeçaren Scheana
Marie Jancan, të cilën e takoi rastësisht në fillim të këtij muaji në
Beverly Hills.

“Scheana mbeti e befasuar dhe e tronditur kur
John i kërkoi asaj të dilnin bashkë. Ajo gjithmonë ka menduar se ai
ishte ‘hot’, dhe i tha ‘po’ menjëherë, duke i shkruar numrin e
telefonit në një letër”, ka thënë burimi për revistën Star.

“Ata
flirtuan gjithë kohën dhe ai tha se ajo ishte e këndshme. Scheana ka
thënë se është shumë e lumtur me të. Ajo iu ka thënë miqve se John
është shumë ‘i butë, i ëmbël dhe kreativ’,”, ka shtuar burimi.

Jones nderohet sërish

Legjenda uellsiane e muzikës, Tom Jones,
do të jetë mysafir nderi në ceremoninë e 40-të vjetore të Hollit të
Famës së Kantautorëve, që do që zhvillohet këtë verë.

Jones do
të marrë një çmim special në këtë ceremoni, një mirënjohje për
kontributin e tij të jashtëzakonshëm në muzikë. Veterani do të marrë
çmimin Howie Richmond Hitmaker në këtë ngjarje që do të organizohet në
New York më 18 qershor.

Bordi ka thënë se ka zgjedhur krijuesin
e hitit “Delilah” për shkak të suksesit të tij të madh gjatë një
periudhe që zgjati pesë dekada.

Fitues të mëhershëm të këtij
çmimi janë edhe legjenda Diana Ross, ylli i muzikës r&b Whitney
Houston dhe legjenda e muzikës latine Gloria Estefan.

Rihanna rikthehet me Chris Brown ?

Rihanna është rikthyer në krahët e reperit Chris Brown, bëjnë të ditur mediat amerikane.

Këngëtarja
e hitit “Umbrella”, ka kaluar disa ‘net të qeta’ me Brown dhe i ka
dërguar atij fotografitë e disa shtëpive në shitje.

“Me sa duket
Rihanna ende e dëshiron atë dhe na ka thënë të gjithëve, ‘Pajtohuni.
Unë jam ende. Ajo na ka thënë se nuk do të del në publik me të edhe një
kohë”, ka thënë një burim për Chicago Sun-Times.

Hudgens fiton rol në filmin “The Beastly”

Ditët e Vanessa
Hudgens në filmat “High School Musical” tashmë janë e kaluar, pasi
20-vjeçarja ka siguruar një rol të ri në filmin “The Beastly”.

Kompania
CBS Films, e cila aktualisht është duke realizuar një projekt me
Harrison Ford, Brendan Fraser dhe Keri Russell, ka zbuluar se projekti
i radhës do të ketë në ballë aktoren e re.

Filmi do të jetë një version modern i filmit “Beauty and the Beast”, dhe do të fillojë të xhirohet në New York gjatë kësaj vere.

Scherzinger shton në peshë

Anëtarja e grupit Pussycat Dolls, Nicole Scherzinger, mendon se ajo është e shëndoshë.

Këngëtarja,
e cila është në lidhje me ngasësin britanik dhe kampionin e Formula 1,
Lewis Hamilton, thotë se ajo ka shtuar në peshë që kur është rikthyer
nga turneu i lodhshëm.

“Kam shtuar shumë peshë gjatë disa javëve
të fundit, pasi kur ishim në turne në Evropë dhe bënim shou nga dy-tre
orë çdo natë, është e pashmangshme të humbasësh në peshë”, ka thënë
Scherzinger.

“Por tash jam sërish në shtëpi dhe ha në të gjitha
restorantet e mia favorite çdo natë, e kam mbushur fytyrën. Është
vërtet kënaqësi. Më pëlqen ushqimi amerikan”, ka shtuar bukuroshja.

Adela: Kam vuajtur shumë

Anëtarja më e përfolur e edicionit të
sivjetmë të shout real "Big Brother", Adelajda, i ka thënë Qetësorit se
ajo ka vuajtur shumë duke u munduar t’i ndryshonte gjërat në jetën e
saj dhe personat përreth.

“Ndonjëherë më vjen keq për veten,
sepse jam rritur përpara kohe!”, ka thënë Adelajda duke shtuar se kjo
kishte edhe të mirat e veta.

Adela ka thënë se po të ishin
jashtë do t’u tregonte shumë gjëra dhe vetëm atëherë ata do ta kuptonin
tamam, njëherë e mirë dhe do t’i thoshin se nuk kishte pasur faj.

“Unë
kam vuajtur gjithë ato vite, jam lodhur, jam përpjekur t’i ndryshoj
gjërat. Kam vuajtur vërtet!”, ka shtuar ajo. /tch/telegrafi/

Tyson: Brown është një fëmijë

Kampioni
i dikurshëm i boksit Mike Tyson e ka kritikuar këngëtarin e muzikës
R&B, Chris Brown, për sulmin që ka bërë ndaj ish-të dashurës së tij
Rihanna.

Në shkurt të këtij vitit Brown e kishte lënduar,
atëkohë, të dashurën e tij, këngëtaren e hitit “Umbrella”, duke e lënë
të përgjakur dhe të mavijosur.

Ndërsa ish-boksieri nuk ka
qëndruar pa e komentuar këtë veprim brutal të 19-vjeçarit, derisa edhe
vetë Tyson është akuzuar nga ish-gruaja e tij, Robin Givens, për abuzim
fizik.

“Mendimi im personal për këtë veprim të tijin është se
ai është ende një fëmijë. Ai është një fëmijë i vogël i cili nuk di si
t’i kontrollojë emocionet kur bëhet fjalë për një femër. Abuzimi i
femrave është diçka shumë e sëmurë. Edhe unë jam prodhim i një ambienti
ku lejohet dhuna ndaj gruas. Unë personalisht kam goditur femra në të
kaluarën, mirëpo jam penduar për këtë gjë dhe nuk do ta bëj kurrë më
një veprim të tillë”, ka shpjeguar Tyson.

Dunst në dyshim për Spider-Man 4

Filmi "Spider-Man" ndoshta do t’i kthehet aksionit pa femrën kryesore të filmit, Kirsten Dunst.

Producentët
e filmit janë duke u munduar ta bindin aktoren që të nënshkruajë për
vazhdimin e katërt të hit-filmit për superheroin: ‘Njeriun Marimangë’.

26-vjeçarja
ka luajtur në të tre filmat paraprakë të “Spider-Man”, në rolin e Mary
Jane Watson, krahas aktorit kryesor Tobey Maguire.

Mirëpo,
derisa Maguire ka konfirmuar paraqitjen e tij edhe në vazhdimin e
katërt dhe të pestë të filmit, Dunst është ende e dyshimtë për t’iu
bashkëngjitur trupës së aktorëve.

Arjoni feston ditëlindjen brenda shtëpisë

Disa prej banorëve të
"Big Brother" kanë pasur fatin të festojnë ditën e tyre të lindjes si
asnjëherë tjetër. Këtë herë ka qenë radha e Arjonit, i cili ka festuar
24-vjetorin më të veçantë të jetës së tij.

E ka pranuar
shpeshherë gjatë bisedave që nuk është tip i befasive, por këtë herë ka
rënë pre e një surprize të këndshme. Mëngjesi të martës ka bërë që
banorët të përkushtohen për t'ia bërë ditën sa më të bukur Arjonit.

Banorët
e kanë pritur atë të fshehur jashtë shtëpisë, ku Qetsori i kishte
përgatitur edhe një kënd romantik, të sajuar me jastëkë dhe vazo
lulesh. Aty e priste edhe dhurata e tij, Anjeza, që banorët e kishin
mbuluar "që të mos dukej".

Ata e uruan të gjithë me radhë, duke e puthur e përqafuar dhe i kënduan edhe këngën e datëlindjes.

"Unë nuk i kam qejf surprizat, por kjo ishte shumë e bukur!", ka thënë Arjoni.

Gjithë
kjo nuk ka mbaruar me kaq, banorët janë organizuar duke e vazhduar këtë
festim me një shaka të përgatitur për Arjonin. Anjeza, Adelajda dhe
Bjordi kanë shfrytëzuar momentin kur ai ka ikur dhe, ndërsa Anjeza dhe
Adela ruanin kthimin e tij, Bjordi është futur nën jorgan, në këndin
romantik, që Qetsori kishte përgatitur për çiftin, në mënyrë që Arjoni
ta kujtonte si Anjeza, për të parë sesi do të reagonte. Por, Arjoni i
ka qëndruar lojës dhe është futur edhe ai nën jorgan, duke bërë sikur e
përqafonte. Vajzat kanë qeshur me të madhe. /Shekulli/Telegrafi/

Anderson do të luajë në "Doctor Who"

Aktroja e serialit
televiziv “The X-Files”, Gillian Anderson, ka vendosur të luajë në
serialin tjetër fantastico-shkencor, "Doctor Who".

40-vjeçarja
ka luajtur në hit-serialin e viteve të nëntëdhjeta, “The X-Files”,
krahas David Duchovnyt, si edhe në dy filma të bazuar në këtë serial,
në vitin 1998 dhe në vitin 2008.

Ndërsa tani “Daily Express”
njofton se producentët ekzekutivë të serialit britanik, “Doctor Who”,
dëshirojnë ta kenë aktoren në serial, duke pasur parasysh të kaluarën e
saj pozitive në një rol fantastiko-shkencor.

Vesa nuk flet për jetën private

Këngëtarja Vesa Luma, ka
vendosur që të mos flasë më për jetën e saj private në media. Këtë e ka
thënë vet këngëtarja, në një intervistë për emisionin "Express Live".

Sipas Vesës është keqpërdorur gatishmëria e saj për të folur rreth jetës private, sidomos nga mediat e shkruara në Shqipëri.

“Unë
kam qenë shumë e hapur ndaj mediave çdo herë kur më janë bërë pyetje
për jetën time private. Kjo është keqpërdorur, sidomos nga mediat e
shkruara në Shqipëri. Prandaj kam vendosur që më të mos flas më për
jetën time private”, ka thënë këngëtarja, e cila është në lidhje me
regjisorin Genc Dobroshi. /ktv/telegrafi

Hudson: Nuk jam shtatzënë

Aktorja dhe këngëtarja Jennifer Hudson ka mohuar, thashethemet e fundit të cilat pohojnë se ajo do të bëhet nënë.

Në
fillim të kësaj jave revista “Essence” kishte shkruar se fituesja e
OSkarit po priste fëmijën e parë me të fejuarin e saj, David Otunga.

Ndërkohë, TheCelebrityTruth.com citon përfaqësuesen e Hudson të ketë thënë se këto spekulime nuk janë të vërteta.

Rikthehen ninxhat breshka

Bosët e filmit do të festojnë
25-vjetorin e “The Teenage Mutant Ninja Turtles”, duke i rikthyer
‘ninxhat breshka’ në ekranin e madh.

Breshkat do të kthehen sot
në qendër të vëmendjes, pasi organizatorët e Tribeca Film Festival do
të festojnë krijimin e tyre të vitit 1984 me një festë speciale në New
York.

Ndërtesa Empire State Building do të jetë e gjelbër në
nder të tyre dhe një projektim i veçantë do të shfaqet për fansat, të
cilët janë të ftuar të dalim të veshur si katërshja e ‘breshkave’,
Leonardo, Michaelangelo, Raphael dhe Donatello.

Dhe festa nuk do
të përfundojë me kaq, por do të ndiqet me një film të ri, i cili do të
jetë i gatshëm për lëshim në vitin 2011, bën të ditur Variety.

Jay Leno dërgohet në spital

Shoumeni i njohur amerikan Jay
Leno, e ka ndërprerë emisionin “Tonight Show” gjatë të enjtes, pasi
është dërguar në spital në Los Angeles.

Prezantuesi televiziv
supozohet se kishte qenë duke biseduar me aktorin Ryan Reynolds në
shoun e tij, por xhirimet është dashur të ndërpriten për shkak të
përkeqësimit të shëndetit të Leno.

Burime të brendshme thonë se
Leno kishte vuajtur nga një helmim ushqimi. Kjo vjen një muaj para se
ai t’i japë fund suksesit të tij si drejtues i emisionit “The Tonight
Show with Jay Leno”, më 19 maj.

Leno raportohet se është lëshuar nga spitali dhe është duke pushuar në shtëpinë e tij.

Ciara i kthehet modës

Ylli i muzikës r&b, Ciara, është duke
u përpjekur të ndjekë hapat e yjeve të tjera, si Beyonce, Jennifer
Lopez dhe Jessica Simpson dhe të lëshojë linjën e saj të veshjeve.

Krijuesja
e hitit “Goodies”, ka një sy të mprehtë për stil dhe tashmë e din çfarë
lloj të veshjesh do të krijojë për fansat e saj dhe si do të quhet
linja.

“Do të jetë një linjë seksi dhe zbavitëse, si veshjet e
brendshme me vizatime të cilët fëmijët i veshin. Do të jetë për të
qeshur. Do ta quaj ‘Fly Girl’,”, ka thënë 23-vjeçarja.

Barton planifikon të luajë një karakter të Shakespearet

Aktorja
Mischa Barton ka vendosur të luajë një karakter të Shakespeareat në
teatër, kështu që ka filluar të ushtrojë për paraqitje në skenë.

Ish-ylli i serialit “The O.C.” dëshiron të heqë dorë për një kohë nga rolet filmike dhe të përqendrohet në karrierën skenike.

“Së
fundmi kam shkuar në një kurs për të ushtruar shfaqjet e Shakespearet,
sepse nëpër shkollat amerikane nuk të mësojnë të luash karakteret e
Shakespearet”, ka thënë aktorja.

Hathaway, Shatner dhe Bratt fitues në Prism Awards

Anne
Hathaway, William Shatner dhe Benjamin Bratt ishin ndërmjet aktorëve të
cilët kanë fituar çmime në ceremoninë e ndarjes së çmimeve Prism Awards
2009, e cila i nderon produksionet të cilat ngritin vetëdijen për
çështjet e lidhura me drogën.

Ceremonia e cila është mbajtur të
enjten në Los Angeles, e ka vlerësuar aktoren Hathaway për rolin e saj
në filmin “Rachel Getting Married”, ku ajo luan rolin e një të varure
nga droga.

Shatner është nderuar për rolin e tij në serialin “Boston Legal”, ndërsa Bratt për paraqitjen e tij në serialin “The Cleaner”.

Rodriguez do të realizojë filmin e ri Predator

Njoftohet se
regjisori Robert Rodriguez do të risjellë në ekran vazhdimin e filmit
"Predator", i cili do të titullohet "Predators".

Filmi i parë i
realizuar nga John McTiernan në vitin 1987, i cili flet për
jashtëtokësorin vrasës, ka pasur sukses të madh duke u nominuar madje
edhe për çmimin Oskar për efektet vizuale, mirëpo vazhdimi i tij në
vitin 1990 nuk u pranua aq mirë nga publiku.

Një vazhdim
tjetër “Aliens vs Predator: Requiem” është realizuar në vitin 2007,
mirëpo Rodriguez planifikon të realizojë diçka krejtësisht të re.

Adela e ka të vështirë të flejë me Bjordin

Adelajda i ka thënë
Mimozës se e ka të vështirë ta ndajë krevatin me Bjordin para kamerave,
prandaj çdo natë po sajon diçka për t’i ikur situatës.

“Më vjen
zor të fle në krevat me Bjordin!” ka thënë Adelajda duke shtuar se
Bjordi e ka kuptuar atë që bën ajo duke sajuar vazhdimisht diçka për të
mos fjetur me të.

Pyetjes së Mimozës se pse e ka zor të flejë
me Bjordin, Adelajda i është përgjigjur se nuk ndjehet mirë ta bëjë
këtë gjë kur të gjithë e shikojnë.

Luan Krasniqi është bërë baba

Boksieri profesionist, Luan Krasniqi, është bërë baba për herë të parë, njofton Top Channel.

“Jam
jashtëzakonisht shumë i gëzuar. Tashmë në jetën tonë ka hyrë një
engjëll flokëverdhë dhe lindja e vajzës sime është më e rëndësishme se
çdo fitore”, ka thënë boksieri kosovar.

Vajza dhe
bashkëshortja e tij, Sueda, janë mire me shëndet dhe tani ata do të
kthehen në shtëpinë e tyre në Rotvajl. “Unë po shijoj çdo moment me
familjen time të re”, shprehet Krasniqi.

Përveç të qenit baba i mire, ai është i përqendruar edhe te karriera e tij dhe shpreson për një rikthim në ring.

“Stërvitem çdo dite dhe dua të bëj një ndeshje këtë vit kundër një boksieri të mirë”, shton boksieri i peshave të rënda.

Barrymore dhe Lange nuk janë grindur

Bashkaktoret e filmit
"Grey Gardens", Drew Barrymore dhe Jessica Lange, kanë mohuar
spekulimet se kanë pasur një zënkë në lidhje me nominimet e ardhshme të
Emmy Awards.

Faqet e thashethemeve këtë javë kanë sugjeruar se
dy aktoret, të cilat luajnë në filmin e realizuar nga HBO, kishin pasur
një grindje me njëra-tjetrën për faktin se cila do të konsiderohet e
nominuar për aktoren kryesore në ceremoninë e ndarjes së çmimeve “Prime
Time Emmy Awards”.

Thashethemet kanë spekuluar se HBO ka
përcaktuar që Barrymore, të konsiderohet aktorja kryesore, derisa Lange
ka reaguar për këtë gjë.

Mirëpo, një përfaqësues i kompanisë
televizive ka thënë se HBO nuk përcakton se kush do të dominohet dhe në
cilën kategori dhe ka mohuar të ketë pasur mospajtime ndërmjet dy
aktoreve.

Miley i kthehet dashurisë së vjetër ?

Miley Cyrus ka nxitur
spekulime se i është kthyer dashurisë së vjetër, pasi që ka kaluar një
tjetër mbrëmje romantike me ish-të dashurin e saj Nick Jonas.

Këtë
muaj Miley është bashkuar me grupin “Jonas Brothers”, të cilin e
përbëjnë tre vëllezërit Nick, Joe dhe Kevin Jonas për të incizuar
këngën e Disneyt, “Pass It On”, ndërkohë gjatë kësaj jave dy ish- të
dashuruarit kanë darkuar së bashku në një mbrëmje intime.

Ky
takim ka nxitur spekulime se Miley do të ndahet nga i dashuri aktual,
modeli dhe këngëtari Justin Gaston, për t’u lidhur sërish me Nick,
ndërsa sipas “New York Daily News”, ylli i grupit “Jonas Brothers” ka
kërkuar nga këngëtarja dhe aktorja që ta lajmërojë sa më shpejtë
Gastonin se i është kthyer të dashurit të vjetër.

Madonna rikthehet në studio

Madonna ka harruar aksidentin e
rënies nga kali gjatë vikendit të kaluar dhe tashmë është rikthyer në
studio për të punuar në këngë të reja.

Këngëtarja është bashkuar
me DJ britanik Paul Oakenfold dhe dyshja kanë kaluar ditën e enjte duke
punuar së bashku në këngë të reja.

“Paul Oakenfold lëviz nëpër
studio i zhveshur... pasi ajo nuk ajroset... është nxehtë këtu... por
muzika do të jetë edhe më e nxehtë!!!”, thuhet në një publikim në
Twitter të menaxherit të këngëtares, Guy Oseary.

Hayek shtron darkën e martesës

Salma Hayek dhe burri i saj
Francois-Henri Pinault kanë mirëpritur një mori të yjeve të cilët janë
të ftuarit e çiftit në martesën e dytë të tyre, që sot zhvillohet në
Venecia të Italisë.

Woody Harrelson, David Blaine, Antonio
Banderas, Charlize Theron dhe ish-i dashuri i Hayek, Edward Norton,
ishin në listën e mysafirëve të cilët mbrëmë iu bashkuan çiftit dhe
vajzës së tyre Valentina në darkën festive, të pasuar nga një ndejë e
maskuar.

Hayek, 42-vjeçare, dhe Pinault, 46-vjeçar, do të
martohen sot në qytetin italian, dy muaj pasi u kurorëzuan për të parën
herë në Paris, Francë, në ditën e Shën Valentinit.

Von Teese disenjatore e veshjeve të brendshme

Bukuroshja e parodive, Dita von Teese, ka dizajnuar një linjë të re të veshjeve të brendshme për gjigantin Wonderbra.

Format veshjeve të brendshme për gra të dizajnuara nga Von Teese janë të stilit të viteve 1940-ta dhe 50-ta.

“Gjithmonë
kam dashur të bëj diçka me veshjet e brendshme dhe ishte e rëndësishme
të përfundoja këto produkte duke nxjerrë diçka të cilën do të mund ta
vesh edhe vetë”, ka thënë Von Teese.

Katy Perry rikthehet me Travis McCoy ?

Katy Perry raportohet se ka ringjallur romancën e saj me ish-të dashurin Travis McCoy.

Dyshja,
të cilët u ndanë në dhjetorin e kaluar, kanë vendosur të rikthehen së
bashku pasi kanë kuptuar se nuk mund t’ia dalin të ndarë.

“Ndarja
ta shpifte. Ne jemi sërish së bashku, jeni personi i parë të cilit ia
kam treguar”, ka thënë rokeri i bendit “Gym Class Heroes”, Travis, për
gazetën britanike The Sun.

“Vazhdoj të mendoj se nëse do të
duhej ta kaloja këtë sërish, sa gjë e vështirë do të ishte. Thjesht po
kënaqem me mënyrën si janë gjërat tash”, ka shtuar Travis.

Knightley pëlqen patatet e skuqura

Aktorja britanike Keira
Knightley, e cila shpesh akuzohet se ka çrregullime me ushqimin, thotë
se ajo pëlqen të hajë ushqime të yndyrshme.

“Jam një adhuruese e
madhe e ushqimit. Në jetën time familjare, të gjitha gjërat e mira
rrotullohen rreth tavolinës së ushqimit. Gatesat e nënës time janë të
mrekullueshme. Ne bëjmë dreka të mëdha”, thotë aktorja.

“S’ka
asgjë më të mirë se patatet e skuqura, janë vërtet të këndshme. Më
pëlqejnë edhe pastat. Shpesh përgatis Spageti Bolognese me ton”, thotë
Keira.

Nicholson nge padi ndaj një borxhliu

Aktori veteran Jack
Nicholson ka ngritur akuzë kundër një producenti të Hollywoodit duke
supozuar se ai i ka borxh yllit më shumë se 1.2 milionë dollarë.

Nicholson
i ka dërguar dokumentet në Gjykatën e Lartë në Los Angeles gjatë të
premtes, duke thënë se ai ia kishte ofruar paratë ish-ekzekutivit të
studios, Mark Canton, me qëllimin që t’i ndihmojë atij të mbulojë një
hua bankare.

Por aktori thotë se Canton ende nuk e ka paguar
asnjë nga paratë e huazuara, bën të ditur TMZ. Nicholson kërkon shumën
e dhënë të parave si dhe shtesën e interesit.

Klum: Foshnja e ardhshme do të jetë e fundit

Supermodelja
shtatzënë, Heidi Klum, është zotuar se nuk do të ketë më shumë fëmijë,
pasi të lind edhe të katërtin më vonë gjatë këtij viti.

Bukuroshja
e pistave dhe burri i saj, këngëtari Seal, zbuluan më herët gjatë këtij
muaji se presin edhe një foshnjë, një vajzë e cila do t’u bashkohet
fëmijëve të tjerë, Henry, trevjeçar, Johan, dyvjeçar, dhe pesëvjeçares
Leni, të cilën Klum e ka nga lidhja e mëhershme.

Por, Klum zotohet se ky do të jetë edhe fëmija i fundit për të, me të cilin do të kompletohet familja.

“Kur
shihnim rreth e rrotull në tavolinë, ishte edhe një person që mungonte.
Dhe mu për këtë u bë edhe numri katër. Por do të jetë i fundit”, ka
thënë Klum.

Big Brother: Largohen Arjoni dhe Eltoni

Mbrëmja e së shtunës ka
sjellë emocione të veçanta në shtëpinë e Big Brother. Nga shtëpia janë
larguar dy konkurrentë dhe eliminimi i parë i Arjonit ka përlotur
Anjezën.

Pas eliminimit dhe një dhurate, Arjonit i është ofruar një bursë e plotë studimi në një shkollë mode.

Ndërsa
ethet janë shtuar mes banoreve të mbetur dhe që çuan në eliminimin e
dytë. Ai është Eltoni, një nga konkurrentët e rinj që hyri në shtëpinë
e Big Brother.

Juna ka qenë një ndër të përzgjedhurat e “Vëllait
të Madh”, e cila ka zhvilluar një bisede emocionuese me të atin
Virgjilin. Ndërsa Arjani ka ndarë me banorët e tjerë dhe publikun
emocionet dhe kujtimin e babait të tij.

E vetmja banore nga
Kosova, Mimoza, ka pranuar një dhuratë surprizë nga Poli, ish-banor në
edicionin e parë të “Big Brother”, i cili i ka dhënë asaj edhe mjaft
këshilla në lidhje me qëndrimin në shtëpi.

Të nominuar për eliminimin e radhës janë Adelajda, Adi, Mimoza, Juna dhe Anjeza./TCH/

Jon Bon Jovi ka frikë nga gruaja

Rokeri Jon Bon Jovi ka bërë
shaka duke thënë se martesa e tij me Dorothea Hurley ka mbijetuar për
dy dekada pasi ai jeton nën frikën e gruas.

“Le ta themi atë këtu dhe troç. Kam frikë nga gruaja ime”, ka thënë Jon i pyetur për sekretin e martesës së suksesshme.

Jon,
i cili do të festojë 20-vjetorin e martesës në javën e ardhshme, thotë
se ai është më i lumtur se kurrë me gruan dhe dyshja bëjnë çdo
përpjekje për të qëndruar jashtë vëmendjes së publikut.

“Ajo është investimi më i mirë që kam bërë ndonjëherë. Besomëni ajo është më e mira. Jam shumë i lumtur”, ka shtuar rokeri.

Jon
u martua në mënyrë sekrete me të dashurën e tij nga shkolla e mesme,
Dorothea, më 29 prill të vitit 1989 në Las Vegas. Dyshja kanë katër
fëmijë së bashku.

Victoria krenare me bashkëshortin seksi

Victoria Beckham mendon se burri i saj David Beckham është “mashkulli më i bukur” në botë dhe është krenare për këtë.

Ish-anëtarja
e grupit Spice Girls është e lumtur me futbollistin dhe thotë se ai
është mashkulli më i pashëm që ka parë ndonjëherë.

E pyetur
nëse ajo shqetësohet për efektin e fotografive seksi në reklamën e
veshjeve të brendshme të markës Armani, Victoria është përgjigjur:
“Pse? Fotot vetëm tregojnë të vërtetën, ai është vërtet mashkulli më i
bukur”.

TVSH nuk kursen paratë për Kejsin

Drejtuesit e Televizionit
Publik Shqiptar duket se nuk i kursejnë paratë këtë vit për një
prezantim sa më dinjitoz të Kejsi Tolës, në Festivalin Evropian, që do
organizohet në maj në Rusi.

Sipas burimeve të “Panorama Plus”
bëhet e ditur se vetëm realizimi i klipit të saj “Carry Me Into Your
Dreams” në një studio gjermane ka kushtuar një shumë të majme parash,
ndërkohë që do shpenzohet po ashtu për një veshje të mirë skenike, me
mëndafsh të bardhë nga më të shtrenjtit, realizuar nga kostumografia
Anila Zajmi.

Televizioni Publik Shqiptar ka zgjedhur linjën e
veshjeve BSB, për veshjet “casual” të këngëtares, me mbërritjen e saj
në aeroport, dhe për prezantimin e saj në konferencat e shtypit, që do
mbahen para fillimit të Festivalit Evropian, dhe pas tij nëse do jetë e
nevojshme.

Ndërkohë ajo ka marrë mësime baleti në Athinë, dhe
ka bërë ushtrime të rregullta në palestër për të rënë nga pesha dhe për
të arritur një formë të mirë trupore.

Për perfomancën e saj po
kujdeset koreografi, që jeton në Greqi, Julian Bulku. Në prezantimin
skenik të Eurovizionit shoqërohet nga dy këngëtare, dy balerinë 14
vjeçarë dhe një balerin kryesor, që simbolizon Princin e Kaltër, bazuar
në fabulën e këngës “Më merr në ëndërr”, të Edmond Zhulalit.

Tori Spelling nuk ka kohë të merret me trupin

Tori Spelling nuk është shumë e shqetësuar se çfarë njerëzit mendojnë për humbjen në peshë së fundi, pasi është shumë e zënë.

“Në fund të ditës, kam dy fëmijë dhe një burrë. Kam shumë punë për të bërë”, thotë Spelling.

“Nuk
kam kohë ë mendoj nëse ata mendojnë se jam në peshë perfekte ose
mendojnë se duhet të shtoj. Dua të jem e shëndetshme për fëmijët e mi”,
shton aktorja.

Dy Jennifer-et në ‘luftë’ me njëra-tjetrën

Jennifer Aniston
raportohet se ka pasur një përplasje me Jennifer Lopez, sepse që të
dyja bëjnë filma rreth një gruaje e cila përpiqet të mbetet shtatzënë.

Aniston,
40-vjeçare, aktualisht është duke xhiruar filmin “The Baster”, në të
cilin ajo luan karakterin e Kassie, një grua e cila lind një fëmijë
përmes mbarsjes artificiale.

Lopez, 39-vjeçare, do të luajë në
filmin “The Back-Up Plan”, një film i cili tregon një ngjarje për një
femër të vetmuar e cila vendos të mbarset në mënyrë artificiale, si
përgjigje për momentin biologjik të saj.

Dhe këngëtarja/aktorja duket e hidhëruar me ish-aktoren e serisë “Friends”, pasi ajo realizon një projekt po thuajse identik.

“Gjëja
e fundit që J-Lo dëshironte nga Aniston është ta errësojë atë. Ka pasur
disa sharje në mes tyre, me Lopez që thoshte se Aniston ia kishte marrë
idenë”, ka thënë burimi

Beyonce merr kreun e box-office

Beyonce Knowles ka marrë kreun
e top listës së filmave më të shikuar në Amerikë, pasi trileri i ri
“Obsessed”, ku luan këngëtarja ka debutuar në vendin e parë me 28.5
milionë dollarë të fituar.

Filmi i cili kushtoi rreth 20 milionë
dollarë për t’u bërë, e sheh Beyoncen në rolin kryesor krahas Idris
Elba, si një çift martesa ideale të cilëve goditet pasi një person
psikotik, i luajtur nga Ali Larter, fillon ta kërcënojë burrin.

Filmi
i Zac Efron, “17 Again”, dhe filmi i Channing Tatum, “Fighting”, kanë
një diferencë të ngushtë mes tyre, me të parin që mban pozitën e dytë
me 11.7 milionë, dhe tjetrin që debuton në pozitën e tretë me 11.4
milion dollarë të fituar gjatë vikendit.

Dy debutime tjera kanë
marrë pozitat katër dhe pesë. “The Soloist” ka mbledhur 9.7 milionë
gjatë vikendit për të marrë vendin e katërt, ndërsa “Earth”, ka
mbledhur 8.6 milionë për të mbyllur top pesëshin.

Eminem dëshiron të bashkëpunojë me Lil Wayne

Ylli i rikthyer i muzikës rep, Eminem, dëshiron të incizojë një duet me Lil Wayne.

Krijuesi
i hitit “The Slim Shady”, së fundi lavdëroi Lil Wayne duke thënë se ai
e ka mbajtur hip-hopin gjallë gjatë pauzës së tij nga muzika, dhe ka
zbuluar se është i hapur për bashkëpunim me të.

“Nuk ka pasur
kohë për mua të dal dhe të realizoj bashkëpunime së fundi, pasi kam
qenë shumë i mbyllur në studio. Jam i hapur për gjithçka. Ka shumë
artistë në lojë dhe i respektoj, veçanërisht tash”, ka thënë Eminem.

Alba thyen rregullat e komunikacionit

Aktorja Jessica Alba
është ndaluar nga policia në Kaliforni gjatë vikendit, pasi kishte
vozitur në drejtimin e gabuar në rrugën një-kahe.

Ylli i filmit
“Fantastic Four” është ndjekur nga policia pasi është vërejtur se
ngiste veturën në kahen e gabuar në një rrugë në Santa Monica.

Alba
raportohet se ka dashur ta arsyetojë veten, por policia kishte
‘qerasur’ me një letër dënimi. Para se të largohet, paraparacët e kanë
filmuar aktoren duke bërë shaka me personat e rendit.

“Nëse do
të dëshiroja t’ju sfidoj (të refuzoj dënimin), a do të paraqiteshit
edhe ju në gjykatë? Do të ishte ajo një ditë me fat për ju?”, ka qeshur
aktorja me policët.

Policët kosovar, me siguri ia kishin falë?!

Cheryl Cole nuk i pëlqen këmbët e saj

Anëtarja e grupit “Girls Aloud”, Cheryl Cole, ka një gjë që nuk pëlqen në veten e saj, dhe këto janë këmbët.

Këngëtarja thotë se ajo nuk është plotësisht e kënaqur me pamjen e saj.

“Nuk
më pëlqejnë këmbët e mia. Nuk i kam pasur si duhet prej fillimi. Nëse
dikush sheh celulit në këmbët e mia dhe kjo është normale për ta,
atëherë do të isha e lumtur të dëgjoja njerëzit të thonë, ‘Cheryl ka
celulit, është bukur’,”, ka thënë këngëtarja.

Megjithatë 25-vjeçarja zotohet se nuk do të futet në operacion për të larguar celulitin nga këmbët e saj.

Ritchie blen shtëpi në afërsi të Madonnës

Regjisori Guy Ritchie
raportohet se ka blerë një shtëpi të re në afërsi të pronës së
ish-gruas së tij Madonna në kryeqytetin britanik, Londër, kjo me qëllim
që të jetë më afër dy djemve të tij, shkruan The Sun.

Dyshja i
dhanë fund martesës së tyre tetëvjeçare në nëntorin e kaluar dhe tash
ndajnë kujdesin për djalin tetëvjeçar Rocco, dhe trevjeçarin David
Banda, të cilin ata e adoptuan nga Malawi në vitin 2006.

Derisa
regjisori banon në Wiltshire, Angli, Madonna është e vendosur në New
York, edhe pse ajo rregullisht fluturon në Britani për të kaluar një
pjesë të kohës në shtëpinë e saj në Londër.

Dhe tash Ritchie ka
vendosur të jetë më afër djemve të tij kur ata të jenë në vend, dhe ka
harxhuar miliona në një shtëpi në afërsi të rezidencës së këngëtares në
qendër të Londrës.

Wood do të martohet me Ivanovan

Mësohet se 61-vjeçari Ronnie Wood ka vendosur të martohet me të dashurën e tij 20- vjeçare, Ekaterina Ivanova.

Kitaristi
i grupit legjendar “Rolling Stones”, i cili vitin e kaluar bëri bujë të
madhe kur u nda me gruan e tij pas martesës 23-vjeçare për të qenë me
bukuroshen ruse, u ka thënë miqve se ka gjetur “një vend të ri në jetë”
që nga fillimi i romancës me kamerieren.

Mirëpo, para se të
martohet me 20- vjeçaren, rokeri duhet të shkurorëzohet nga gruaja e
tij Jo, me ç’rast do të mundohet të japë sa më pak nga 60 milionë
funtet, aq sa llogaritet pasuria e tij.