Show Biz :P

First topic message reminder :

Aktori nga Tetova, Blerim Destani, i cili pati një sukses të madh me
filmin "Koha e kometës", është angazhuar në dy projekte filmike
joshqiptare.

Destani aktualisht është i angazhuar në realizimin
e filmit "Seperation City", xhirimet e të cilit zhvillohen në Zelandën
e Re dhe në Gjermani, ndërsa do të dalë nëpër kinema në fund të vitit
të ardhshëm.

Ndërkohë, kur të përfundojnë xhirimet e "Seperation
City", Destani do të shfaqet në filmin me produksion gjerman, danez dhe
australian, "At World’s End".

Në këto dy filma, Blerim Destani
luan krahas aktorëve të njëhur të cilët kanë luajtur nëpër filmat
hollivudianë, siç është Rhona Mitra (e cila ka luajtur në filmat “Lara
Croft”, “Shooter”, “Nummer 23” etj.), Thomas Kretschmann (“King Kong”,
“Wanted” etj.), Joel Edgerton (“Star Wars 2”, “Star Wars 3” etj.),
Stephen Berkoff, ("Beverly Hills Cop", "James Bond Octopussy" etj).

Spears përgjegjëse për divorcin e Mel Gibson?

Tabloidi britanik Daily Mirror shkruan se Britney Spears ka qenë shkaktarja e problemeve martesore të aktorit Mel Gibson.
Gazeta
shkruan se gjithçka kishte marrë teposhtën kur Gibson e kishte ftuar
Spears t’i bashkohet atij dhe gruas në Costa Rica në vitin 2008.

“Mel
e kishte ftuar Britney-n në pronën e tij, për t’i ofruar një vend për
pushim. Ai po ashtu e nxori atë në darkë në Los Angeles. Por aluzioni
dhe thashethemet arritën tek Robyn (gruaja e Mel). Ajo dëshironte të
zgjidhje gjithçka, e që ishte divorci”, ka thënë burimi për gazetën.

Gibson
zbuloi javën e kaluar se ai dhe Robyn, me të cilën ka qenë i martuar
për po thuajse 28 vite, kishin aplikuar për divorc. Ajo pritet të marrë
gjysmën e pasurisë së tij, që vlerësohet 900 milionë dollarë.

Rikthehen Roxette

Pop dyshja suedeze "Roxette" janë në negociata për t’u ribashkuar, pesë vite pas ndarjes së tyre.
Këngëtarët
e hitit “Listen To Your Heart” kanë bërë një pauzë nga viti 2002, pasi
që vokalistja Marie Fredriksson ishte diagnostikuar me tumor të gjirit.


Fredriksson dhe anëtari tjetër Per Gessle, ishin bashkuar për
një kohë të shkurtë në vitin 2004 për të festuar 25 vjetorin e grupit,
ndërsa tani Gessle ka thënë se rikthimi është në plan.

“Mendoj
se do të bëjmë diçka së bashku, ndoshta jo turne por diçka po. Nuk mund
ta them kohën se kur do të bashkohemi, mirëpo nuk shoh ndonjë arsye pse
të mos ta bëjmë këtë”, është shprehur Per Gessle.

Adele në Ugly Betty

Këngëtarja britanike Adele do të debutojë si aktore me një rol komik në serialin televiziv "Ugly Betty".
Këngëtarja
fituese e çmimit Grammy dëshiron të ndjekë hapat e Victoria Beckham dhe
Naomi Campbell duke e luajtur vetveten në hit komedinë amerikane.

Adele do ta këndojë një këngë në episodin i cili do të shfaqet në SHBA muajin që vjen.

Sean Combs në një film të ri

Mësohet se këngëtari Sean Combs do të aktrojë krahas aktorit Russel Brand në një film të ri.
Reperi,
i cili gjatë karrierës së tij muzikore i ka ndërruar emrat në Puff
Daddy e P Diddy, do të luajë në filmin “Get Him To The Greek”, i cili
është realizim i Apatow Productions.

Combs do ta luajë rolin e shefit të një kompanie incizuese ku karakteri i Brand (një yll roku) incizon këngët e tij.

Mandy turpërohet nga muzika e saj

Mandy Moore 'struket' kur e
dëgjon muzikën e saj të mëparshme- sepse në fillim të karrierës së saj,
ajo detyrohej t’i këndonte vetëm këngët të cilat ia lejonin producentët.
Këngëtarja,
e cila u bë e famshme në moshën 15-vjeçare, me hitin e vitit 1999 “So
Real”, turpërohet nga hapat e parë në muzikë, sepse këngët e para të
saj nuk kanë kreativitet.

Revista “Details” njofton se tani
këngëtarja shpreson që ta shlyejë të kaluarën me albumin e saj të ri
“Amanda Leigh”, të cilin e ka shkruar bashkë me kantautorin Mike Viola.

newPorn realizon videoklip

Viagra e Singullari vetëm pak kohë
pasi kanë formuar rep-grupin e tyre me emrin newPorn, kanë realizuar
edhe vido-klipin e parë të përbashkët.
Kënga të cilës i është
realizuar ky video-klip quhet “Marylin Pornoe”. Njëherësh ky është
singlli i parë i përbashkët këtyre dy reperave. Po ashtu kjo është edhe
kënga e parë e albumit të tyre të ri, i cili pritet të del gjatë kësaj
vere.

Teksti i këngës “Marylin Pornoe” i kushtohet një vajze e
cila është e përqendruar në mbajtje të dietës për t’u dukur më e bukur.
Madje, pjesët e saj të trupit i ka artificial të përbëra me silikon.
Hobi i saj është shëtitja me vetura të shtrenjta, shoqëria me djem të
rrezikshëm dhe është konsumuese e kokainës.

Por ky nuk do të
jetë vido-klipi i vetëm nga ky album. Anëtari i këtij grupi, Viagra i
ka thënë për portalin Telegrafi se me promovimin e albumit të ri do të
realizohet edhe një video-klip tjetër.

“Spoti u realizua në
EnterMedia dhe për fillim po duket të jetë i pëlqyer nga adhuruesit
tonë. Sa i përket albumit, unë bashkë me Singullarin jemi duke punuar
mjaft shumë. Këngët jemi duke i incizuar në Studio te Dardan Belegu –
Trakla. Kurse instrumentalet është duke i bë Arbër Gjikolli, Dardan
Belegu dhe Vigan Bardhi”, tha Viagra për portalin Telegrafi.

Coverdale nuk këndon ‘live’?

Rokeri i grupit "Rainbow", Joe Lynn
Turner, i ka shokuar adhuruesit e rokut me deklaratën e tij se
vokalisti legjendar i grupit "Whitesnake", David Coverdale nuk këndon
‘live’ nëpër koncerte, por ai shfrytëzon CD-të për ta mbuluar vokalin e
tij 'të plakur'.
Turner njofton se e ka zbuluar sekretin e ish-
këngëtarit të “Deep Purple” gjatë një festivali në Finlandë në verën e
vitit të shkuar, kur Coverdale kishte kënduar duke shfrytëzuar pjesë të
incizuara të vokalit.

“Ishim në Finlandë në një festival të
përbashkët me ‘Whitesnake’ dhe nuk munda të besoj se ai përdor incizime
të vokalit për vokalin kryesor! Unë u habita dhe i thash; ‘David nuk
mund ta bësh këtë. Po dukesh shumë keq kështu’. Nuk mund të besoja se
kjo po ndodhte, sepse ai është njëri nga këngëtarët e mi të preferuar”,
ka thënë Turner për faqen TheMetalCircus.com.

Amy shkruan libër me poezi

Këngëtarja britanike Amy Winehouse është duke shkruar një libër me poezi ku përshkruan problemet në jetën e saj.
Hitbërësja
e këngës “Rehab” është frymëzuar për të shkruar për karrierën e saj dhe
për lidhjen e trazuar me burrin e ndarë Blake Fielder-Civil.

“Amy
është frymëzuar gjatë qëndrimit në St. Lucia (Karaibe), asaj i pëlqen
atmosfera këtu, prandaj e ka marrë guximin të shkruaj sërish”, ka thënë
një burim për “Daily Star”.

Newman nderohet në Connecticut

Ikona e ndjerë e filmit Paul Newman është nderuar pas vdekjes në Connecticut Hall of Fame.
Ai
u është bashkëngjitur yllit të filmit Katharine Hepburn, skenaristit
Mark Twain dhe legjendës së bejsbollit, Jackie Robinson, të cilët janë
ndër emrat e mëdhenj që do të nderohen nga ky shtet.

Legjenda e Hollywoodit vdiq në shtator të vitit të kaluar në moshën 83-vjeçare, në shtëpinë e tij në Westport, Connecticut.

Në ankand kostumi i larjes i Pamelës

Kostumi i kuq i larjes, të
cilin Pamela Anderson e ka mbajtur gjatë xhirimeve të hit-serialit
"Baywatch" pritet të dalë në ankand gjatë këtij muaji.
Seks-bomba e
serialit të viteve të nëntëdhjeta e ka mbajtur kostumin nga “Lycra” kur
luante rolin e CJ Parker, i cili tash mban edhe nënshkrimin "Love
Pamela Lee, X O".

Ankandi i memoareve të Hollywoodit, do të
përfshijë edhe disa armë të mbajtura nga Angelina Jolie në filmin “Tomb
Raider”, si edhe armen e Harrison Fordit nga filmi “Blade Runner”.

Aguilera në rolin e valltares?

Njoftohet se këngëtarja Christina
Aguilera do të largohet për një kohë nga muzika për të aktruar në rolin
kryesor në një film si një valltare estrade.
Këngëtarja e hitit
“Dirrty” ka luajtur në disa role të vogla vitet e fundit, por tani
thuhet se ylli i muzikës pop është në biseda për të luajtur një rol të
plotë filmik në filmin “Burlesque”, skenarin e të cilit e ka shkruar
Steven Antin.

Julianne Hough nga shou “Dancing With the Stars” është po ashtu e lidhur me filmin.

Një
burim ka thënë për revistën “E! Online” se përgatitjet për filmin janë
në zhvillim e sipër, mirëpo “ende është herët të komentohet për të”.

UB40 paditet për mospagesa

Grupi britanik i muzikës 'reggae',
UB40, është akuzuar nga një kompani promovuese për përfitimet e tyre
nga turneu amerikan i vitit 2008.
Avokatët përfaqësues të Spectacle
Entertainment Group, kompania e angazhuar për t’i menaxhuar koncertet e
grupit në Amerikën Veriore, kanë ngritur padi gjyqësore në gjykatën e
Los Angelesit, duke e akuzuar bendin se nuk ua ka paguar më shumë se
170.000 dollarë nga honorarët e tyre.

Sipas TMZ.com, UB40 ka fituar më shumë se 1.7 milionë dollarë nga turneu i vitit të kaluar në Amerikë.

Rambo në Bollywood

Ylli hollivudian i aksionit Sylvester Stallone do ta sjellë John Rambon sërish në ekran në një film të Bollywoodit.
Aktori,
i cili ka luajtur rolin ikonik të veteranit të luftës së Vietnamit në
katër filma, ka vendosur t’i shokojë fansat duke treguar anën e butë të
ushtarit të pandalshëm në mjuziklin komik bollivudian, “Kambakht Ishq”.


Mirëpo, Stallone do ta ketë vetëm emrin Rambo në film, sepse do
ta portretizojë një aktor hollivudian, i cili bie në dashuri me aktoren
kryesore të filmit Karina Kapoor.

Përveç Stallones, nga Hollywoodi në këtë film do të paraqiten edhe Denise Richards dhe Brandon Routh.

Fillon gjykimi i ndjekësit të Banks

Supermodelja e shndërruar në
personalitet televiziv, Tyra Banks, këtë muaj do të përballet në
gjykatë me një person, i cili është i akuzuar se e ka ndjekur dhe e ka
ngacmuar bukuroshen.
38-vjeçari nga Georgia, Brady Green, i ka
dërguar vazhdimisht lule, dhurata dhe letra modeles, po ashtu e ka
thirru në telefon dhe ka shkuar në studiot e saja në New York, ku ajo
xhiron shoun “The Tyra Banks Show”.

Në bazë të padisë gjyqësore, Green i është kërcënuar edhe asistentes së Banks kur ajo kishte refuzuar t’ia jepte adresën.

Green
është arrestuar në mars të vitit 2008 pasi ishte kapur në një restorant
në afërsi të studiove të bukuroshes. Gjykimi ka filluar të premten,
ndërsa sipas “New York Daily News”, në javët në vijim Banks do ta japë
deklaratën e saj.

Mbahet Java e modës në Kosovë

Agjencia i modës Gecjan Group në bashkëpunim me RTV 21 realizojnë javën e modës KOSOVA FASHION WEEK 2009.
Ky
organizim për nga niveli i kreatorëve prezantues, modeleve që sfiluan
dhe salloneve të bukurisë që u prezantuan në javën e modës u cilësua si
organizimi më i madh i modës që është mbajtur deri më tani në Kosovë.



Një
javë mode që ndërthuri në vete stilin dhe koherencën e kreatorëve,
shtëpive të modës, shkollave të modës, kreatorëve për fëmije dhe
salloneve të bukurisë në një organizim që ngjasonte me evenimentet
ndërkombëtare të modës.

Në një skenografi të modelit fashion,
të parat që sfiluan ishin vajzat me uniforma ushtarake te moderuara, të
dizajnuar nga “djelli fashion” dhe nën petkun e Gecjan Army duke
simbolizuar në këtë formë gatishmërinë e modeleve shqiptare që ti
pushtojnë pistat më të mëdha botërore të modës.

Të përcjellë
nën duartrokitjet e shumta të publikut në sallë, kreatorët e prezantuan
modën e fundit të veshjeve të dizajnura nga vetë ata dhe të punuara
enkas për Kosova Fashion Week 2009.



Kreacionet e
stilistëve shqiptarë u prezantuan nga 42 vajza të përzgjedhura në mesin
e 553 vajzave që kanë aplikuar për pjesëmarrje në KFË 09. Të gjitha
veshjet që u prezantuan në Kosova Fashion Week do të jenë në shitje
gjatë kohës së transmetimit të Javës së modës në RTV 21.

Kosova
Fashion Week do jetë një organizim tradicional në të cilin gjithmonë
kreatorëve shqiptarë do t’u jepet mundësia që t’i prezantojnë
kreacionet e tyre dhe njëkohësisht të kenë mundësinë e shitjes së tyre
direkt përmes porosisë.

Rourke pranon një letër para takimit me Besinger

Mickey Rourke
është emocionuar pasi ka pranuar një letër të përzemërt nga
bashkaktorja e tij në filmin "Nine 1/2 Weeks", Kim Basinger, ku ajo
shprehte dashurinë miqësore për të.
Aktori ka thënë se kjo letër kishte vlerën më të madhe se cilido çmim filmik që do ta kishte fituar.

“Një
letër nga ajo, për mua ishte shumë e veçantë sepse ishte e sinqertë dhe
e përzemërt dhe gati më shtyri të qaj”, ka treguar ylli i filmit “The
Wrestler”.

Rourke dhe Basinger janë takuar të enjten në
premierën e filmit “The Informers”, mirëpo ata nuk kanë pasur asnjë
skenë të përbashkët në këtë film, edhe pse luajnë që të dy. Kështu që
takimi në premierë, pas 23 vitesh kishte qenë aq emotiv, sa që Rourke
pranon se kishte qenë mjaft i emocionuar në atë moment.

Montag dhe Pratt martohen

Yjet e serialit "The Hills", Heidi
Montag dhe Spencer Pratt, i kanë përshpejtuar planet e martesës dhe
pritet që ta kurorëzojnë dashurinë e tyre këtë vikend.
Çifti ka
realizuar një ceremoni premtimi në Meksikë vitin e kaluar, mirëpo nuk e
kishin bërë ligjësuar martesën e tyre. Por tani ata janë të gatshëm për
këtë gjë.

Sipas TMZ.com, Montag do të bëhet Zonja Pratt të shtunën, me një ceremoni të vogël në Beverly Hills.

Perry i varur nga video-lojërat

Ish-aktori i serialit "Friends",
komiku Matthew Perry është detyruar të kërkojë ndihmë mjekësore pasi e
ka dëmtuar dorën duke luajtur video-lojëra.
Aktori pranon se kalon
ditë të tëra i ngjitur për ekrani duke luajtur lojëra të ndryshme, me
ç’rast shpesh i lëndon muskujt dhe tendinët.

“Luaj shumë video-lojëra. Kështu që shpesh më ndodh që të shkoj te mjeku i duarve”, ka treguar aktori.

Cohen i kërkon falje Madonnës

Komiku Sacha Baron Cohen i ka kërkuar falje Madonnës për përqeshjen që e ka bërë në dëm të saj në filmin e ri "Bruno".
Mësohet
se aktori i ka dërguar lule dhe një letër këngëtares për t’i kërkuar
falje, në momentin kur ajo po përballet me probleme lidhje me adoptimin
e një fëmije nga Malaui.

Filmi “Bruno” flet për një austriak
homoseksual i cili dëshiron të arrijë sukses në Hollywood, dhe në një
skenë, ai përqesh yjet të cilët adoptojnë fëmijë, duke përmendur emrat
e Madonnës dhe Angelina Joliet.

Arjan Konomi: Do të ftoja për darkë Republikën

Arjan Konomi,
analisti i shout "Big Brother", në një intervistë për gazetën
"Shekulli" ka deklaruar se anëtarja e larguar tashmë nga edicioni i
dytë i spektaklit, Republika, i ka lënë përshtypje më shumë nga të
gjithë anëtarët dhe është pikërisht atë do ta zgjidhte për të dalë në
darkë.
Konomi është përzgjedhur nga organizatorët për të qëndruar në
kolltukun e bardhë, në rolin e analistit. Ai mundohet që te çdo banor
të evidentojë më tepër anët pozitive. Analizon probleme apo të meta, po
përsëri mundohet që në mënyrë të butë t’i nxjerrë ato në pah.

I
pyetur se cilin nga banorët do ta ftonte për darkë, drejtori i revistës
“Shqip”, Arjan Konomi, është përgjigjur: “Do t'i ftoja të gjithë dhe
besoj se do ta bëj në përfundim të sezonit. Por, nëse duhej të zgjidhja
vetëm një, do ta ftoja Republikën. Më ka lënë shumë mbresa
personaliteti i saj, sinqeriteti dhe mënyra për të qenë e
drejtpërdrejtë”.

Jackman ka lënduar një femër në xhirime

Hugh Jackman e ka therur aksidentalisht një aktore në krah në xhirimet e filmit të parë "X-Men", gjatë një skene luftarake.
Aktori
australian i cili ka luajtur rolin e Wolwerine ka pranuar se skenat e
filmit kanë qenë mjaft të rrezikshme në filmin e vitit 2000.

“Në
filmin e parë ne mbanim kthetra të vërteta dhe derisa po xhiroja një
skenë luftarake e thera vajzën e cila luante karakterin Mystique,
Rebecca Romijn”, ka zbuluar aktori.

Aida largohet nga shtëpia

Spektakli i "Big Brother" ka shënuar
emocione të forta të shtunën mbrëma, në mes të dy konkurrenteve mjaft
të forta dhe të përfolura, Adelajdes dhe Aidës.
Publiku nga shtëpia votoi Aiden, konkurrenten që duhej ta linte shtëpinë më të famshme në Shqipëri.

Spektakli
kishte rezervuar edhe mjaft surpriza për banoret. Një ekran i vendosur
brenda shtëpisë ka dhenë sekuenca te ndryshme mes Arjonit dhe Anjezës,
e ndërsa për herë të parë në publik janë shfaqur motra e Arjonit duke
biseduar me Anjezën dhe motra e Anjezës duke biseduar Arjonin rreth
lidhjes se tyre.

Por njëra nga befasitë më të mëdha dhe te
këndshme të mbrëmjes kishte të bënte me çiftin më të përfolur, Adelajda
dhe Bjordi. “Big Brother” zgjodhi nga publiku nënën e Bjordit,
Antonetën për të realizuar dhe surprizën më të këndshme të mbrëmjes.

Një
letër e Bjordit e shkëputur nga ditari i tij u lexua në publik, ku
Bjordi i kërkoi ndihmë nënës në lidhje me dashurinë me Adelajden. Tepër
e emocionuar Antoneta pohoi gjate spektaklit se do ta përkrahë këtë
lidhje.

Ajo u beri thirrje prindërve të Adelajdes që ta
përkrahin këtë ndjenjë të bukur dhe të sinqertë duke thyer kështu një
mentalitet të fortë të qytetit të tyre të Kavajës. /TCH/Telegrafi/

Hathaway në pritje të dashurisë së vërtetë

Anne Hathaway vazhdon të besojë se në jetën e saj do të vijë mashkulli i përsosur.
Aktorja,
e cila vitin e kaluar është ndarë nga i dashuri Raffaello Follieri,
pohon se ende është në pritje të dashurisë së vërtetë.

“Mendoj
se mashkulli i përsosur ekziston dhe ai gjendet diku. Princi im është i
durueshëm, ka sens humori dhe më shpëton nga ritmet e këqija të jetës”,
është shprehur Hathaway.

Britney ndjehet e tradhtuar nga Federline

Princesha e muzikës pop Britney Spears ndjehet e tradhtuar nga ish-burri i saj Kevin Federline.
Mësohet
se Britney është shumë e nevrikosur me Federline, me të cilin ka dy
fëmijë, Sean Preston dhe Jayden James, pasi që ish-burri i saj i ka
propozuar martesë të dashurës së tij aktuale, Victoria Prince.

Një
burim ka pohuar se këngëtarja është ndier e thyer kur ka kuptuar për
propozimin për martesë dhe ndjehet e tradhtuar, pasi që ajo ende ka
ndjenja për babanë e fëmijëve të saj.

Së shpejti befasia e Sonit

Këngëtarja Soni Malaj ka njoftuar se
klipi i këngës së saj mjaft të suksesshme "Shpirti binjak" është afër
finalizimit dhe së shpejti do të jetë para adhuruesve të saj, derisa
portretin e mashkullit në klip e paraqet aktori nga Tetova, Blerim
Destani.
“Tashmë klipi ka përfunduar xhirimet dhe për pak do të jetë
gati”, është cituar Soni nga ‘Bluetooth’ duke shtuar se edhe ky klip
është realizim i regjisorit maqedonas Alexander.

“Është një
klip që ka dashur shumë punë. Personazhi i mashkullit nuk është thjesht
një figurant, por bëhet fjalë për aktorin e mirënjohur Blerim Destani.
Të dy rolet, si për mua si për atë janë të rëndësishëm. Donim që puna
të bëhej mirë dhe ngadalë, për të nxjerrë diçka vërtet të veçantë.
Xhirimet kishin brenda aktrim emocional dhe interpretim nga ana e të
dyve. Dua t’i dhuroj publikut një klip me histori të bukur. Skenari
ishte ai që na mori më tepër kohë, derisa u zgjodh alternativa më e
mirë”, ka thënë këngëtarja.

Amy e hidhëruar me Fielder-Civil

Këngëtarja në telashe Amy
Winehouse ka reaguar në mënyrë emotive kur ka kuptuar që burri i saj
(vetëm në dokumente) Blake Fielder-Civil do të bëhet baba.
Britanikja vazhdon të qëndrojë në St Lucia të Karaibeve si pjesë e programit të saj rehabilitues ku e ka marrë vesh lajmin.

Në
fillim ajo është shprehur e gëzuar, sepse kishte menduar se e dashura
17-vjeçare e Fielder-Civil, Francesca Moralee, ishte duke pritur
fëmijën e tij, mirëpo kur kishte kuptuar që një ish-e varur nga droga,
Gilleen Morris, me të cilën burri i saj kishte pasur një lidhje të
shkurtë ishte shtatzënë me të, është nevrikosur shumë.

“Shpresoj
të mos jetë e vërtetë sepse do ta godas në kokë... Mos më tregoni më
nuk dua të dëgjoj”, është cituar nga “News of the World” këngëtarja e
hitit “Back to Black”.

Jennifer Aniston në lidhje me Gerard Butler?

Jennifer Aniston ka
harruar tashmë ish-të dashurin e saj, rokerin John Mayer, dhe
raportohet se ka filluar një lidhje me aktorin skocez, Gerard Butler.
“Ata
kishin një përplasje në Festivalin e Filmit në Toronto vitin e kaluar,
por e gjithë ajo u mbajt shumë e qetë. Tash Jennifer është sërish e
vetme, ajo nuk e mban të fshehtë më admirimin e saj“, ka thënë burimi.


Aniston,
40-vjeçare, raportohet se ka kërkuar nga Butler të luajë krahas saj në
filmin e ri “Goree Girls”. Butler më herët ka pasur lidhje edhe me
Cameron Diaz dhe Naomi Campbell.

Babai ofron për shitje aktoren e “Slumdog”, Rubina Ali

Babai i
vogëlushes që luajti në filmin “Slumdog Millionaire”, Rubina Ali, ka
dashur të bëhet edhe vetë milioner, pasi raportohet se ka provuar “ta
shesë“ vajzën e tij nëntëvjeçare.
Në përpjekje për të shmangur jetën
e varfër në Indi, babai i aktores, Rafiq Qureshi, i cili jeton në
Mumbai, e ka ofruar bukuroshen e vogël për “adoptim”, duke kërkuar
miliona rupje, që vlejnë afro 300 mijë dollarë shkruan News of the
World.


“Duhet të shoh se çfarë është më mirë për mua, familjen time dhe të ardhmen e Rubina”, ka thënë Qureshi për gazetarët.


“Ajo është e veçantë. Është një fëmijë Oskari!”, ka shtuar vëllai i tij.


Babai
i Rubina po ashtu ka thënë se vajza e tij “nuk ka fituar asgjë nga
filmi”, edhe pse regjisori Danny Boyle i ka premtuar një apartament
vajzës dhe po ashtu ka krijuar një fond për edukimin e saj.

Garner: Djemtë i duan shtatzënat

Djemtë ‘kallen’ pas nënës së dy fëmijëve, Jennifer Garner, edhe pse ajo është në një martesë të lumtur me aktorin Ben Affleck.
“Njerëzit
ende vijnë dhe më drejtohen. Vërtet është e këndshme. Edhe kur jeni
shtatzënë. Mendoj se djemtë i pëlqejnë vajzat shtatzëna”, ka thënë
Garner.

“Sapo më ndodhi diçka interesante! Isha me foshnjën
tetë-javëshe dhe dikush më tha, ‘Nëse ai nuk është i mirë për ju...”,
ai ishte aty për mua”, ka qeshur aktorja.

Clarkson blen albumin e vet

Këngëtarja Kelly Clarkson ka ndihmuar ngritjen e saj në top listë duke blerë albumin e vet dy herë.
Krijuesja
e hitit “Because Of You” thotë se ajo kishte një emocion të veçantë kur
kishte paguar për albumin e saj, në internet dhe në një shitore të
CD-ve.

“Secilën herë që nxjerr një album, duhet ta blej atë në
ditën që del në shitje. Në mes të natës e blej në ‘iTunes’ dhe pastaj
shkoj e blej në shitore. Është vërtet emocionuese”, ka thënë Clarkson.

Keating planifikon ceremoninë e varimit

Këngëtari irlandez Ronan
Keating ka qenë aq i tmerruar nga kanceri, sa kishte filluar t’i
planifikojë edhe këngët të cilat do të luheshin në funeral.
Frontmeni
i grupit “Boyzone” ishte në pushime në Afrikën e Jugut kur kuptoi se
kishte një xhungë në testiset e tij, dhe menjëherë kishte menduar më të
keqen.

Dhe Keating, nëna e të cilit vdiq nga kanceri i gjirit 11
vite më herët, thotë se ai ishte kapluar nga paniku, duke menduar se do
të ishte viktimë e sëmundjes mu si nëna e tij, edhe pse ishte me fat.

“Vërtetë
pata frikë. Mendova se vërtet kisha kancer. Xhunga dukej shumë më
ndryshe dhe e dija se kishte diçka aty. E fshiva veten nga kjo botë.
Zgjodha këngët për funeralin tim dhe gjithçka tjetër”, ka thënë Keating.

Lohan iu kthehet meshkujve

Lindsay Lohan, duket se iu është
rikthyer meshkujve, pasi është parë në shoqërim të një djaloshi, të
cilin më pas e ka ‘marrë’ në shtëpi.
“Lindsay e ka përqendruar
vëmendjen e saj në një mashkull të pashëm. Ai ishte mik i mirë me
prezantuesin e E! Entertainment, Sal Masekela, dhe dyshja shumë shpejt
u njohën”

“Pasi shkëmbyen numrat, ata kanë filluar të
komunikojnë me mesazhe, nga anët e kundërta të pishinës. Ata më vonë
vizituan një klub, para se të rikthehen në apartamentin e pasur të
Lindsay”, ka thënë burimi.

Amy Winehouse do të adoptojë nga St Lucia?

Amy Winehouse është e paepur për t’u bërë nënë, ajo raportohet se planifikon të adoptojë një fëmijë nga ishulli St Lucia.
Këngëtarja
25-vjeçare iu ka thënë miqve se dëshiron ta bëjë ishullin e Karaibeve,
shtëpinë e saj të përhershme, dhe dëshiron t’i ndihmojë fëmijët e
varfër dhe të nënprivilegjuar.

“Amy është duke menduar
seriozisht për adoptim. Por ajo është e vetëdijshme se do të jetë shumë
vështirë për shkak të së kaluarës së saj”, ka thënë një mikeshë e
këngëtares.

Pink Floyd padit EMI-n

Rokerët legjendarë të grupit "Pink Floyd" janë duke e paditur kompaninë e tyre incizuese për shkak të mospagesave të mbetura.
Hitbërësit
e këngës “Another Brick in the Wall” kanë ngritur një aktakuzë kundër
EMI-t duke pohuar se bosët e kompanisë nuk i kanë llogaritur si duhet
borxhet të cilat ua kanë atyre.

Bendi, i cili ka nënshkruar me shtëpinë incizuese që në vitin 1967, është duke kërkuar pagimin e b.

Joss Stone ka frikë mos mbetet pa flokë

Këngëtarja britanike Joss Stone është detyruar të mos i lyejë më flokët e saj, nga frika se mund të mbetet pa to.
Këngëtarja
e hitit “You Had Me” ka eksperimentuar shumë me ngjyra të ndryshme në
flokët e saj, por së fundmi stilisti i saj i ka thënë të mos i ngjyrosë
më sepse mund t’i dëmtojë ato.

“Flokët e mi kanë kaluar nëpër
faza të ndryshme, i kam lyer ato me lloj-lloj ngjyrash. Mirëpo më kanë
thënë që duhet të ndaloj së lyeri, se përndryshe do të më bien flokët”,
ka treguar 22-vjeçarja.

Adriana do të kthehet në rolin e Arushës

Aktorja Adriana
Matoshi, e cila luan rolin e Arushës në serialin komik "Kafeneja jonë",
në një intervistë për "Infopress" ka deklaruar se edhe në jetën e
përditshme është “njëfarë arushe” duke shtuar se do të vazhdojë të
paraqitet kohë pas kohë në serial ku është bërë mjaft e dashur për
publikun.
“Po edhe në jetë të përditshme jam njëfarë arushe. Para
shumë vitesh kam qenë shumë e urtë, por pasi kam ardhur në Akademi të
Arteve, mënyra se si është punuar këtu, mënyra se si ka ecur jeta në
Prishtinë, më ka bërë shumë më temperamente dhe më të egër”.

“(Te
‘Kafeneja jonë’) Do të kthehem herë pas here. Në atë ekip ndjehem shumë
mirë, më kanë pritur jashtëzakonisht mirë duke pasur parasysh sa
vështirë është të kyçesh në një serial kur ata kanë përvojë dyvjeçare”,
është shprehur aktorja.

Hasselhoff në lidhje të re dashurie

Pas disa problemeve
personale kohëve të fundit, duket se David Hasselhoff e ka marrë veten,
duke krijuar një lidhje të re. Mësohet se aktori është parë me të
dashurën e tij të re me të cilën është puthur gjatë festivalit
Coachella.
Ylli i serialit “Baywatch”, i cili është ndarë me gruan e
dytë Pamela Bach, pas 16 vitesh martese, ka qenë i shoqëruar me një
femër në festivalin e Kalifornisë duke nxitur spekulime për një lidhje
të re.

Ai madje nuk e ka fshehur lidhjen me të, pasi që është puthur haptas para fotografëve.

Gisele Bundchen vë bast për Interin

Gisele Bundchen duket se
është një parashikuese e shkëlqyeshme e futbollit, supermodelja
braziliane është afër të fitojë një milionë dollarë pasi ka vënë bast
për Interin.
Shpresat e bukuroshes për të fituar shumën e parave
vazhdojnë të rriten derisa Interi vazhdon të fitojë, bën të ditur
Metropolitan Post.

Braziliania citohet të ketë thënë se ajo ka
“besim të plotë” në ekipin e Jose Mourinhos, dhe shpreson se do të
shtojë edhe një milion në buxhetin e saj që vlerësohet 150 milionë
dollarë, nëse Interi shpallet sërish kampion.

Bundchen ka vënë
bast në favor të nerazurëve që nga dhjetori, ndërsa tashmë që afrohet
fundi i sezonit në kampionatin italian Interi ka dhjetë pikë epërsi
ndaj ndjekësve, Milanit dhe Juventusit.

Video Fest 2009

Bordi organizativ i Video Festit Muzikor edhe
këtë vit ka vendosur që në juri profesionale për përzgjedhjen e video
spoteve më të mira të ftojë përfaqësues të video produksioneve kosovare
dhe maqedonase, sikurse edhe njerëz profesionistë edhe nga të gjitha
mediat vizuele nacionale.
Të ftuar në juri ishin produksionet :
Pixels, Entermedia, Video - Art, Pulla, Puntor't Social, Aleksandar,
Tomato Production pastaj të gjitha TV nacionale sikurse edhe TV
Dukagjini.

Juria e VFM`09 është e përbërë nga:

Kryetar jurie: Agon Myftari, Regjisor.
- Albba Morina - KTV
- Erleta Hoti - RTK
- Astrit Idrizi - RTV 21
- Gezim Avdiu - Pixels
- Granit Limani - Entermedia
- Jetmir Grezda - Pulla
- Petrit Domi - Puntor't Social

Nominimet

1. Video Spoti më i mirë

Alban Skendraj − Larg dhe afër
Troja - Amaneti i Clownit
Elvana Gjata − Nuk janë më
Shpat Deda − A thu?

2. Video Spoti më i mirë në konkurrencën e Meshkujve

Alban Skenderaj − Një herë në jetë
Shpat Deda − A thu?
Fatos Kryeziu − Gjithçka që është e mirë ka fund
Korab Jetishi − Kamarjerja

3. Video Spoti më i mirë në konkurrencën e Femrave

Elvana Gjata − Nuk janë më
Malda Susuri − Vetëm Shko
Hana Cakuli − Simbol
Jehona Sopi − Marramendja

4. Video Spoti më i mirë në konkurrencën e Grupeve

Troja − Amaneti i Clownit
Tingulli i 3nt ft. Soni − Më merr
Kaos − Ktu jom
NRG Band − Urgjentisht

5. Video Spoti më i mirë në konkurrencën Best New Artist

Shpat Deda − Ëndëroj
Rron KRZ − Çelsi
Afërdita Dreshaj − Nëse je burrë
Rron Rexhi − Zoti është i madh

6. Video Spoti më i mirë i zhanrit i Pop Folk

Mihrije Braha − Ti nuk je shtëpija ime
Sinani ft. Nora − Pa fat
Gili − Keq e më keq
Big Mama − E ku rafsha mos u vrafsha

7. Video Spoti mëi mirë i zhanrit POP

Elvana Gjata − Vetës
Hana Cakuli − Simbol
Jehona Sopi − Marramendja
Adelina Tahiri − Vuaj

8. Video Spoti më i mirë i zhanrit Rap Hip-Hop

Da Ghost − Kceni kr8
Dj. Blunt ft.Real 1 & Mc Kresha − Classy
Tingulli i 3nt & Soni − Më merr
Kaos − Ktu jom

9. Video Spoti më i mirë i zhanrit Rock

Troja − Amaneti i Clownit
Alban Skenderaj − Larg dhe Afër
Fatos Kryeziu − Gjithçka që është e mirë ka fund
Gremzat − Hapat

10. Video Spoti më i mirë në konkurrëncën RnB

NRG Band − Nina
Blero ft Skillz, Kaos, Mc Kresha, Lyrical Son, F-Kay − La vida Loca (Remix)
Capital T ft. 2 PO 2 & Duffy − Shumë Nalt
Nora Istrefi − Another world

11. Video Spoti me Regjinë më të mirë

Da Ghost − Kceni Kr8
Shpat Deda − A thu?
Elvana Gjata − Nuk janë më
Malda Susuri − Vetëm shko

12. Video Spoti me Montazhin më të mirë

Albi Nako − Dashurisë
Elvana Gjata − Nuk janë më
Shpat Deda − A thu?
Skillz − Wuuu, ca po shoh

13. Video Spoti me Postproduksionin më të mirë

Da Ghost − Kceni Kr8
Elvana Gjata − Nuk janë më
Blero ft Skillz, Kaos, Mc Kresha, Lyrical Son, F-Kay− La Vida Loca (Remix)
Malda Susuri − Vetëm Shko

14. Video Spoti më kamerën më të mirë

Troja − Amaneti i Clownit
Alban Skenderaj − Larg dhe afër
Hana Cakuli − Simbol
Afërdita Dreshaj − Nëse je burrë

15. Video Spoti me Styling më të mirë

Hana Cakuli − Simbol
Jehona Sopi − Marramendja
Gili − O sa budallë
Mihrije Braha − Ti nuk je shtëpija ime

Video Spoti me Performancen më të mirë

Alban Skenderaj − Larg dhe afër
Albi Nako − Dashurisë
NRG Band − Urgjentisht
Genta Ismajli − Një herë në vit

Sponsor gjeneral per Video Festin Muzikor 2009 është Dukagjini Group.
Sponsor tjerë:
Kompania e Sigurimeve Dukagjini,
Birra e Pejës,
D3 Mobile,
ProCredit Bank
EBC Company dhe
Techno Market

Beckham lufton malarien

Ylli i futbollit, David Beckham, është
zotuar të ndihmojë Kryeministrin britanik Gordon Brown në luftën ndaj
malaries, në tentim për të kursyer mijëra jetë në botë.
Bukuroshi
është bashkuar me liderin britanik për të lansuar kampanjën
anti-malarie, “Malaria No More UK”, në pëpjekje për të zhdukur këtë
sëmundje në zonat me rrezik të lartë.

Edhe pse është lehtësisht e mjekueshme, kjo sëmundje rrezikon të prekë gjysmën e popullatës në botë.

“Është
vërtet e pabesueshme të mendosh se mund ta ndalosh këtë sëmundje
vrasëse përgjithmonë dhe është aq e thjeshtë për t’u bërë. Për më pak
se çmimi i futbollit, ju mund të mbroni një familje nga vdekja. Kërkoj
nga publiku britanik të përkrahë kampanjën, për të kursyer jetëra dhe
për të zhdukur malarien”, ka thënë Beckham.

Oasis do të bëjë pesë vite pauzë

Rokerët e bendit Oasis duket se
do të ecin rrugëve të ndryshme pas paraqitjeve koncertale të kësaj
vere, pasi vëllezërit Noel dhe Liam Gallagher kanë nevojë për të
rikuperuar lidhjen e tyre turbulente.
Dyshja një kohë të gjatë kanë
qenë në zënkë, por Noel thotë se gjërat tash janë shumë të
përkeqësuara, sa vëllai i tij as që e ka takuar ndonjëherë nipin e tij
19-muajsh Donovan.

“Në kohën kur do të bëjmë një incizim tjetër
do të jemi pesë vite më të vjetër. Ai kurrë nuk e ka parë djalim tim të
vogël, vetëm fotografitë. Për një të huaj kjo duket qesharake, por nuk
do ta pranoni atë në shtëpi me mënyrën se si ai flet me mua dhe
familjen time”, ka thënë Noel.

“Ai është i pasjellshëm,
arrogant, të tremb dhe është dembel. Ai është njeriu më shpërthyer që
do të takoni ndonjëherë”, ka thënë Noel.

Carey dhe Cannon - festë për njëvjetorin e martesës

Mariah Carey dhe Nick Cannon do të pëpiqen të shënojnë përvjetorin e tyre të martesës me anë të ndeje të madhe.
Dyshja,
të cilët befasuan publikun kur u kurrorëzuan në prillin e kaluar pas
vetëm disa javësh lidhje, dëshirojnë të tregojnë krenarinë e tyre dhe
planifikojnë një festë në Las Vegas.

Siç shkruan revista E!,
Carey dhe Cannon do të organizojnë një ndejë në mbrëmjen e 30 prillit
në klubin “Palms’ Moon” në ‘qytetin e mëkateve’, saktësisht një vit
pasi u bënë burrë e grua.

Winehouse digjet me ujë të nxehtë

Amy Winehouse duket se është e
lindur për telashe, pasi së fundi ka djegur veten me ujë të nxehtë
derisa përgatiste një darkë për miqtë e saj.
Këngëtarja kishte
vendosur të organizojë një darkë për miqtë në ishullin e Karaibeve, St.
Lucia, ku ajo ka kaluar kohën më të madhe muajve të fundit, duke punuar
në albumin e ri.

Por problemet filluan të krijohen në kuzhinë,
pasi ena e madhe e mbushur me ujë dhe pasta, kishte rënë në tokë duke
përvëluar këngëtaren. Ajo ka djegur këmbët, por nuk ka lejuar mysafirët
të kujdesen për plagët e saj.

Zac Efron: Dua të jem Matt Damon

Zac Efron, filmi i të cilit “17 Again” kryesoi në box-office në vikendin e kaluar, dëshiron të bëhet si Matt Damon.
“Më
së shumti i admiroj Matt Damon dhe Michael J Fox. Sapo e pashë
‘Rounders’ dhe ma rikujtoi veten. Matt Damon është dikush që dua të
jem. Thjesht dua t’i bëj zgjidhjet e tij të mençura”, ka thënë Efron.

Efron po ashtu ka krahasuar rolin e tij në filmin e fundit dhe moshën shkollore kur ishte 17-vjeçar.

“Kur
isha 17-vjeçar, isha fëmija më ‘cool’ në shkollë, por nuk isha një
endacak i plotë. Isha diku në mes. Mbaja kapela të kota dhe bëja teatër
muzikor. Shumica e njerëzve më mendonin çuditshëm”, ka shtuar idhulli i
tinejxherëve.

DJ Blunt konfirmon bashkëpunimin me Zanfinën

Trendi i
bashkëpunimeve në mes të hip-hop artistëve dhe pop këngëtarëve po
vazhdon. Kësaj radhe DJ Blunt dhe Real 1 kanë nisur bisedimet për
realizimin e një singëlli të përbashkët me këngëtaren Zanfina Ismajli.
DJ
Blunt nëpërmjet telefonit për emisionin “Express Live”, ka konfirmuar
lajmin se kanë nisur bisedimet me Zanfinën për një bashkëpunim të
tillë.

Madje, ai ka zbuluar se takimi ka qenë i rastësishëm në
një fitnes studio të Prishtinës, të cilën që të dy artistët e
frekuentojnë shpesh.

“Singëlli do të publikohet gjatë sezonin
të verës dhe do të shoqërohet me një videoklip mjaft provokues”, ka
thënë DJ Blunt. /ktv/telegrafi/

Liridona Miftari shpallet Miss Shqiptarja në Evropë

Bukuroshja
Liridona Miftari ka triumfuar në spektaklin e bukurisë "Miss Shqiptarja
në Evropë 2009", i cili mbahet në Zvicër, njofton e përditshmja "Zëri".
Liridona,
e cila është nga Gadimja ndërsa jeton në Zvicër, është shpallur fituese
në konkurrencën e ngushtë prej 14 vajzave shqiptare, të cilat jetojnë
në vende të ndryshme të Evropës.

“Edhe ky titull bukurie është
në vazhdimësi të shumë titujve të cilët i kam fituar deri më tani në
rangje të ndryshme. Pra, unë jam përkushtuar në këtë fushë, por duke
mos i lënë anash as sfilatat e modës dhe top modelet”, është shprehur
“Miss Shqiptarja në Evropë”.

NRG Band pret përkushtim nga VFM‘09

Anëtarët e NRG Band presin
që festivali i sivjetmë i vlerësimit të videospoteve, Videofesti
Muzikor, te jetë i organizuar me më shumë seriozitet dhe përkushtim.
NRG
Band janë të nominuar në tri kategori në këtë festival: Video Spoti më
i mirë në konkurrencën e Grupeve, Video Spoti me Performancen më të
mirë dhe Video Spoti më i mirë në konkurrencën RnB, ndërkohë që
frontmeni i grupit, Besnik Qaka flet fjalë të mira për vitet e para të
këtij festivali, por jo edhe për më vonë.

“Fillimet e këtij
festivali ishin të mbara, por më vonë ndodhën shumë batica e zbatica.
Pasi që është i vetmi festival që ka të bëjë me klipet shpresoj se do
të rimëkëmbet dhe të organizohet me më shumë seriozitet dhe me
përkushtim më të madh”, është shprehur Besniku për “Infopress”.

Winslet femra më e bukur natyrale

Aktorja britanike Kate
Winslet është emëruar si femra më e bukur natyrale nga një sondazh i
realizuar nga kompania e produkteve kozmetike, "Vie At Home".

Ylli i filmit “Titanic” ka kryesuar sondazhin ku kanë marrë pjesë 3.000 votues, për t’u zgjedhur aktorja më e bukur.

Vendin
e dytë e ka zënë aktorja e filmit “Breakfast at Tiffany's”, Audrey
Hepburn, ndërsa vendin e tretë e ka zënë modelja britanike Kelly Brook.


Këngëtarja e grupit “Girls Aloud”, Cheryl Cole, është votuar e katërta, ndërsa top-pesëshin e ka mbyllur Angelina Jolie.

Tommy Lee gjen të dashur në internet

Rokeri Tommy Lee është
duke planifikuar një udhëtim për në Britani të Madhe për t’u takuar me
një femër të cilën e ka njoftuar në internet.

Anëtari i grupit
“Motley Crue”, i cili ka qenë i martuar tri herë dhe ka dy fëmijë me
ish-gruan e tij Pamela Anderson, dëshiron të kthehet sërish në ‘lojën e
takimeve’, ndërsa i është qasur internetit për të gjetur të dashurën e
tij të re.

“I dua femrat britanike dhe theksin e tyre të
ëmbël. Kam shumë femra shoqe, por asnjëra nuk më tërheq. Ekziston një
femër në Londër, e cila më pëlqen shumë, por ende nuk e kam takuar.
Kemi komunikuar në internet, por ajo jeton në Londër dhe unë në SHBA.
Por planifikoj të takohem me të”, ka treguar rokeri.

Rihanna planifikon turne ‘femrash’

Rihanna dëshiron të bëjë bum
në skenën muzikore pas ndarjes nga Chris Brown, duke zhvilluar një
turne ‘femrash’ së bashku me Ciara dhe Keyshia Cole, bëjnë të ditur
mediat amerikane.

Krijuesja e hitit “Umbrella” ka caktuar një
seri koncertesh në Amerikën Veriore gjatë shtatorit të ardhshëm dhe dy
vajza të famshme pritet t’i bashkohen asaj.

“Rihanna dëshiron që
femra të fuqishme t’i bashkohen asaj. Ky është një lloj turneu që
tregon ‘fuqinë femërore’,”, ka thënë burimi për E Online.

Paraqitja
e parë e Rihannas në skenë që nga zënka e supozuar me ish-të dashurin
Brown, pritet të jetë në muajin e ardhshëm në Dubai.