Show BIZ.:D

First topic message reminder :

Aktori nga Tetova, Blerim Destani, i cili pati një sukses të madh me filmin "Koha e kometës", është angazhuar në dy projekte filmike joshqiptare.

Destani aktualisht është i angazhuar në realizimin e filmit "Seperation City", xhirimet e të cilit zhvillohen në Zelandën e Re dhe në Gjermani, ndërsa do të dalë nëpër kinema në fund të vitit të ardhshëm.

Ndërkohë, kur të përfundojnë xhirimet e "Seperation City", Destani do të shfaqet në filmin me produksion gjerman, danez dhe australian, "At World’s End".

Në këto dy filma, Blerim Destani luan krahas aktorëve të njëhur të cilët kanë luajtur nëpër filmat hollivudianë, siç është Rhona Mitra (e cila ka luajtur në filmat “Lara Croft”, “Shooter”, “Nummer 23” etj.), Thomas Kretschmann (“King Kong”, “Wanted” etj.), Joel Edgerton (“Star Wars 2”, “Star Wars 3” etj.), Stephen Berkoff, ("Beverly Hills Cop", "James Bond Octopussy" etj).

Richie nuk bashkëpunon me Rihannan

Nicole Richie ka mohuar spekulimet se ajo është duke punuar në një album të përbashkët me Rihannan.

Së fundmi mediat kanë njoftuar se Rihanna dhe Kelly Osbourne janë duke i ndihmuar Richiet në realizmin e një solo albumi.

Mirëpo një zëdhënës i aktores ka thënë se Richie nuk është duke përgatitur album dhe nuk është duke punuar me Rihannan, pavarësisht se ajo ka respekt për këngëtaren.

Mendes dëshiron të zhvishet në krah të Morrisey

Sirena e ekranit, Eva Mendes, dëshiron të zhvishet me këngëtarin Morrissey, në një reklamë të re të PETA për ngritur vëmendjen në të drejtat e kafshëve.

Ylli i filmave, e cila rregullisht kryeson në sondazhet për femrat më seksi, dëshiron të bashkohet me ish-yllin e bendit “The Smiths”, për një kampanjë të nxehtë reklamuese.

“Vërtet dua të bëj një reklamë për PETA me Morrissey. Do të isha e lumtur edhe të zhvishesha nëse është e nevojshme. Kam bërë shumë punë me ta dhe e di se edhe Morrissey është një përkrahës i madh i PETA, andaj ka shpresa!”, ka thënë Mendes.

“Nëse Morrissey do të dëshironte të zhvishej me mua, kjo është një pyetje tjetër. Ndoshta ai do të mund të dilte me diçka më kreative se sa zhveshja. E dua Morrisseyn, por nuk mendoj se do doja të martohem me të”, ka shtuar aktorja.

Kënga e Take That ninulla më e preferuar

Elvis Presley, Guns’n’Roses dhe Katy Perry duket se janë të mjaftueshëm të ju dërgojnë në gjumë, pasi hitet e tyre janë në mesin e “ninullave” më të votuara në një sondazh të ri.

Sondazhi kërkonte të gjejë se çfarë preferonin të këndonin prindërit modern, që foshnjat e tyre të flenë më lehtë me këngë të rokut dhe balada, para ninullave tradicionale.

Kryesues i listës doli të ishte kënga “Patience” e bendit britanik Take That, e ndjekur nga hiti i Robbie Willims, “Angels” dhe ai i Katy Perryt, “I Kissed A Girl”.

Në mesin dhjetë këngëve më të preferuara, të cilat befasisht u përfshinë, janë edhe “Wonderwall” e bendit Oasis, hiti i Duffy, “Warwick Avenue”, dhe kënga “Sweet Child O' Mine” e Guns N' Roses.

Top 10 është ky:

1. Patience - Take That
2. Angels - Robbie Williams
3. I Kissed a Girl - Kate Perry
4. You're Beautiful - James Blunt
5. Love Me Tender - Elvis Presley
6. Beautiful - Christine Aguilera
7. Warwick Avenue - Duffy
8. Sweet Child O' Mine - Guns N' Roses
9. Wonderwall - Oasis
10. Girl - Sugababes

Will Smith i gatshëm për dy filma të ri

Aktori Will Smith është në bisedime për të përsëritur dy nga rolet më të suksesshme të tij së fundi, vazhdimet e filmave “Hancock” dhe “I Am Legend”.

Të dy filmat kanë qenë hite të mëdha gjatë vitit të fundit, secili duke fituar më shumë se 500 milionë dollarë nëpër kinematë anembanë botës. Andaj Smith, i cili kishte qenë producent dhe aktor në të dyja filmat, dëshiron të rikthehet për vazhdimin e tyre.

“Ai është i gatshëm t’i realizojë të dyja projektet. Producentët përpiqen të bindin aktoren Charlize Theron të nënshkruajë për filmin ‘Hancock’”, ka thënë një burim i afërt me aktorin.

Filmi i ri “I Am Legend” raportohet se do të jetë një ‘parafilm’ i cili do të tregojë ngjarjen e cila ka çuar në stoprien e filmit të parë.

Ermali në Londër

Pas koncertit të mbajtur në Gjermani para fansave të tij të shumtë në fillim të këtij muaji, këngëtari Ermal Fejzullahu do të mbajë një koncert të radhës në Londër, si pjesë e 'turneut' të tij evropian.

Ermali është shumë i pëlqyer nga publiku, sidomos kur këndon live, pasi që bën kombinimin e këngëve dhe zhanreve të cilat i performon para fansave të tij.

Mësohet se këngëtari i hitit “E shkuar e harruar” me datën 21 të këtij muaji do të këndojë në kryeqytetin britanik ku e presin shumë adhurues të muzikës së tij.

Ermali në Londër

Pas koncertit të mbajtur në Gjermani para fansave të tij të shumtë në fillim të këtij muaji, këngëtari Ermal Fejzullahu do të mbajë një koncert të radhës në Londër, si pjesë e 'turneut' të tij evropian.

Ermali është shumë i pëlqyer nga publiku, sidomos kur këndon live, pasi që bën kombinimin e këngëve dhe zhanreve të cilat i performon para fansave të tij.

Mësohet se këngëtari i hitit “E shkuar e harruar” me datën 21 të këtij muaji do të këndojë në kryeqytetin britanik ku e presin shumë adhurues të muzikës së tij.

Dashuria italiane e Geri Halliwell

Geri Halliwell ka një të dashur të ri. Mësohet se ish-anëtarja e grupit “Spice Girls”, e cila së fundmi është ndarë nga ish-partneri i saj, Ivan 'Flipz' Velez, është në një lidhje të re me një italian.

Çifti është fotografuar duke u puthur në një eveniment të Roberto Cavallit në Firence të Italisë, ndërkohë që janë parë sërish së bashku në shoping dhe duke drekuar.

Këngëtarja 36-vjeçare e cila ka një vajzë dyvjeçare, Bluebell, nga një lidhje e mëparshme me shkrimtarin britanik, Sacha Gervasi, mendon se dashuria me Ivan ishte mirë deri sa zgjati, mirëpo ajo nuk mund ta përballonte lidhjen në largësi, prandaj vendosi t’i japë fund.

Ejlli rikthehet në skenën e Festivalit të RTSH-së

Këngëtari fitues i edicionit të dytë "Ethet e së premtes mbrëma", Luiz Ejlli, i është rikthyer sërish skenës pas thuajse tre vitesh mungesë.

Këngëtari nga Shkodra, i cili doli edhe fitues në Festivalin e Këngës në RTSH dhe përfaqësoi Shqipërinë në “Eurovision” në vitin 2006, ka vendosur që përsëri të rikthehet në po të njëjtën skenë, në edicionin e 47-të të Festivalit në RTSH.

Emri i Luiz Ejllit tashmë figuron në listën e njëzet këngëve të zgjedhura të cilat do të jenë pjesë e festivalit, porse këtë herë ai do të këndojë bashkë me Juliana Pashën, në bashkëpunim me djemtë e rep-grupit “Produkt 28”, ndërsa kompozimin e këngës e ka bërë kompozitori i njohur, Shpëtim Saraçi.

“Meqenëse ky është i vetmi festival që të jep mundësinë të këndosh live, atëherë unë parapëlqeva që të prezantohem këtu me këngën time të re” është shprehur Ejlli.

Carrey nuk pendohet për tërheqjen nga Meet The Parents

Komiku hollivudian Jim Carrey nuk pendohet që ia ka dorëzuar rolin për filmin "Meet The Parents", aktorit tjetër të komedisë, Ben Stiller.





Ylli i filmit “Ace Ventura” njofton se ai kishte filluar ta krijonte konceptin e filmit, i cili më vonë rezultoi të jetë shumë i suksesshëm, ndërsa projekti ishte dashur të bëhej në bashkëpunim me regjisorin legjendar, Steven Spielberg.

Mirëpo, Carrey i cili duhej ta luante rolin kryesor dhe regjisori Spielberg është dashur të heqin dorë nga filmi për shkak të përkushtimeve tjera dhe konfliktit të orareve.

Pas tërheqjes së Jim Carreyt, roli kryesor iu dha aktorit Ben Stiller, i cili më vonë (në vitin 2004) realiuzoi edhe një pjesë tjetër, “Meet The Fockers”. Ndërsa Carrey është i lumtur që ka hequr dorë nga roli, pasi që Stiller është përshtatur shumë më mirë me rolin.

“Ajo që ka bërë Stiller, është e përsosur. Kur e pash filmin thashë: ‘Kështu është dashur të bëhet’”, ka thënë aktori.

Washington bëhet shtetas i Sierra Leones

Ish-aktori i serialit "Grey’s Anatomy", Isaiah Washington, është bërë shtetas i Sierra Leones.

Aktori ka lindur në Houston të Teksasit, ndërsa ka kaluar disa muaj me presidentin e Sierra Leones, Ernest Bai Koroma, me qëllim që të sigurojë shtetësi të dyfishtë për nder të prejardhjes së tij afrikane.

Presidenti Koroma ishte pajtuar që në shtator që t’ia jepte aktorit pasaportën e shtetit që përfaqëson, ndërsa tani i gjithë procesi është finalizuar me sukses, ndërsa Washington është shumë i lumtur që e ka arritur objektivin e tij.

“Tash jam shtetas i Sierra Leones. Misioni përfundoi me sukses. Krejt çka duhet është t’i dërgoj dy fotografi dhe ta marr pasaportën që më takon”, ka thënë aktori.

Diaz frikësohet nga skena

Cameron Diaz ka refuzuar të paraqitet në realizimin muzikal të filmit të animuar "Shrek" pasi që ka frikë të performojë drejtpërsëdrejti në skenë.

Aktorja, e cila e ka dhënë zërin e saj për rolin e princeshës Fiona për filmat e animuar “Shrek”, nuk ka dashur të jetë e përfshirë në realizimin teatror të filmit.

“Ajo çfarë bëjnë ata në skenë, për mua është, thjeshtë e pamundur. Megjithatë, dëshiroj të thems e ëhstë një shfaqje shumë e bukur. Ata kanë punuar shume dhe ia ka vlejtur”, ka thënë Diaz duke folur për “Shrek the Musical” në natën e parë të shfaqjes teatrore në Broadway të New Yorkut.

Katy dhe Travis të fejuar?

Mediat amerikane njoftojnë se Katy Perry është fejuar me të dashurin e saj, Travis McCoy, pasi që frontmeni i grupit "Gym Class Heroes" i ka propozuar martesë në Paris.

“New York Daily News” njofton se Travis, i cili është në lidhje me këngëtaren që nga viti 2007, është ‘gjunjëzuar’ gjatë një pushimi romantik në kryeqytetin francez dhe ia ka ofruar Katyt një unazë diamanti.

Spekulime të ngjashme kishin ndodhur edhe gjatë verës së këtij viti, të cilat më vonë Katy i kishte mohuar, prandaj pritet një konfirmim i protagonistëve të këtij shkrimi që të tregojnë të vërtetën.[b]

Black në serialin The Office

Komiku Jack Black do të jetë mysafir special në hit-serialin televiziv,"The Office".

Ylli i filmit “Tropic Thunder” do të paraqitet në një episod, i cili do të lansohet në shkurtin e vitit që vjen.

Ende nuk është detalizuar se cili do të jetë karakteri që do ta luajë Black, mirëpo mësohet se seriali në të cilin ai do të paraqitet, do të titullohet “Stress Relief”.

Albumi i ri i No Doubt në vitin 2010

Grupi i riformuar i Gwen Stefanit, "No Doubt" e kanë shtyrë incizimin e albumit të tyre deri për vitin 2010 me qëllim që të përqendrohen në turneun e tyre të rikthimit.
Vokalistja e grupit së fundmi ka njoftuar se në vitin që po vjen grupi do të fillojë turneun, si edhe njoftoi për përgatitjen e albumit të ri. Edhe bateristi Adrian Young ka konfirmuar se grupi është duke punuar në albumin e ri, mirëpo nxjerrja e tij do të zgjatë pak të tepër se ç’pritej.

“Kemi punuar për albumin e ri qe një kohë dhe do të vazhdojmë punën edhe në vitin e ardhshëm. Në pranverën që vjen do ta fillojmë turneun, ndërsa kohë pas kohe do të punojmë edhe këngë të reja”, ka thënë bateristi.

Duff: Nuk kam thënë se jam e virgjër

Ylli i muzikës pop, Hilary Duff, ka mohuar t’u ketë thënë gazetarëve se ajo është ende e virgjër kur i kishte 19 vjet, duke thënë se ajo është keqinterpretuar.
Gjatë një interviste për revistën “Elle” në vitin 2006, për ta ruajtur imazhin e saj prej vajzës së ‘pafajshme” Duff kishte thënë se është e virgjër. Mirëpo tani këngëtarja mohon të ketë thënë një gjë të tillë.

“Jam cituar se kam thënë që jam e virgjër, mirëpo unë nuk kam thënë diçka të tillë. Nuk duhet t’i interesojë dikujt tjetër nëse jam e virgjër ose jo, është diçka që më takon vetëm mua”, ka thënë Duff.

Smith dëshiron të bëhet gjysh

Ylli i filmit “Men in Black”, i cili është i martuar me aktoren Jada Pinkett Smith, thotë se dyshja nuk kanë synim të shtojnë edhe më tej familjen e tyre, pasi kjo nuk bën pjesë në planet e tyre të të 40-tave.
Will ka dy fëmijë me Jada Smith, Jaden dhe Willow, si edhe djalin Willard me ish gruan Sheree Zampino.

“Jada dhe unë ulemi dhe pyesim, ‘Ku e shohim veten?’. Jemi 40-vjeçarë prej tash. E shohim veten në një vend tjetër ku ka stinë... Mendojmë një vend ku ka male. Mendojmë të jetojmë në një shesh golfi. Nuk duam të kemi më shumë fëmijë. Duam të jemi nipa dhe mbesa”, ka thënë aktori.

DiCaprio pëlqen të shikojë DVD

Zemërthyesi Leonardo DiCaprio pëlqen të mbajë për qafe të dashurën e tij Bar Rafaeli në krevat duke shikuar DVD.
Aktori, i cili luan krahas Kate Winslet edhe në filmin e ri “Revolutionary Road”, thotë se ai më shumë pëlqen t’i shohë filmat në TV se sa në kinema shtëpiake me projektim.

“Shikoj shumë filma klasik. Por nuk i projektoj. Kam një televizor me ekran të madh, në vend të projektorit. Dhe një DVD player. Më pëlqen”, ka thënë aktori.

Kidman: Nuk pendohem për filmat e dështuar

Aktorja australiane Nicole Kidman, refuzon të kërkojë falje për filmat e saj të cilët vazhdimisht dështojnë.
Aktorja luan krahas Hught Jackman në filmin e ri “Australia”, i cili ende nuk po len dëshmohet sa është pritur në box office (listën e filmave më të shikuar).

“Nuk do të kërkoj falje. Kam një shije të pazakonshme dhe ndonjëherë kjo është dirigjues imi, por shumicën e kohës nuk është. Kam kaluar nëpër shumë përvoja gjatë jetës time”, thotë Kidman.

“Mendoj se si aktor, puna më e mirë vjen kur mendon se keni realizuar gjënë, nga përvoja, andaj jeni më të prirë ta dëshmoni veten. Dhe me kalimin e kohës duhet të jepni edhe më shumë”, ka shtuar bukuroshja australiane.

Russell Crowe mund të jetë Bill Clinton
Aktori Russell Crowe është afër marrëveshjes për të interpretuar rolin e ish-presidentit amerikan Bill Clinton në filmin "The Special Relationship".
Pjesëmarrja apo jo e aktorit australian në këtë film do të konfirmohet vetëm në janar, por një burim i afërt me producentët ka thënë për revistën britanike “Daily Express”, se Crowe është aktori favorit për të interpretuar Clintonin, edhe pse në vështrim të parë kjo nuk duket si zgjedhja ideale.

Filmi do të trajtojë raportet mes Clintonit dhe ish-kryeministrit britanik, Tony Blair. Rolin e Blair do ta interpretojë aktori Michael Sheen, që ka përcjellë të njëjtin personazh në filmin “The Queen”, prodhim i vitit 2006.

Edhe Alba luan te The Office

Edhe aktorja simpatike Jessica Alba do të jetë pjesë e serialit televiziv "The Office", në të njëjtin episod ku do të paraqitet komiku Jack Black.
Bukuroshja e filmit “Fantastic Four” do të paraqitet në episodin, i cili është planifikuar të lansohet në shkurt të vitit që vjen.

Episodi mban titullin “Stress Relief”, ndërsa pjesëmarrja e Jack Black dhe Jessica Alba, tregon se do të jetë e domosdoshme përcjellja e këtij episodi

Allen kritikon shoun e saj

Lily Allen e ka etiketuar shoun e saj si një dështim, mirëpo ka thënë se ka fituar shumë para nga ai.
Emisioni i saj bisedues, “Lily Allen and Friends”, i shfaqur nga BBC, është kritikuar shumë, ndërsa vetë këngëtarja e ka konsideruar si njërin nga shout më të dështuar.

“Ishte periudha kur unë vendosa të mos këndoj dhe të mos shkoj në turne, por vendosa të bëj një emision, dhe të them të drejtën kam fituar shumë para nga ai emision”, është shprehur këngëtarja.

Hudson: Do të ri vetëm

Kate Hudson e do aq shumë jetën e pavarur, saqë është betuar se do të qëndrojë vetëm sa më gjatë që mundet.
Aktorja e filmit “Almost Famous”, ishte martuar me frontmenin e grupit “Black Crows”, Chris Robinson, kur ishte vetëm 20-vjeçare, ndërsa është ndarë me të në vitin 2007 dhe prej atëherë ndjehet shumë mirë me pavarësinë e saj dhe gjendjen mendore, kështu që nuk planifikon të hyjë në ndonjë lidhje serioze në një të ardhme të afërt.

“Jam duke u kënaqur shumë me faktin që jam vetëm. Kënaqem shumë edhe kur kam ndonjë lidhje, mirëpo shumë më mirë ndjehem kur nuk jam e ‘obliguar’ ndaj dikujt. Prandaj kam vendosur të mos martohem sa më gjatë që do të mundem”, ka thënë aktorja për revistën britanike “In Style”.

"Urgjentisht" videoklipi i vitit sipas "Zhurma Shou"

Mbrëmë në hotelin "Victory" është mbajtur mbrëmja e ndarjes së çmimeve të spektaklit "Zhurma Shou", ku janë ndarë disa çmime për këngëtarët më të suksesshëm të vitit 2008, njofton "Kosova Sot". Disa nga çmimet për videoklipet më të mira janë shënuar më poshtë.

Çmimet për klipin më të mirë R&B dhe Hip-Hop, prej këngëtareve e ka fituar Ryva Kajtazi për këngën “Më Pëlqen”, ndërsa prej meshkujve grupi “Skillz” për këngën “Wu q’a po shoh”.

Pop&Rock videoklipi më i mirë femër është zgjedhur “Njëherë në vit” nga Genta, ndërsa Shpat Kasapi me këngën “Vetes nuk ia fali”, ka fituar në këtë kategori prej meshkujve.

Videoklipi më i mirë i viti është zgjedhur klipi i këngës “Urgjentisht” nga “NRG Band”.

Penn mbron lidhjet me liderët amerikanojugorë

Sean Penn i ka mbrojtur lidhjet e tija me liderët amerikanojugorë, Hugo Chavez dhe Raul Castro, pasi një gazetar e kishte akuzuar se po e zhvlerëson punën e tij bamirëse duke i mbështetur këta politikanë.

Penn është mbështetës prej kohësh i diktatorit venezuelas, Chavez, dhe udhëheqësit kubanez, Castro, ndërsa një gazetar në revistën amerikane “The Advocate” ka shkruar se veprat e mira të aktorit zhvlerësohen nga kjo lidhshmëri me dy politikanët, të cilët konsiderohen si shkelësit kryesorë të të drejtave njerëzore.

“Komentet e gazetarit nuk përkojnë me veprat e Sean Penn. Ai bashkëpunon me këta politikanë për t’i bindur ata në përmirësimin e shumë gjërave në shoqërinë e tyre”, ka thënë zëdhënësja e aktorit, Mara Buxbaum.

Aniston: Ta bëjmë filmin "Friends"

Ish-aktorja e serialit "Friends", Jennifer Aniston, ka kërkuar nga producentit që të nguten në krijimin e versionit filmik të serialit.

Spekulimet për rifillimin e serive të reja, si edhe për krijimin e versionit filmik të serialit “Friends”, ekzistojnë që nga koha kur lansimi i hit-serialit komik përfundoi në vitin 2004.

Ndërsa tani, Aniston është e bindur se gjashtë aktorët kryesorë do t’i luanin karakteret e tyre nëse do të realizohej versioni filmik.

“Ne e dimë se shumë njerëz e dëshirojnë këtë film, dhe ne do ta bënim këtë gjë nëse realizohet mirë. Mirëpo, unë do të thosha ta bëjmë para se të plakemi”, ka thënë aktorja për revistën “People”.

Heidi Klum: Seal është gjithmonë seksi

Supermodelja gjermane Heidi Klum thotë se burri i saj, këngëtari britanik i muzikës soul, Seal, është “gjithmonë seksi”.

Nikoqirja e shout televiziv “Project Runway” thotë se bashkëshorti i saj kurrë nuk dështon t’ia kthejë disponimin e asaj.

“Mendoj vetëm për burrin tim. E veshur, e zhveshur, në banjë, kudo qoftë. Ai është gjithmonë seksi. Ai gjithmonë më bën të ndjehem seksi. Ai shpërndan ndjesinë e seksit. Jam vërtetë e lumtur!”, ka thënë modelja.

Fqinjët kërkojnë nga Michael të luftojë krimin

Fqinjët e yllit të muzikës pop, George Michael, kërkojnë nga ai që të luftojë krimin me thika në zonën ku ata banojnë.

Ylli i “Careless Whisper” jeton në lagjen Highgate, në Londrën veriore së bashku me partnerin e tij Kenny Goss.

Një grup fqinjësh në këtë lagje, i kanë shkruar atij letër duke i kërkuar përkrahje në inkurajimin që fëmijët të merren me muzikë, në vend të zënkave.

“Në favor të dekurajimit të krimit me thika, një grup fqinjësh në Highgate i kanë shkruar George për t’i kërkuar atij ndihmë. Ata përpiqen t’i nxisin fëmijët të fokusohen në sfidat me të cilat përballen në zonën ku jetojnë dhe të shprehin atë në muzikë në vend të dhunës. Ata kanë kërkuar nga George të shfrytëzojë kontaktet e tij ideale në organizimin e garave të muzikës në shkolla”, bën të ditur një burim.

45-vjeçari George Michael ende nuk i është përgjigjur kërkesës.

Hilton ka klub nate në shtëpinë e saj

Trashëgimtarja e hoteleve të famshme Hilton, Paris Hilton, ka një klub nate në shtëpinë e saj.

Bukuroshja e cila së fundi nxiti thashethemet se është rikthyer me ish-të dashurin e saj Benji Madden, thotë se meqë ajo ka një klub të sajin, nuk ka nevojë të dalë jashtë për t’u zbavitur.

“Gjëja më e mirë që ndonjëherë kam blerë me para është shtëpia. E quaj Paris Palace. Është e bukur. Çdo dhomë llambadarë të bukur të kristaltë dhe zbukurime mahnitëse nga Italia”, ka thënë Paris.

“Të kesh klub nate në shtëpi vërtet të ndihmon të bësh ndeja, pasi atëherë nuk ke nevojë të dalësh jashtë”, ka shtuar biondina

Martesa e J-Lo afër fundit

Martesa e Jennifer Lopez dhe Marc Anthonyt është në “kulmin e prishjes”, bëjnë të ditur spekulimet e fundit në lidhje me çiftin.

Dyshja, të cilët janë të martuar për katër vite dhe përsëritën zotimet e tyre në muajin tetor, lindën dy binjakë, Max dhe Emme, më herët gjatë këtij viti. Por, pavarësisht të gjithë lumturisë, Us Weekly shkruan se martesa e tyre është afër prishjes.

“Ai është shumë, shumë komandues i saj. Fundet e saj nuk janë më aq të shkurtë. Ju më nuk shihni shumë nga vithet e saj. Jennifer fajëson Marc për rënien e karrierës”, ka thënë një burim.

”Ajo sheh rrotull dhe thotë, ‘Kjo është jeta ime tash? Jam një grua shtëpie nga Long Island?’. Ajo nuk mund të pranojë se gjithçka çfarë ka bërë ka rënë poshtë”, ka shtuar burimi.

Daniel Craig: Unë nuk jam diva

Daniel Craig këmbëngulë se ai nuk e ndjen veten aspak si një diva.

Aktori i njohur britanik i cili luan në rolin e agjentit James Bond 007 në filmat “Casino Royale” dhe “Quantum of Solace”, thotë se më me dëshirë do të kalonte kohë me ekipin e tij të xhirimit sesa të del para kamerave si një yll i rëndësishëm filmash.

Craig ka “hedhur gurë” mbi yjet të cilët mendojnë se janë tepër të rëndësishëm për tu përzier me kolegët e tyre.

"Unë nuk kalojë shumë kohë në makinën time, edhe pse ndoshta është e madhe sa të duash. Vendi i fundit që do të doja të jem është në një karavan i cili kundërmon“, ka thënë Craig.

"Ajo që dua të them është se më me qejf do të doja të jem duke kryer punë dhe duke kaluar kohë me kolegët e mi. Secili duhet ta bëj këtë", ka përfunduar Craig.

Hathaway admirohet nga fjalët për çmimin Oscar

Aktorja seksipile Anne Hathaway thotë se thashethemet për nominimin e saj për çmimin Oscar të cilat po e përcjellin rreth performancës së saj në filmin “Rachel Getting Married” janë "jashtëzakonisht tronditëse".

Hathaway është një ndër favoritet e mundshme për nominimin Aktorja më e Mirë për portretizimin e motrës së një nuseje të varur nga alkooli dhe drogat.

Ylli i filmit “Devil Wears Prada” veçmë është kapluar nga shqetësimet për natën e ndarjes së çmimeve Oscar.

"Është jashtëzakonisht tronditëse. Jam e admiruar, por nuk tingëllon e vërtetë”, ka thënë ajo.

"Asnjëherë nuk kam qenë e spikatur për një çmim prandaj është me të vërtetë ‘cool’. Jam shumë krenare për këtë film, por jam paksa e frikësuar për këto muhabetet rreth çmimit Oscar".

Cruise: Ali ishte heroi im i fëmijërisë

Aktori Tom Cruise thotë se ai e kishte plotësuar dëshirën e tij fëmijërore kur kishte takuar legjendën e boksit, Muhamed Ali, në një mbrëmje gala.

Cruise thotë se kampioni i trefishtë botërorë në kategorinë e rëndë në boks, ishte heroi i tij në moshën fëmijërore dhe ai ka qenë mjaft i emocionuar kur më në fund kishte pasur rastin ta takojë në një mbrëmje të organizuar nga Magazina Time në vitin 1998.

“Realizimi i dëshirës time ka qenë kur e kam takuar Muhammad Ali. Kam pasur rastin të ngre dolli me të. Ali ishte personi me të cilin jam rritur”, ka thënë Cruise.

Williams së shpejti me album të ri

Robbie Williams është duke planifikuar albumin e tij të ardhshëm dhe thotë se do të rikthehet në studio në fillim të vitit të ri.

Ish-pjesëtari i grupit Take That thotë se ai është i etur të fillojë të punojë në këngë të reja, dhe do të ishte më i lumtur sikur të fillonte incizimin menjëherë, por orari në studio nuk e lejon të fillojë punën më herët.

“Do të rikthehem në studio në fund të muajit janar. Nëse do të mund ta realizoja më shpejt, do ta bëja. Këto gjëra marrim kohë dhe unë nuk jam shumë i mirë në pritje”, ka thënë Williams.

Çifti Smith dhuron 1.3 milionë për bamirësi

Aktori Will Smith dhe bashkëshortja e tij Jada kanë dhuruar 1.3 milionë dollarë për bamirësi gjatë vitit të kaluar, përfshirë edhe 122 mijë dollarë për religjionin e mikut të tij të mirë Tom Cruise, “scientology”.

Kontributi më i madh ka qenë për organizatën nga Filadelfia, Yesha. Kjo organizatë ka pranuar 250 mijë dollarë. 200 mijë dollarë të tjera, Smith i ka dhuruar për organizatën tjetër kristiane, Living Waters.

Ndërkaq për “kishën” e Cruise, aktori ka dhuruar tre herë, së pari 67 mijë, pastaj 50 mijë, dhe së fundi 5 mijë dollarë.

Coverdale: Zeppelin duhet të shfrytëzojnë disa vokalistë

Frontmeni i grupit "Whitesnake", David Coverdale, ka kërkuar nga kitaristi i bendit legjendar "Led Zeppelin", Jimmy Page, të incizojë një album të ri duke përdorur vokalistë të ndryshëm.

Hitbërësit e këngës “Kashmir”, Led Zeppelin, kanë paralajmëruar turneun e tyre të vitit 2009 pa vokalistin Robert Plant, i cili ka refuzuar të ribashkohet me anëtarët e tjerë. Për këtë arsye grupi ka hapur një audicion për të gjetur një vokalist të përshtatshëm, i cili do t’i këndonte këngët e tyre në koncerte, si edhe të ishte pjesë e albumit të mundshëm.

Nga ana tjetër ish-vokalisti i “Deep Purple”, këngëtari i hitit “Soldier Of Fortune, David Coverdale, ka thënë se ai i ka sugjeruar kitaristit Page që të shfrytëzojë vokalistë të ndryshëm, ndërsa vetë Coverdale dhe vokalisti i grupit “Def Leppard”, Joe Elliott, janë të gatshëm të bashkëpunojnë me legjendarët.

“Unë jam takuar me Page dhe i kam sugjeruar ta bëjë atë që bëri Carlos Santana me albumin ‘Supernatural’. Le të zgjedhë disa vokalistë. Joe Elliott dhe unë jemi të gatshëm të ndihmojmë, ndërsa njerëzve do t’u pëlqente të shohin se si do të dalim bashkë”, ka thënë Coverdale.

Janet dhe Dupri janë ndarë

Tabloidët amerikanë njoftojnë se Janet Jackson është ndarë nga i dashuri i saj, producenti muzikor Jermaine Dupri.

Çifti ka qenë bashkë qe katër vite, ndërsa derisa spekulohej se planifikojnë të martohen dhe të krijojnë familje, tash thuhet se janë ndarë.

“Janet dhe Jermainë më në fund janë ndarë. Ata po ziheshin vazhdimisht për mënyrën se si ai e menaxhonte karrierën e saj. Në fund ata vendosën të ndahen”, ka thënë një burim i brendshëm për “National Enquirer”.

Emma Watson: Nuk kam nevojë për para

Aktorja britanike, e cila luan rolin e Hermione Granger në filmin “Harry Potter”, Emma Watson, thotë se ajo nuk ka nevojë për para.

18-vjeçarja vlerësohet mbi 20 milionë euro, por ajo thotë se kurrë nuk do të pranonte të luajë në një film vetëm për përfitime financiare.

“Shqetësimet e pasurisë ende nuk më ka goditur pasi nuk kam nevojë për para në jetën time. Jeta ime nuk do të motivohet nga paratë. Kurrë nuk do të bëja një film për shkak se më paguajnë një sasi të caktuar të parave”, ka thënë aktorja.

“Kam një jetë më normale se sa mendojnë njerëzit. Kur udhëtoj me transport publik, njerëzit thonë, ‘Kjo vajza duket sikur ajo nga Harry Potter, por ajo nuk mund të jetë në tren’. Ndonjëherë ndalohem nga njerëzit, por është në rregull. Kurrë nuk do të doja të jem aq e famshme sa që të mos mund të jetoja një jetë normale”, ka shtuar Watson.

Kidman: Nuk jam më aq e interesuar për aktrim

Aktorja australiane Nicole Kidman, thotë se ajo “nuk është aq e interesuar” të bëjë filma edhe më tej.

Kidman, filmi i fundit i të cilës “Australia” dështoi në box office, ka zbuluar planet për të hequr dorë nga Hollywoodi dhe për t’u pensionuar nga aktrimi.

“Duhet të them se nuk jam aq e interesuar të bëj filma më shumë. E di se nuk duhet ta them këtë, por kjo më ka mbetur tash. Jam në një pozitë në jetë ku kam shumë mundësi. Dhe mund të zgjedh të kem edhe më shumë fëmijë”, ka thënë Kidman.

Minatori: Jemi mё tё mirёt

Solisti i rok-bendit legjendar kosovar Minatori, Naser Gjinovci, ka thёnё nё njё intervistё pёr Radiotelevizionin e Kosovёs, se ai dhe bendi i tij pa dyshim janë mё tё mirёt nё stilin e tyre.

Gjinovci, dhe anëtari tjetër i bendit, kitaristi Mufail Limani, ishin mysafir tё emisionit Oksigjen, qё udhëhiqet nga humoristi Besim Dina. Tё pyetur me shaka nёse mendojnë se janë rokerёt mё tё mirё shqiptar, ata duke qeshur e kanё pohuar kёtё.

“Deri para nja gjashtë muajve, kam menduar dhe seriozisht kam pasur disa dilema, por tash vërtet mendoj se jam mё i miri”, ka thёnё Gjinovci.

Çani: Ndjehem më shumë grek

Udhëheqësi i emisionit "Zonë e lirë", Arjan Çani, ka konfirmuar se ka prejardhje greke, ndërkohë është shprehur se ndjehet më shumë grek sesa shqiptar.

Këto komente Çani i ka bërë gjatë pjesëmarrjes në emisionin, “Deja vu”, ku ka thënë se nëna e tij është greke, ndërsa babanë e ka shqiptar, porse shpirti i tij grek është më dominues në raport me atë shqiptar.

“Unë kam nënën greke dhe deri në moshën pesëvjeçare më ka rritur gjyshja ime nga nëna, ndërsa gjuha e parë që kam mësuar ka qenë greqishtja. Më shumë se gjysma ime është greke”, është shprehur Çani.

Çani: Ndjehem më shumë grek

Udhëheqësi i emisionit "Zonë e lirë", Arjan Çani, ka konfirmuar se ka prejardhje greke, ndërkohë është shprehur se ndjehet më shumë grek sesa shqiptar.

Këto komente Çani i ka bërë gjatë pjesëmarrjes në emisionin, “Deja vu”, ku ka thënë se nëna e tij është greke, ndërsa babanë e ka shqiptar, porse shpirti i tij grek është më dominues në raport me atë shqiptar.

“Unë kam nënën greke dhe deri në moshën pesëvjeçare më ka rritur gjyshja ime nga nëna, ndërsa gjuha e parë që kam mësuar ka qenë greqishtja. Më shumë se gjysma ime është greke”, është shprehur Çani.

M.I.A. lëshon linjё tё modёs

Ylli i muzikës hip-hop, M.I.A., ka filluar tё punojё nё linjën e saj tё modёs, e inspiruar nga puna artistike nё kopertinat e albumeve tё mëhershme.

Krijuesja e hitit “Paper Planes”, emri i vërtetё i tё cilës ёshtё Mathangi Arulpragasam, ёshtё bashkuar me modelen Okley Leslie pёr t’u përpjekur tё fusë duart e saj nё dizajnin e veshjeve.

Koleksioni i saj do tё përfshijë bluza pa jakё, suita tё ngushta trupi dhe pantallona tё ngushta pёr femra.

Britney takohet me ish-tё dashurin e Paris

Britney Spears mund tё jetё shqetësimi i Paris Hilton, pasi ylli i muzikës pop raportohet se ёshtё duke dalё me ish-tё dashurin e trashëgimtares sё hoteleve, Benji Madden.

Sipas raporteve, kёngёtarja ёshtё afruar me rokerin e Good Charlotte pasi ata janë prezantuar me njёri-tjetrin nga menaxheri i Spears, Larry Rudolph, menjёherё pas ndarjes sё Madden nga Hilton.

Sipas njё burimi, dyshja kanë darkuar sё bashku nё njё hotel nё Los Angeles dhe janë parё disa herё qё nga momenti i njoftimit.

“Ata kanё zhvilluar disa takime. Ajo duket se e pëlqen Benjin shumё dhe ai duket po ashtu si ajo”, ka thёnё burimi anonim.

Benji Madden u nda nga Paris Hilton nё muajin e kaluar, pas nёntё muajsh sё bashku.

Parlamenti skocez nderon AC/DC

Rokerët legjendarë të grupit "AC/DC" do të marrin një çmim të pazakontë. Ata do të nderohen nga politikanët e parlamentit skocez.

Grupi me bazë në Australi ka lidhje të forta me Skocinë, pasi që themeluesit Angus dhe Malcolm Young janë lindur në Glasgou, ndërsa frontmeni tragjik Bon Scott vinte nga Kirriemuir.

Kështu Parlamenti skocez pritet t’ua ndajë rokerëve çmimin me titull “AC/DC, Ju përshëndesim”, për nder të punës së tyre dhe arritjeve të mëdha të grupit.

Shpati me këngë të vjedhur me motive turke në Festivalin në RTSH

Ky Festival pa diskutim që do të sjellë këngë të bukura por nuk do të mundet të evitojë dot atë ves të keq të imitimit të të huajve që ne na është ngulitur prej kohësh në vena. Pa dashur që të krijohen paragjykime që në fillim për këngët pjesëmarrëse, ne këtë e konstatuam gjatë provave ku në fakt na rezultuan disa detaje që të vrisnin veshin apo syrin.

“Aromë Mediterane” është kënga me të cilën do të paraqitet Shpat Kasapi para publikut. Në fakt përveç ritmeve që nuk janë aspak shqiptare, por turke të pastra, teksti i këngës përmban shumë fjalë të huaja duke filluar nga italishtja, spanjishtja dhe greqishtja.

Kështu në fillim, del gjatë vargjeve fjala “cocinella”, pastaj “asta manana” më vonë me një greqishte të pastër vajza personazh i këngës i thotë djalit “sagapo”. Siç do mund ta dëgjoni gjatë netëve të festivalit, në shqip mbetet të këndohen vetëm “vargjet ndihmëse” të cilat gjithsesi nuk rimojnë dot në disa nga gjuhët e sipërpërmendura.

Pa dashur të paragjykohet zgjedhja e kësaj kënge për në Festival, duket se Shpat Kasapi vërtet ka sjellë një Mesdhe të tërë për publikun, por shumë pak Shqipëri, madje që në titull ai nuk vendos fjalën shqip “Mesdhe”, por preferon atë në italisht “Mediterano”.

Ndërkohë po ta dëgjoni me vëmendje, kënga ka ngjashmëri jo të vogël me një nga këngët shumë të njohura të këngëtarit të famshëm turk Tarkan.

Kënga “alla BE” që do të ngjitet në skenë, nuk mishëron aspak traditën muzikore shqiptare, atë që kërkohet me forcë sidomos në këtë festival ku këngët duhet të jenë më shumë shqiptare se asnjëherë tjetër. Gjithsesi kjo mbetet në dorën e jurisë dhe të profesionistëve për ta gjykuar, ne thjesht ndjejmë për detyrë të publikojmë konstatimet tona. /Panorama

Tom Cruise: Familja është prioritet

Aktori Tom Cruise thotë se martesa me Katie Holmes e ka zbritur karrierën e tij filmike në prioritet sekondar.

Ylli i Hollywoodit, i cili ka vajzën 2-vjeçare Suri me bashkëshorten e tij, thotë se jeta familjare është më e rëndësishme se sa bërja e filmave.

“Sukses personal për mua tash është rritja e fëmijëve të mi, familja ime. Edhe pse i dua shumë filmat, ky është prioriteti im. Ndjehem i lumtur që familja ime është e shëndetshme dhe e lumtur dhe po ia del mirë. Kjo është gjëja më e rëndësishme”, ka thënë ylli i filmit “Top Gun”.

Martesa e Lopez dhe Anthony stabile

Një zëdhënës i çiftit Jennifer Lopez dhe Marc Anthony ka mohuar thashethemet se martesa e tyre është e brishtë.

Këngëtarja dhe aktorja, Lopez, kishte nxitur spekulime se është në prag të ndarjes me burrin e saj, Marc Anthony, pasi javën e kaluar ishte fotografuar vetëm në premierën e filmit “The Curious Case of Benjamin Button” duke mos e mbajtur unazën e martesës.

“Këto janë tregime të prodhuara. Ata kishin vendosur të dilnin pa njëri-tjetrin atë mbrëmje dhe këtu nuk ka asgjë të keqe”, ka thënë zëdhënësi.

Bar Rafaeli: Të jesh supermodele është gjë e lehtë

Bukuroshja izraelite, Bar Rafaeli, e cila është edhe e dashura e aktorit Leonardo DiCaprio, thotë se të qenit supermodele nuk është gjë e vështirë.

Supermodelja thotë se për të qenë një “copë” e nxehtë e Hollywoodit, i vetmi sekret është të dukesh mirë dhe të flesh dhe konsumosh shumë ujë.

“Sekreti im është gjumi i mirë, konsumimi i sasive të mëdha të ujit dhe të qenit e lumtur. Vërtet nuk ndjek ndonjë regjim të veçantë diete ose fitnesi”, thotë Rafaeli.

“Përpiqem të jem e shëndetshme dhe përpiqem të bëj gjithçka që mundem vetëm ta ruaj mirë veten dhe të ndjehem më mirë. Por jo si ndonjë metodë e humbjes në peshë, andaj nuk e bëj këtë gjithnjë”, ka thënë modelja.

Winfrey nderohet nga PETA

Drejtuesja televizive Oprah Winfrey ka pranuar njё dhuratё tё hershme pёr Krishtlindje, ajo ёshtё zgjedhur Peroni i Vitit nga PETA (Njerёzit pёr Trajtim Etik tё Kafshёve).

Ylli televiziv ka pranuar kёtё mirënjohje pasi kishte shfrytëzuar emisionin e saj pёr tё ndriçuar rastet e mizorisë ndaj kafshёve dhe kishte promovuar ushqimin vegjetarian.

Presidenti i PETA, Ingrid E. Newkirk, thotë se Winfrey kishte shfrytëzuar “zёrin e saj tё fuqishëm pёr tё mbrojtur ato qё nuk kanё zё”.

Kёtё mirënjohje mё herët e kishin fituar edhe senatori amerikan Robert Byrd dhe themeluesit e kompanisё sё produkteve tё pastrimit, Method.

Brad Pitt refuzon martesën

Aktori Brad Pitt raportohet se ka hedhur poshtё njё propozim martese nga partnerja e tij, Angelina Jolie.

Angelina, e cila rrit gjashtё fёmijё me aktorin, thuhet se ёshtё e paepur pёr t’u martuar, por Brad dёshion tё vizitojё disa këshilltarё para se ata tё martohen.

“Angelina i ka propozuar Brad-it sё fundi dhe kishte preferuar njё martesё gjatё Krishtlindjeve. Por kur Brad i ka thёnё se duhet tё presin, Angelina e ka nxjerrё aktorin si fajtor duke i thёnё se fёmijёt dёshirojnё qё ata tё martohen”, ka bёrё tё ditur njё burim i afërt me çiftin.

“Brad dëshiron tё shkojё mё ngadalë dhe tё ndjekё disa këshilla martesash. Por Angelina thotë se ata duhet tё martohen para se tё adoptojnë fёmijё ose tё kenё edhe njё fёmijё biologjik”, ka shtuar burimi.