Show BIZ.:D

First topic message reminder :

Aktori nga Tetova, Blerim Destani, i cili pati një sukses të madh me filmin "Koha e kometës", është angazhuar në dy projekte filmike joshqiptare.

Destani aktualisht është i angazhuar në realizimin e filmit "Seperation City", xhirimet e të cilit zhvillohen në Zelandën e Re dhe në Gjermani, ndërsa do të dalë nëpër kinema në fund të vitit të ardhshëm.

Ndërkohë, kur të përfundojnë xhirimet e "Seperation City", Destani do të shfaqet në filmin me produksion gjerman, danez dhe australian, "At World’s End".

Në këto dy filma, Blerim Destani luan krahas aktorëve të njëhur të cilët kanë luajtur nëpër filmat hollivudianë, siç është Rhona Mitra (e cila ka luajtur në filmat “Lara Croft”, “Shooter”, “Nummer 23” etj.), Thomas Kretschmann (“King Kong”, “Wanted” etj.), Joel Edgerton (“Star Wars 2”, “Star Wars 3” etj.), Stephen Berkoff, ("Beverly Hills Cop", "James Bond Octopussy" etj).

Tom Cruise romantik

Aktori Tom Cruise, i cili ёshtё i martuar me aktoren Katie Holmes, thotë se ai ёshtё njё tip romantik i pashpresё.

Ylli i filmit “Top Gun”, i cili ka qenё i martuar me aktoren Nicole Kidman, thotë se ёshtё shumё e rёndёsishme “ta njihni zonjën tuaj”.

“Mё pёlqen romantizmi, andaj jam i dhёnё shumё pas tij. Duhet t’i dini gjёrat e duhura dhe t’i kushtoni kujdes gjatё vitit dhe ta njihni zonjën tuaj, tё dini çfarë lulesh ajo pëlqen dhe t’ia dërgoni nё kohёn e duhur. Gjithçka ёshtё tek koha”, ka thёnё aktori.

West ofron tё dizajnojё veshjen pёr Obamёn

Ylli i muzikës hip-hop, Kanye West, ka ofruar tё dizajnojё veshjen pёr presidentin e ri tё Amerikёs, Barack Obama.

Krijuesi i hitit “Stronger”, sё fundi ka zbuluar planet se do tё pushojё ca nga muzika dhe do tё koncentrohet nё karrierën e modёs, duke synuar njё linjё nё ndonjë shtёpi tё madhe tё dizajnit.

Dhe ai ёshtё i bindur se aftёsitё e tij tё stilizimit janë aq tё mira sa ai me lehtësi do tё mund ta bёnte veshjen pёr presidentn e porsazgjedhur Barack Obama.

“Mund tё dizajnoj diçka pёr Obamёn. Por nuk e di nёse jam i gatshёm ta realizoj dhe qep. Moda ёshtё dashuria ime. Ështё diçka tё cilёn do tё doja ta bёj pёr pjesën tjetër tё jetёs time”, ka thёnё kёngёtari.

Edhe Jenifer Lopez prezantuese e Golden Globe

Golden Globe ka emërtuar prezantues të rinj për edicionin e vitit 2009, ku bëjnë pjesë edhe aktorët Seth Rogen, Amy Poehler, Jennifer Lopez dhe Salma Hayek.

Ky grup i aktorëve do t’u bashkohet prezantuesve të zbuluar më herët, ku janë edhe Drew Barrymore dhe Sacha Baron Cohen.

Ceremonia e 66-të vjetore e ndarjes së çmimeve Golden Globe, do të zhvillohet më 11 janar në Beverly Hilton në Kaliforni.

Sandler: Është mirë të jesh budalla

Komiku Adam Sandler ka disa këshilla për djemtë beqarë: Nëse dëshironi të “kapni” femra, bëhuni budalla!

Ylli i filmit “Wedding Singer” thotë se në përvojën e tij femrat kërkojnë qeshje po aq sa edhe bukuri.

“Kam dalë me femra për vite. Ato kanë qenë çmendurisht të dashurua në mua dhe nuk e dinin se pse. Tash dua t’u tregoj. Është mirë të jesh budalla”, ka thënë aktori.

Blanchett: Shtatzënia ime ishte befasi

Aktorja Cate Blanchett ka zbuluar se të tre rastet e saj të shtatzënisë kishin qenë të paparashikuar dhe “befasi”.

Ylli i filmit “Curious Case Of Benjamin Button” dhe burri i saj Andrew Upton kanë tre fëmijë, 7-vjeçarin Dashiell, 4-vjeçarin Roman dhe foshnjën tetëmuajshe, Ignatius.

“Shtatzënia ime me Ignatius ka qenë surreale. Ishte befasi. Por jo vetëm për mua, të gjithë ishin të befasuar. Ne nuk u martuam për të lindur fëmijë. Andaj kur ata lindën, për të gjithë neve ishin të papritur, por megjithatë ka qenë e bukur”, ka thënë aktorja.

Foxx: Vajza ime nuk ka të drejtë të del me djem

Aktori Jamie Foxx ka zbuluar se ai ia ka ndaluar vajzës së tij 14-vjeçare të del me meshkuj, bën të ditur Contact Music.

Ylli i filmit “Dreamgirls”, ka thënë se ai e ka marrë vendimin pasi vajza e tij Corinne ishte keqkuptuar kur së fundi herë kishte dalë me babanë e saj.

“Dilja nga restoranti me të dhe mendoj se paparaci nuk e dinte se kush ishte ajo dhe një ditë më pas gazeta shkruante, ‘Foxx me një vajzë të re të nxehtë’. Kjo të mbyt, pasi ajo është aq e rritur, por është vetëm 14-vjeçare”, ka thënë aktori.

“Ajo nuk do të del me djem derisa të martohet. Ajo është aq e bukur, është një metër e gjysmë e lartë”, ka shtuar Foxx.

Ulrich sulmohet me tortë

Bateristi i bendit legjendar "Metallica", Lars Ulrich, është "bombarduar" me tortë në një koncert në Kaliforni në prag të ditëlindjes së tij.

Njëri nga bateristët më të mirë të të gjitha kohërave, sot i mbush 40 vjet, ndërsa anëtarët tjerë të bendit kishin dashur të krijojnë një atmosferë festive në koncertin e fundit të grupit për vitin 2008, i cili u mbajt në Oracle Arena të shtunën që shkoi.

Gjatë një pushimi në koncert, anëtarët tjerë të grupit (James Hetfield, Kirk Hammett dhe Robert Trujillo) kishin marrë në dorë pjesë të torte dhe kishin gjuajtur mbi mikun e tyre.

Më pastaj frontmeni i grupit, James Hetfield, e ka nxitur publikun ta këndojë “Happy Birthday” për ta nderuar Ulrich.

Aniston feston me familjen Arquette

Jennifer Aniston i ka festuar Krishtlindjet së bashku më miqtë e saj David dhe Courteney Arquette, dhe vajzën e tyre katërvjeçare Coco.

Aniston ka preferuar të kalojë festat me familjen e shoqes së saj nga seriali “Friends”, pasi që i dashuri i aktores John Mayer kishte qëndruar në Bregun Lindor për festë.

“Jen dhe Courteney kanë biseduar vazhdimisht me njëra-tjetrën. Jen po ashtu sillej shumë mirë me Cocon”, ka thënë një burim për “People”.

Aniston feston me familjen Arquette

Jennifer Aniston i ka festuar Krishtlindjet së bashku më miqtë e saj David dhe Courteney Arquette, dhe vajzën e tyre katërvjeçare Coco.

Aniston ka preferuar të kalojë festat me familjen e shoqes së saj nga seriali “Friends”, pasi që i dashuri i aktores John Mayer kishte qëndruar në Bregun Lindor për festë.

“Jen dhe Courteney kanë biseduar vazhdimisht me njëra-tjetrën. Jen po ashtu sillej shumë mirë me Cocon”, ka thënë një burim për “People”.

Lohan: Babai im ka edhe një fëmijë tjetër

Lindsay Lohan ka shkruar në faqen e saj të MySpace se babai i saj, Michael Lohan, ka edhe një fëmijë tjetër, gjë të cilën ai e ka mohuar.

“Babai im na ka treguar se, ndërmjet gjërave tjera, ai ka edhe një fëmijë pas motrës sime Aliana. Ose ndoshta e ka pasur përpara Alianës?? Sido që të jetë, ai e ka tradhtuar nënën time dhe kjo është diçka e keqe”, shkruan Lindsay.

Ndërsa, Michael Lohan ia ka dërguar një mesazh revistës “People’ ku mohon çdo gjë që ka thënë vajza e tij.

Kritikët me mendime të ndryshme për Tom Cruise

Kritikat për portretizimin e Claus von Stauffenberg nga Tom Cruise në filmit për luftën e Dytë Botërore "Valkyrie", janë të ndryshme.

Filmi, i cili u shfaq premierë për Krishtlindje dhe grumbulloi 8.57 milionë dollarë në ditën e parë, ka marrë shumë kritika pozitive për vlerat filmike që ka, mirëpo performanca e aktorit kryesor është shpjeguar në mënyra të ndryshme.

Kritikët pranë “Fox News” dhe “Associated Press” e përshkruajnë performancën e Cruise “të tmerrshme”, ndërkohë “The Seattle Times” dhe “The New York Times” kanë mbështetur aktorin për “një performancë energjike në një film i cili kërkon një qëndrim dhe fuqi”.

Jackman: Gruaja ime mendon se Pitt është më seksi

Aktori australian, Hugh Jackman, ka bërë të ditur se gruaja e tij mendon se Brad Pitt është më seksi se ai.

Ylli i filmit “Australia”, i cili së fundi u shpall si Mashkulli më Seksi i Gjallë nga magazina People, ka bërë shaka duke thënë se gruaja e tij Deborra mendon se Pitt duhej ta kishte marrë këtë ‘mirënjohje’.

“Gjëja e parë që Deb tha ishte, “E dija! E dija se do të martohem me mashkullin më seksi’. E dyta ishte pyetja e sinqertë për procesin se si është bërë zgjedhja”, ka thënë aktori.

“Ajo tha, ‘Ishin lexuesit? Redaktorët? Votuesit?’. Dhe unë i thash: ‘Mendoj se redaktorët, janë një grup të cilët bashkohen dhe kalojnë nëpër fotografi dhe vendosin. Ajo mu përgjigj. ‘Dhe kushdo mund ta marrë atë çmim... dhe Brad Pitt nuk e mori?’,”, ka shtuar Jackman.

Swift rimerr kreun e top listës së albumeve

Këngëtarja e muzikës country, Taylor Swift, ka vazhduar sundimin pasi siguroi vendin e parë në top listën e albumeve të Billboard për të tretën javë (joradhazi).

19-vjeçarja morri kreun gjatë të mërkurës me albumin e saj “Fearless”, me të cilin shiti 330 mijë kopje javën e fundit.

Albumi dominoi mbi yllin e muzikës r’n’b, Keyshia Cole, albumi i të cilës “A Different Me” shiti 322 kopje, duke marrë pozitën e dytë në javën e parë të saj. Aktori/këngëtari Jamie Foxx, bëri debutimin e tij me “Intuition” në pozitën e tretë, duke shitur 265,000 kopje.

Dhe, Britney Spears, ka vazhduar rikthimin e saj me albumin “Circus”, duke u renditur e katërta me 196 mijë kopje të shitura, derisa Beyonce Knowles mbyll top pesëshin me “I Am...Sasha Fierce”, që shiti 195 mijë kopje.

Adi dhe Sori bëjnë plane për fejesën e çiftit

Tashmë kur
afrohet nata finale e spektaklit "Big Brother 2", Adi dhe Sori kanë
folur me Bjordin për planet e tyre për përgatitjen e fejesës së tij me
Adelën.

Derisa Bjordi është shprehur pro këtij plani, Adi dhe
Sori i kanë treguar se ata e kanë bërë gati një pjesë të planit për
përgatitjen e festës së fejesës së tyre, si drekën, ftesat e njerëzve
dhe përgatitjen për ceremoninë.

Finalistët e shout ia kanë treguar planin e tyre edhe Adelës, e cila ka thënë se ajo dhe Bjordi janë shumë larg fejesës.

Kejsi paraqitet sonte në Eurovosion

Kejsi Tola, përfaqësuesja e
Shqipërisë në Eurovision, do të paraqitet të enjten mbrëma në skenën e
Festivalit evropian të këngës, ku do të garojë për ta fituar vizën për
në finalen e madhe të të shtunës.

Kejsi do të konkurrojë me
përfaqësuesit e 19 shteteve në natën e dytë gjysmëfinale për të
siguruar një vend ndërmjet dhjetë finalistëve të cilët do të zgjidhen
sonte.

Turqia i ka prirë listës së dhjetë vendeve të para
finaliste në natën e parë gjysmëfinale të të martës mbrëma, me ç’rast
janë kualifikuar: Turqia, Suedia, Izraeli, Portugalia, Malta, Finlanda,
Bosnja dhe Hercegovina, Rumania, Armenia dhe Islanda.

Ndërkohë
duke ditur edhe pse finalistët e tjerë (Rusia, Franca, Gjermania,
Britania e Madhe dhe Spanja, të cilët automatikisht kanë të drejtë të
paraqiten në finale) mbeten edhe dhjetë vende për t’u plotësuar në
mbrëmjen e sotme dhe shpresojmë që njërin prej tyre ta sigurojë Kejsi
Tola.

Amy Adams ‘e detyruar’ të tregojë pjesën e pasme

Amy Adams thotë
se asaj i është kërkuar të veshë pantallona të ngushta me të vetmin
qëllim ‘të tregojë prapanicën’ në filmin e saj të ri.
Aktorja thotë
se nuk ka qenë fort e shqetësuar kur disenjatori i veshjes për filmin
“Night at the Museum 2”, i ka thënë asaj të veshë veshje të ngushtë për
ta nxjerrë në pah ‘pasurinë’ e saj.

“Nuk isha e shqetësuar shumë
për të. Vetëm se e dija se do të veshja pantallona të ngushta të cilat
do të tregonin prapanicën time. Gjë të cilën nuk e bëj normalisht.
Ishin tepër të ngushta...”, ka thënë 34-vjeçarja.

Adi dhe Sori bëjnë plane për fejesën e çiftit

Tashmë kur afrohet
nata finale e spektaklit "Big Brother 2", Adi dhe Sori kanë folur me
Bjordin për planet e tyre për përgatitjen e fejesës së tij me Adelën.
Derisa
Bjordi është shprehur pro këtij plani, Adi dhe Sori i kanë treguar se
ata e kanë bërë gati një pjesë të planit për përgatitjen e festës së
fejesës së tyre, si drekën, ftesat e njerëzve dhe përgatitjen për
ceremoninë.

Finalistët e shout ia kanë treguar planin e tyre edhe Adelës, e cila ka thënë se ajo dhe Bjordi janë shumë larg fejesës.

Kejsi paraqitet sonte në Eurovision

Kejsi Tola, përfaqësuesja e
Shqipërisë në Eurovision, do të paraqitet të enjten mbrëma në skenën e
Festivalit evropian të këngës, ku do të garojë për ta fituar vizën për
në finalen e madhe të të shtunës.
Kejsi do të konkurrojë me
përfaqësuesit e 19 shteteve në natën e dytë gjysmëfinale për të
siguruar një vend ndërmjet dhjetë finalistëve të cilët do të zgjidhen
sonte.

Turqia i ka prirë listës së dhjetë vendeve të para
finaliste në natën e parë gjysmëfinale të të martës mbrëma, me ç’rast
janë kualifikuar: Turqia, Suedia, Izraeli, Portugalia, Malta, Finlanda,
Bosnja dhe Hercegovina, Rumania, Armenia dhe Islanda.

Ndërkohë
duke ditur edhe pse finalistët e tjerë (Rusia, Franca, Gjermania,
Britania e Madhe dhe Spanja, të cilët automatikisht kanë të drejtë të
paraqiten në finale) mbeten edhe dhjetë vende për t’u plotësuar në
mbrëmjen e sotme dhe shpresojmë që njërin prej tyre ta sigurojë Kejsi
Tola.

Gili e kënaqur me Çmimin e internetit

Këngëtarja e njohur
kosovare, Gili, është shprehur mjaft e kënaqur për pjesëmarrjen e saj
në duet më këngëtarin Enis Potoku, në edicionin e gjashtë të "Top Fest".
Kënga e tyre “Kur u ndamë” ishte njëra nga këngët më të pëlqyera të publikut dhe jo rastësisht e ka fituar çmimin e internetit.

“Jam
shumë e lumtur me pjesëmarrjen time në Top Fest dhe me Çmimin e
internetit. Ky është çmimi më i rëndësishëm për mua, ngase është votuar
drejtpërdrejt nga publiku”, është cituar Gili nga e përditshmja “Kosova
Sot”.

Lohan i kthehet karrierës

Lindsay Lohan po e lë pas vetes
mënyrën e shfrenuar të jetesës duke iu kthyer aktrimit, pasi që ka
fituar një rol kryesor në një komedi.
22-vjeçarja është lavdëruar
për paraqitjen e saj në filmin e vitit 2004, “Mean Girls”, ndërsa
filmat pasues kanë qenë thjeshtë një dështim, ndërkohë që ajo është
konsideruar si e papërgjegjshme dhe joprofesioniste nga producentët
filmikë.

Mirëpo, duket se aktorja ka vendosur që të mos jetë
më në titujt kryesore për gjëra të pahijshme, porse të flitet mirë për
karrierën e saj.

Lohan ka siguruar rolin kryesor në komedinë
fantastike “The Other Side”, e cila flet për një studente shkence të
vendosur në një ishull të largët.

“Lindsay është shumë e
vetëdijshme për mendimet që kanë njerëzit për të. Ajo është vërtet e
përkushtuar për të bërë diçka pozitive që do ta ndryshonte mendimin
negativ të njerëzve për të”, ka thënë për “Daily Variety” regjisori i
filmit, David Michaels.

VFM ’09 zbulon disa fshehtësi

Tepihu i kuq i shtruar përpara
Teatrit Kombëtar të Kosovës me rastin e Videofestit 2009 ishte një
mundësi e mirë për të parë disa nga personat publik të shoubizit
vendës, jeta private e të cilëve është përfolur shumë.
Dafina Zeqiri, e cila për herë të parë ishte në këtë Videofest, parakaloi mbi qilimin e kuq bashkë me të dashurin e saj.

Për
kohë të gjatë edhe Alban Skënderaj ka qenë top-lajm për një lidhje të
tij me këngëtaren Miriam Cani. Fillimisht Albani e kishte mohuar këtë
lidhje, duke thënë se Miriamin e kishte vetëm një shoqe të mirë. Por,
kjo nuk zgjati edhe shumë, ai u dorëzua dhe pranoi lidhjen e tij me të.
Albani bashkë me Miriamin parakaluan qilimin e kuq të Videofestit
muzikor 2009. Kjo ishte hera e parë që Miriam Cani ishte e pranishme në
Videofest.

Alban Skënderaj në ceremoninë e ndarjes së
shpërblimeve videomuzikore “Videofesti muzikor 2009” arriti të
triumfojë me videoklipin “Larg dhe afër”, duke fituar çmimin kryesor të
mbrëmjes “Videoklipi më i mirë i vitit”.

Me të njëjtin
videoklip fitoi edhe çmimin për klipin për kamerën më të mirë, gjersa
me videoklipin “Një herë në jetë” rrëmbeu çmimin për klipin më të mirë
në konkurrencën e meshkujve. E dashura e Albanit u shpreh e kënaqur me
suksesin e tij.

Për herë të parë mbi qilimin e kuq të Videofestit parakaloi edhe çifti i fejuar, Nora Istrefi dhe Robert Berisha. /ktv/

Kejsi kualifikohet në finale të Eurovisionit

Këngëtarja e cila e
përfaqëson Shqipërinë në edicionin e sivjetmë të Eurovisionit, Kejsi
Tola, ka siguruar një vend në finalen e të shtunës mbrëma ku do të
konkurrojë me përfaqësuesit e 24 shteteve tjera finaliste për ta fituar
Festivalin evropian të këngës, i cili mbahet në kryeqytetin rus, Moskë.
Kejsi
bëri një paraqitje të bukur të enjten mbrëma në gjysmëfinalen e dytë të
Eurovisionit për të marrë vizën që të paraqitet sërish të shtunën
mbrëma në finale.



Sonte u kualifikuan dhjetë shtete:
Azerbajxhani, Kroacia, Ukraina, Lituania, Shqipëria, Moldavia,
Danimarka, Estonia, Norvegjia dhe Greqia.

Në natën e parë
gjysmëfinale u kualifikuan: Turqia, Suedia, Izraeli, Portugalia, Malta,
Finlanda, Bosnja dhe Hercegovina, Rumania, Armenia dhe Islanda,
ndërkohë që Rusia, Franca, Gjermania, Britania e Madhe dhe Spanja, janë
kualifikuar automatikisht, dhe është ky numri i plotë prej 25 shteteve
të kualifikuara për finalen e madhe të të shtunës mbrëma.

Albumi i Green Day pritet të kryesojë listat

Albumi i ri i
bendit Green Day, pritet të debutojë në pozitën e parë të top listave,
kanë bërë të ditur burimet e industrisë muzikore.
Pavarësisht se
është lëshuar sot (të premten) dhe ka vetëm tri ditë shitje për të
sfiduar konkurrentët, pritet që “21st Century Breakdown” do të bëjë një
bujë në listat botërore të albumeve, raporton Billboard.

650
mijë kopje janë dërguar në drejtim të Amerikës, derisa raportohet se
nuk asnjë lëshim të ri ose ndonjë album që tashmë është në lista, i
cili do ta kërcënonte rok bendin për të marrë vendin e parë në
Billboard Hot 100.

Suksesi më i madh i bendit ishte në vitin 2004 kur albumi “American Idiot” u shit në 267 mijë kopje në javën e parë të daljes.

Jennifer Aniston heq dorë nga aktrimi

Jennifer Aniston
planifikon të heqë dorë nga aktrimi për të ndërtuar një karrierë prapa
kamerave, bëjnë të ditur mediat amerikane.
Sipas revistës Star,
ish-aktorja e serisë “Friends” është e lodhur nga aktrimi dhe ëndërron
të realizojë regjinë e filmave të saj.

“Thjesht po pres
projektin e duhur. Jam në një pozitë kur ndjej se mund të marr frymë
dhe të bëj disa zgjidhje të cilat më stimulojnë në aspektin kreativ”,
ka thënë aktorja.

“Më pëlqen aktrimi, por nuk e di nëse kjo është ajo që gjithmonë do ta bëj”, ka shtuar 40-vjeçarja.

Rihanna në darkë me Shia LeBeouf

Aktori
Shia LaBeouf një herë kishte pasur takim me këngëtaren seksi Rihanna,
por dyshja kishin dështuar të gjenin veten si të dashur.
Ylli i
filmit “Transformers”, ka zbuluar se kishte qenë i ‘magjepsur’ nga
krijuesja e hitit “Umbrella’ dhe kishte qenë i tronditur kur kishte
kuptuar se Rihanna dëshiron të del me të.

“Kurrë nuk shkoi
përtej një takimi. Nuk kishte shkëndija. Nuk ishim të pasionuar për
njëri-tjetrin në atë aspekt, andaj mbetëm miq”, ka thënë LaBeouf për
revistën Playboy.

Conan O’Brien, mysafiri i fundit i Jay Leno

Shoumeni Jay Leno më
29 maj do të heqë dorë si drejtues i emisionit “The Tonight Show”, dhe
pasuesi i tij, Conan O’Brien, do të jetë mysafiri i tij në këtë edicion
të fundit.
Gjatë konferencës së shtypit Leno tha se drejtuesi i
ardhshëm i emisionit, Conan O’Brien, do të jetë edhe mysafiri i tij i
fundit.

Mysafirët e ditëve të fundit të Leno do jenë edhe Mel
Gibson, i cili do të bëjë paraqitjen e tij të 25-të më 25 maj dhe
guvernatori i Kalifornisë, Arnold Schwarzenegger, i cili do të jetë
mysafir më 26 maj.

Leno thotë se kishte kuptim që O’Brien të
jetë personi i fundit që do të ulet divan në emisionin e fundit të tij.
O’Brien, 46-vjeçar, do të drejtojë emisionin e parë “The Tonight Show”
më 1 qershor.

“Jam i lumtur që do të jetë Conan. Nuk mund të
ishte një person më i qëlluar. Mendoj, ai është personi i duhur dhe
është vërtet një ndryshim i këndshëm dhe mendoj se do të ketë shumë
argëtim”, ka thënë Leno.

Hopkins rikthehet në rolin e kanibalit

Sir Anthony Hopkins është
bashkuar me regjisorin Sir Ridley Scott për të rikthyer në ekranin e
madh figurën e pakëndshme, Hannibal Lecter.
Aktori do të përsërisë
rolin vrasësit serik për të katërtën herë, në vazhdimin e dytë të
filmit të vitit 1991, “The Silence of the Lambs”, për të cilin rol ai
fitoi çmimin Oskar për aktorin më të mirë.

Hopkins po ashtu
luajti edhe në filmin e vitit 2001, “Hannibal”, para se të jetë pjesë
edhe e filmit ‘parathënës’ të vitit 2002, “Red Dragon”.

Cate Blanchett është përmendur si opsion për të luajtur rolin e Clarice Starling, pasi Jodie Foster ka hequr dorë nga filmi.

Labi i përshtatet sezonit

Labinot Tahiri- Labi është në
përfundim të një këngë të re, e cila pritet të lansohet pas dy javësh,
shkruan gazeta "Kosova Sot".
Subjekti i këngës është me tematikë
dashurie dhe u dedikohet dasmave dhe Labi planifikon ta këndojë nëpër
ahengje dhe ndeja të ndryshme, ndërsa titullohet “Nata e fundit e
beqarisë”.

“Kam dashur që në këtë sezon të sjell në treg një
këngë dasmore, e cila besoj se do të pëlqehet në publik. Tani jam në
përfundim të këngës dhe do të lansohet shumë shpejtë”, është shprehur
këngëtari.

Xuxi: Big Brother degjeneron shoqërinë

Edhe
pse nuk e ka përcjellë shumë hit-shoun real "Big Brother Albania", Xuxi
është shprehur kundër ekzistimit të një shou të tillë, duke thënë se as
për të gjitha paratë e botës nuk do të bindej për të hyrë në atë shtëpi.
“Më
vjen keq prej pjesëmarrësve, dhe nuk dua që asnjëri prej tyre që kanë
qenë dhe që janë ende brenda të ofendohen, por unë mendoj se Big
Brother është diçka që e degjeneron shoqërinë tonë”, është cituar Xuxi
nga e përditshmja “Infopress”.

“Për vete as edhe gjithë paratë
e botës nuk do të më mjaftonin për të më bindur që të futem në një
shtëpi të tillë”, ka shtuar këngëtari.

DJ Rust në Deepo Club

Deepo Club & Slang Bangers prezantojnë Hip-Hop evenimentin më të nxehtë të javës me DJ Rust nga Gjermania.
DJ
Rust nga Kylni i Gjermani do t`i servojë rinisë së Prishtinës trendet
më të reja ndërkombëtare të Hip-Hop-it nga ora 22:00 të shtunën mbrëma
(16 maj).



Rust është një DJ i njohur në mbarë botën për
aftësitë e tija për miksim në gramafona, dhe është DJ zyrtar i artistit
Kot Killer.

Menaxhmenti i programit të Deepo-s do të mundohet
maksimalisht të sjellë kreativitet për rininë e Prishtinës duke sjellë
top-emrat ndërkombëtarë të industrisë muzikore.

Hudson ia fal vrasësit

Aktorja/këngëtarja Jennifer Hudson i ka ofruar falje vrasësit, i cili vitin e kaluar vrau nënën, vëllanë dhe nipin e saj.
Më
24 tetor 2008, nëna e Hudson, Darnell Donerson, dhe vëllai Jason, ishin
gjetur të vrarë në shtëpinë e tyre në Chicago, ndërsa trupi i nipit të
saj shtatëvjeçar, Julian King (djalit të motrës Julia), ishte gjetur në
një veturë tre ditë pas.

Tani 27-vjeçarja ka thënë se ka
arritur ta mposhtë dhimbjen dhe është treguar aq zemërgjerë saqë ia ka
falur personit i cili ka vrarë më të dashurit e saj.

Rourke do të luajë në ribërjen e "Mona Lisa"

Aktori Mickey Rourke ka nënshkruar një marrëveshje për të luajtur në ribërjen e filmit "Mona Lisa".
Filmi është i bazuar në versionin e filmit me banditë në të cilin rolin kryesor e ka luajtur Bob Hoskins.

Rourke
do ta përsërisë rolin e ‘George’ (të cilin e ka luajtur Hoskins), një
gangster i porsaliruar nga burgu, i cili bie në konflikt me një
gangster të nivelit të lartë- Mortwell, të cilin do ta luajë Michael
Caine.

Adi: E lodhshme të jesh VIP

Derisa kanë nënshkruar disa bluza
për fansat e tyre Qetsori dhe Adi, ky i fundit është shprehur se qenka
e lodhshme të jesh personalitet i njohur.
“Qenka e lodhshme të jesh
VIP”, ka thënë Adi, i cili menjëherë ka reaguar për ta përmirësuar
fjalinë e tij “E lodhshme për mirë!”.

Qetsori jo vetëm se nuk
e ka pohuar një gjë të tillë, por e ka ngacmuar Adin duke i thënë se po
ta dëgjojë publiku fjalinë e parë do të hidhërohet dhe nuk do të
shpallesh fitues i “Big Brother 2”.

Mula refuzon "ndarjen me pajtim"

Sopranoja e famshme shqiptare,
Inva Mula, ka refuzuar tw para Gjykatës së Shkallës së Parë të
"pajtohet" me bashkëshortin e saj, këngëtarin Pirro Çako, duke zgjedhur
shqyrtimin e një procesi gjyqësor për ndarje martese dhe jo një ndarje
me pajtim mes tyre, shkruan gazeta "Shekulli".
Gjyqtarja Elona Gjoka
në seancën e dytë përgatitore i ka propozuar çiftit të zgjedhë
variantin e "një ndarje me pajtim", duke iu shmangur kështu një procesi
gjyqësor. Por, ka qenë mbrojtësi i sopranos Mula, i cili pas
këshillimit me këtë të fundit, ka refuzuar që mes tyre të ketë një
pajtim, duke qenë të gatshëm për një proces të drejtë gjyqësor për
ndarje.

Ndërkohë, avokatja e këngëtarit Çako, i kërkoi
gjykatës dy javë kohë për t'u shprehur mbi këtë propozim, si dhe për të
pritur ardhjen e bashkëshortit të sopranos që të japë mendimin e tij
për këtë propozim.

"Pirro nuk ka mundur të vijë sepse ndodhet
jashtë shtetit. Njoftimin për datën dhe orën e gjyqit e ka marrë me
vonesë, kështu që nuk i ka mjaftuar koha për të qenë i pranishëm në
këtë proces gjyqësor", ka thënë avokatja e këngëtarit Pirro Çako.


Kërkesa
e avokates së Çakos është refuzuar nga gjyqtarja Gjoka, e cila ka thënë
se Çako ka qenë në dijeni të kërkesës për ndarje martese, dhe ka pas të
gjithë kohën e mjaftueshme për t'u njohur me datën dhe orën e gjyqit.

Pas
këtij vendimi të ndërmjetëm, gjyqtarja Gjoka ka vendosur që padia për
ndarje martesë të kalojë në seancë gjyqësore, e cila do të zhvillohet
më 2 qershor, dhe ftoi palët të paraqesin pretendimet e tyre për këtë
ndarje. E pranishëm në sallën e gjyqit ishte vetëm sopranoja Mula, e
cila nuk ka preferuar të flasë para gjykatës, përveç konfirmimit formal
që ishte e pranishme në sallën e gjyqit.

Jackson vuan nga kanceri i lëkurës?

Michael Jackson është duke bërë luftë sekrete me kancerin e lëkurës, bëjnë të ditur tablloidet britanike.
The
Sun thotë se krijuesi i hitit “Thriller” 50-vjeçar, së fundi është
diagnostikuar me kancer pasi mjekët vërejtën shenja të kancerit në
qafën e tij dhe qeliza para-kanceroze në fytyrë.

“Testi i
Michael tregoi shenja të kancerit të lëkurës në trupin e tij dhe qeliza
që mund të shndërrohen në kancer lëkure në fytyrë. Ai në fillim ishte
shumë i shqetësuar, por është siguruar nga mjekët se ata mund ta
mjekojnë këtë dhe ai të shërohet”, ka thënë burimi.

Portman mohon lidhjen me Penn

Natalie Portman ka thyer rregullat
e arta të saj duke folur për shtypin rreth thashethemeve që qarkullojnë
se ajo është në lidhje me Sean Penn.
Aktorja thotë se tregimi i
romancës është “tërësisht i pavërtetë” dhe ajo është e tmerruar që
mediat e lidhin atë me Penn, i cili sapo është ndarë nga gruaja e tij
Robin Wright-Penn.

“Sean Penn është një mik dhe koleg. Raportet
se ne kemi pasur diçka romantike mes nesh janë tërësisht të pavërteta.
Normalisht nuk iu përgjigjem thashethemeve për jetën time private,
megjithatë ky tregim vazhdimisht i fabrikuar, më ka detyruar ta bëj
këtë”, thotë Portman.

Lady Gaga inspirohet nga seksi

Këngëtarja Lady Gaga, thotë se
bërja dashuri është një aspekt shumë i rëndësishëm i jetës së saj dhe e
ndihmon të shprehë kreativitetin gjatë shkrimit të këngëve.
“Është
metaforike dhe konceptuale. E gjithë muzika është e inspiruar nga
seksi. Është një vrull dhe instinkt i parë dhe një nevojë e pashuar për
orgazëm dhe lindje. A nuk është kjo arsyeje se pse të gjithë jemi këtu?
Dashuria dhe seksi janë e vetmja arsye se pse bëj art”, ka thënë Gaba.

Krijuesja
e hitit “Just Dance” thotë edhe se pjesa më e madhe e muzikës së saj
është rreth seksit, sa që menaxherët e kompanive shpesh kërkojnë që ajo
t’i zbusë këngët e saj.

Adela favorite për ta fituar Big Brother-in

Të shtunën mbrëma
është nata finale e shout real "Big Brother 2", kur do të përcaktohet
fituesi i këtij shou dhe i shumës prej 70.000 eurove.
Finalistë të
spektaklit janë Adi, Qetsori, Adela dhe Bjordi, dhe vetëm njëri nga
këta katër konkurrentë do të shpallet fitues në mbrëmjen e sotme.

E
favorizuar është Adela, e cila si tip, duke gjykuar nga mesazhet, arrin
të mbledhë ose simpati ekstreme, ose antipati ekstreme.

Njëri
nga analistët e spektaklit, Virusi, edhe pse e ka lënë të hapur
mundësinë që secili prej tyre mund të dalë fitues, ai e ka favorizuar
Adelën, për të cilën ka thënë se edhe nëse nuk shpallet fituese ajo do
të jetë personi i cili do të mbahet mend më gjatë nga përcjellësit e
“Big Brother”.

“Unë kisha për të nxjerrë fituese Adelën”, ka thënë Virusi në një intervistë për gazetën “Shekulli”.

Ndërkohë,
analisti tjetër, Arjani, nuk ka përmendur ndonjë emër, porse ka dhënë
idenë e tij se fitues duhet të dalë personi i cili do të dijë t’i
shfrytëzojë më së miri paratë që do t’i jepen nga organizatorët e “Big
Brother”.

“Mendoj që duhet t'i fitojë ai person që do të dijë
ta shfrytëzojë më mirë këtë shumë të madhe. Aftësia për të bërë për
vete ndjenjat e njerëzve, është vendimtare për fitoren. Ne dimë që të
katërt e kanë bërë këtë. Ajo që nuk dimë, është se kush e ka bërë më
shumë”, ka thënë Arjani.

Madonna nuk do të martohet me Jesus

Madonna ka mohuar spekulimet
se ajo po planifikon një martesë luksoze me të dashurin e saj Jesus
Luz, pasi që babai i këtij të fundit kishte nxitur spekulime për
martesën e çiftit.
Luis Heitor Pinto da Luz- babai i Jesus Luz, i ka
thënë revistës braziliane “Quem” se Madonna planifikon të martohet me
djalin e saj në New York.

Mirëpo, Mbretëresha e muzikës pop, thotë se revista braziliane ka spekuluar dhe se babi i Luz nuk i ka thënë ato fjalë.

“Kjo
është plotësisht e pavërtetë. Babai i Jesus nuk ka dhënë asnjë
deklaratë për këtë çështje”, ka thënë një përfaqësues i Madonnës për
revistën “In Touch”.

Këngëtarja 50-vjeçare ka filluar lidhjen me modelin 22-vjeçar menjëherë pas ndarjes nga burri i saj Guy Ritchie.

GN’R koncert në Tel Aviv

Anëtarët e grupit "Guns N’ Roses" janë në bisedime për të mbajtur koncertin e parë në Izrael pas 16 vitesh.
“Jerusalem Post” njofton se grupi i muzikës rok planifikon të mbajë një koncert në stadiumin e Tel Avivit gjatë këtij viti.

Vokalisti
i grupit dhe njëherit i vetmi anëtar i mbetur nga themeluesit e “Guns
N' Roses”, Axl Rose, ka rekrutuar disa anëtarë të rinj për t’u
paraqitur në Izrael për herë të parë që nga viti 1993.

Në mbrëmje finalja e Eurovision 2009

Të shtunën mbrëma në
kryeqytetin rus Moskë do të zhvillohet nata finale e Festivalit
evropian të këngës- Eurovision, ku do të këndojë edhe Kejsi Tola,
këngëtarja e cila e përfaqëson Shqipërinë në këtë festival.
Kjo
është hera e gjashtë që Shqipëria prezantohet në këtë festival,
ndërkohë që kënga “Carry Me Into Your Dreams” nuk është komentuar apo
klikuar shumë paraprakisht, gjë që e largon atë menjëherë nga favoriti
për të hyrë ndoshta edhe në top-dhjetëshin.

Sido që të jetë,
ne shpresojmë që Kejsi Tola të bëjë një paraqitje të mirë dhe të marrë
sa më shumë vota për t’u plasuar sa më lartë, dhe pse jo të shpallet
edhe fituese!

Cyrus dëshiron të bëhet si Victoria

Miley Cyrus shpreson të ndjekë hapat e Victoria Beckham duke u bërë nënë e futbollistëve.
Aktorja/këngëtarja
16-vjeçare është fanse e ish-anëtares së Spice Girl, e cila ka tre
fëmijë me burrin e saj, futbollistin David Beckham, dhe admiron
aftësinë së saj të duket e shkëlqyeshme edhe derisa i kryen detyrimet e
saj familjare.

“Pas 10 vitesh, do të do doja të jem një nënë
futbolli, si Victoria. Do të jem atje me take duke i inkurajuar fëmijët
e mi. Por nuk e kam idenë se çfarë do të ndodhë”, ka thënë Cyrus e cila
është në lidhje me modelin 20-vjeçar të veshjeve të brendshme, Justin
Gaston.

Norvegjia fiton Eurovisionin

Kënga
"Fairytale" e këngëtarit Alexander Rybak, e cila përfaqësoi Norvegjinë
në Festivalin evropian të këngës- Eurovision, është shpallur fituese e
kësaj gare muzikore.



Përfaqësuesi
i Norvegjisë arriti të sigurojë 387 pikë për t’u shpallur fitues i
Eurovisionit, ndërsa në vendin e dytë është renditur Islanda, derisa
vendin e tretë e zuri Azarbajxhani.



Përfaqësuesja
e Shqipërisë, Kejsi Tola, me këngën e saj “Carry Me Into Your Dreams”,
ka fituar 48 pikë dhe ka arritur të zë vendin e 17-të në Festivalin e
sivjetmë të Eurovisionit.

Norvegjia fiton Eurovisionin

Kënga
"Fairytale" e këngëtarit Alexander Rybak, e cila përfaqësoi Norvegjinë
në Festivalin evropian të këngës- Eurovision, është shpallur fituese e
kësaj gare muzikore.



Përfaqësuesi
i Norvegjisë arriti të sigurojë 387 pikë për t’u shpallur fitues i
Eurovisionit, ndërsa në vendin e dytë është renditur Islanda, derisa
vendin e tretë e zuri Azarbajxhani.



Përfaqësuesja
e Shqipërisë, Kejsi Tola, me këngën e saj “Carry Me Into Your Dreams”,
ka fituar 48 pikë dhe ka arritur të zë vendin e 17-të në Festivalin e
sivjetmë të Eurovisionit.

Timberlake përballet me padi gjyqësore

Justin
Timberlake po përballet me një padi gjyqësore nga një ish- e punësuar e
cila ka bërë një padi për diskriminim seksual ndaj dy menaxherëve në
restorantin e këngëtarit në New York.

Alison McDaniel, një
ish-menaxhere në “Southern Hospitality”, ka akuzuar dy partnerët
biznesorë të Timberlake, Eytan Sugarman dhe Ronnie Kaplan, për ‘sjellje
të pahijshme dhe diskriminim’.

Në padi përmendet Timberlake si
pronar dhe mbrojtës i të punësuarve të tij, mirëpo nuk shkruan nëse ai
ka qenë i përfshirë direkt në ndonjërin nga veprimet e bashkëpunëtorëve
të tij.

Sori fiton Big Brother-in

Shoun
real "Big Brother Albania 2" e ka fituar Qetsor Ferunaj, i cili në
konkurrencë të drejtpërdrejtë me Adelajden ka arritur të marrë numrin
më të madh të votave të publikut.

Adi ishte banori i parë nga
finalistët që u largua nga shtëpia. Adi është njëri nga banorët i cili
ka pasur një jetë të vështirë, por që arriti të dilte me kokën lart. Ai
është përballur me këdo pavarësisht diferencës së moshës me të tjerët.

Banori
i dytë i cili duhej të largohej nga shtëpia e “Big Brother” me vendimin
e publikut ishte Bjordi. Në të dyja rastet në momentet e fundit edhe
Adi edhe Bjordi ishin përballë Adelës, dhe kjo e fundit doli fituese.

Në fund, fituesi mbeti të zgjidhej ndërmjet Qetësorit dhe Adelës.

Qetsori
dhe Adelajda janë shprehur që nuk e prisnin që të ishin ato dy
finalistët, pasi kanë qenë banorët më të padëshiruar nga të tjerët.

Adelajda u shpreh që spektaklin duhej ta fitonte Qetsori pasi ka kaluar nominime dhe ka fituar simpatinë e të gjithëve.

Ndërkohë, Qetsori i ka thënë se ajo e meritonte të fitojë pasi ka përballuar shumë ngacmime nga banorët e shtëpisë.

Dhe
në fund përcjellësit e shumtë të këtij shou televiziv me anë të votave
të tyre vendosën që fitues i edicionit të dytë të “Big Brother” dhe
fituesi i 70.000 eurove të jetë Qetsori.

Warning ka kërcënuar ekzistencën e Green Day

Rokerët
e grupit "Green Day" kishin mbetur shumë të zhgënjyer për pranimin e
dobët nga publiku të albumit "Warning", saqë kishin menduar për ndarjen
e tyre.

Gjatë viteve të nëntëdhjeta, hitbërësit e këngës
“American Idiot”, kanë nxjerrë pesë albume të cilat janë vlerësuar
shumë nga kritikët, mirëpo rikthimi i tyre në vitin 2000 me albumin
“Warning” kishte qenë një dështim, dhe kjo i kishte shqetësuar aq shumë
anëtarët e grupit , të cilët kishin vendosur t’i jepnin fund
bashkëpunimit të tyre.

Mirëpo arsyeja e mosndarjes së tyre,
sipas këngëtarit Billie Jo Armstrong, kishte qenë fakti se atë kohë
grupi “Green Day” kishte mbajtur aq shumë koncerte, kështu që kjo i ka
mbajtur bashkë anëtarët, të cilat sot vazhdojnë të jenë mjaft të
suksesshëm anembanë botës.

Kthehet seriali Scrubs

Njoftohet se komedia serike amerikane "Scrubs" do të kthehet për sezonin e nëntë të serive.

Sezoni
i tetë i serialit, i cili ishte konsideruar edhe i fundit, kishte marrë
kritika negative, sidomos pas kalimit nga NBC tek ABC, si edhe pas
njoftimit se aktori kryesor Zach Braff do të largohej nga seriali.

Mirëpo,
ABC tani ka njoftuar se seriali do të kthehet në ekrane, ndërsa Braff
do të aktrojë vetëm në gjashtë episode dhe gjatë kësaj kohe pritet të
zhvillohen disa karaktere të tjera në komedi.

Anjeza dhe Moza pa të dashurit

Të dyja kanë përjetuar një
histori të shpejtë dashurie dhe vetëm kaq. Me futjen në shtëpi, Moza,
vajza nga Kosova, ka publikuar lidhjen e saj me Polin, ish-banorin e
"Big Brother 1". Ndërsa për Anjezën ka qenë ndryshe. Ajo, së bashku me
Arjonin, krijuan një "dashuri televizive" që zgjati vetëm 2 javë. Por
të dyja këto vajza i shohim në karaoket e Tiranës vetëm, pa të dashurit
përkatës. Megjithëse lidhja Arjoni-Anjeza, u deklarua nga ata që ishte
vetëm një ndjenjë e bukur që u jetua brenda shtëpisë dhe kaq.

Me
daljen e saj nga "Big Brother"-i duket se diçka nuk ka shkuar mes dy të
rinjve, në këtë mënyrë ata kanë vendosur t'i japin fund me sa më pak
bujë, kësaj historie që jetoi vetëm pak ditë.

Moza për javë të
tëra ka qëndruar nën ngacmimet e djemve të shtëpisë dhe asnjërit prej
tyre nuk i ka lënë shkak për t'ju afruar më tepër seç duhet. Në një
moment të caktuar ajo ka bërë publike dhe lidhjen me Polin, duke u
treguar të gjithëve se ishte dikush që e priste jashtë, me të cilin
sapo kishte filluar një histori dashurie.

Me daljen nga shtëpia,
të dyja vajzat janë paraqitur në shoqërinë e njëra-tjetrës në karaoke,
duke kënduar dhe dëfryer. Ndërsa nga ana tjetër, asnjëri prej djemve të
shumëpërfolur nuk duket nën shoqërinë e tyre.

Për çiftin
Anjeza-Arjoni, gjithçka është bërë e kuptueshme, që ata të dy nuk janë
më bashkë, ndërsa Poli me Mozën... nuk e kanë pritur njëri-tjetrin
ashtu siç mendohej. Për Mozën ishte hera e parë që deklaronte në publik
një lidhje me një djalë. /Shekulli/Telegrafi/

Sori: Politika sfida e re

Fituesi i “Big Brother”, Qetsor
Ferunaj, premton se nëse do të zgjidhet deputet nuk do të jetë ushtar i
asnjë force politike, por do të mbrojë interesat e qytetarëve të Vlorës.

Sori
është në listën e kandidatëve për deputet të Partisë Demokristiane për
qarkun Vlorës, dhe shprehet se do të jetë në shërbim të kësaj partie
dhe në arritjen e qëllimeve, pavarësisht nëse fiton ose jo si deputet.

“Të
merresh me politikë nuk do të thotë medoemos që të jesh deputet, unë
kam vite që merrem edhe pa qenë deputet. Kolegët e mi dhe anëtarësia e
PDK-së së Vlorës më kanë propozuar për kandidat përpara se unë të hyja
në “Big Brother”. Dhe kryesia qendrore e PDK-së dhe kryetari i saj
Ndoka tashmë kanë vendosur që unë të kandidoj në Vlorë. Për këtë
ndjehem i vlerësuar dhe i sigurt që do të fitoj”.

“Unë aderoj
në një parti që po rritet dita-ditës, falë alternatives evropiane që
përfaqëson, por edhe qëndrimeve dinjitoze të deputetëve të kësaj partie
në Kuvendin e Shqipërisë”, ka thënë Sori në një intervistë për gazetën
“Panorama”.