Show BIZ.:D

First topic message reminder :

Aktori nga Tetova, Blerim Destani, i cili pati një sukses të madh me filmin "Koha e kometës", është angazhuar në dy projekte filmike joshqiptare.

Destani aktualisht është i angazhuar në realizimin e filmit "Seperation City", xhirimet e të cilit zhvillohen në Zelandën e Re dhe në Gjermani, ndërsa do të dalë nëpër kinema në fund të vitit të ardhshëm.

Ndërkohë, kur të përfundojnë xhirimet e "Seperation City", Destani do të shfaqet në filmin me produksion gjerman, danez dhe australian, "At World’s End".

Në këto dy filma, Blerim Destani luan krahas aktorëve të njëhur të cilët kanë luajtur nëpër filmat hollivudianë, siç është Rhona Mitra (e cila ka luajtur në filmat “Lara Croft”, “Shooter”, “Nummer 23” etj.), Thomas Kretschmann (“King Kong”, “Wanted” etj.), Joel Edgerton (“Star Wars 2”, “Star Wars 3” etj.), Stephen Berkoff, ("Beverly Hills Cop", "James Bond Octopussy" etj).

Gallagher do të luajë në film

Rokeri i bendit Oasis, Liam Gallagher, është duke synuar të ndërtojë karrierë si aktor, pasi ka nënshkruar për të luajtur në një film rreth biznesit muzikor.

Këngëtari do të paraqitet në versionin filmik të novelës së Kevin Sampson, “Powder”, e bazuar në një dështim të një bendi të rokut që jepet pas seksit dhe drogës, pas ngritjes së famës.

Gallagher, i cili së fundi u shndërrua edhe në disenjator mode për markën e veshjeve “Pretty Green”, do të paraqitet krahas veteranit të muzikës, Guru Josh, në këtë film.

“Guru Josh do të luajë veten e tij, krahas Liam Gallagher. A është bota e gatshme për Liam Gallagher dhe Guru Josh së bashku në ekranin e madh? A është Liam Gallagher i gatshëm për Guru Josh?”, shkruhet në faqen e rokerit Guru Josh, emri i vërtetë i të cilit është Paul Walden.

Skenat e filmit do të fillojnë të xhirohen pas fundit të turneut të “Oasis”, në muajin gusht.

Watson dëshiron të heqë dorë nga aktrimi

Ylli i fimit “Harry Potter”, Emma Watson, thotë se ajo do të largohet nga aktrimi nëse nuk gjen role për të cilat është e pasionuar.

Aktorja, e cila bëri emër me rolin e Hermione Granger, në serinë e filmave Harry Potter, do të mendojë të largohet nga Hollywoodi dhe t’i përkushtohet ndonjë profesioni tjetër nëse nuk do të mund të gjejë role të përshtatshme.

“Nuk e kam atë pasionin e zjarrtë për aktrimin. Derisa të vijë diçka për të cilin do të ndjehem po aq e fortë sa u ndjeva për Hermione, nuk dua të aktroj sërish”, ka thënë aktorja 19-vjeçare.

Depp len bakshish 1.5 mijë dollarë

Aktori Johnny Depp ka harxhuar 4 mijë dollarë për një faturë të vetme në një restorant në Chicago.

46-vjeçari ndoqi premierën e filmit të tij të ri “Public Enemies” me një grup miqsh në këtë qytet, dhe më pas darkoi me miqtë e tij në një prej restoranteve lokale.

Kur fatura kishte arritur me vlerën 2 mijë e 600 dollarë, ai kishte vendosur të lërë edhe një mijë e 500 dollarë bakshish për të treguar se kishte pëlqyer ushqimin dhe shërbimin.

Curri: Nuk dua të martohem me ukrainase

Futbollisti i kombëtares shqiptare, Debatik Curri, pavarësisht se pëlqen vajzat ukrainase, thotë se nuk do të martohet me një të tillë.

Kosovari aktivizohet në kampionatin ukrainas te Vorskla Polltava tashmë katër sezone, dhe ka simpati për vajzat e këtij vendi.

“Nuk e di, gjithçka mund të ndodhë. Vajzat ukrainase janë shumë të bukura, por nuk besoj se do të martohem me një vajzë nga Ukraina”, ka thënë kosovari në një intervistë për Sporti Shqiptar.

Diaz vuan nga psoriaza

Cameron Diaz është duke luftuar edhe me një sëmundje tjetër të lëkurës, pasi duket se vuan nga psoriaza menjëherë nën bërrylin e krahut të djathtë.

Të kruarat që shkakton psoriaza janë të tmerrshme, dhe është një sëmundje e lëkurës e cila nuk largohet lehtë.

“Pasi luftoi aknet për disa vite, kjo është një sëmundje tjetër e lëkurës me të cilën duhet të përballet ajo! Ajo ka vuajtur edhe nga pigmentimi në fytyrë dhe nga ekspozimi i tepërt i diellit”, ka thënë burimi.

Diaz pati guximin t’i tregojë krahët e saj kur zbuloi yllin në Sheshin e Famës në Hollywood gjatë të hënës, dhe njerëzit e pranishëm mund të shihnin nga afër lëkurën e aktores për t’u vërtetuar se ajo nuk ishte perfekte.

Diaz vuan nga psoriaza

Cameron Diaz është duke luftuar edhe me një sëmundje tjetër të lëkurës, pasi duket se vuan nga psoriaza menjëherë nën bërrylin e krahut të djathtë.

Të kruarat që shkakton psoriaza janë të tmerrshme, dhe është një sëmundje e lëkurës e cila nuk largohet lehtë.

“Pasi luftoi aknet për disa vite, kjo është një sëmundje tjetër e lëkurës me të cilën duhet të përballet ajo! Ajo ka vuajtur edhe nga pigmentimi në fytyrë dhe nga ekspozimi i tepërt i diellit”, ka thënë burimi.

Diaz pati guximin t’i tregojë krahët e saj kur zbuloi yllin në Sheshin e Famës në Hollywood gjatë të hënës, dhe njerëzit e pranishëm mund të shihnin nga afër lëkurën e aktores për t’u vërtetuar se ajo nuk ishte perfekte.

Hayek: Nuk kam qenë në lidhje me Peters

Salma Hayek ka mohuar të ketë qenë ndonjëherë në lidhje me Jon Peters duke lëshuar një deklaratë për të mohuar çfarëdo lidhje me producentin.

Peters ka shkruar një autobiografi dhe në listën e të dashurave të tij e ka përmendur edhe aktoren e filmit “Frida”.

“Asnjëherë nuk kam dalë dhe nuk kam qenë në lidhje romantike me z. Peters. Emri im është përmendur vazhdimisht në lidhjet e tij, prandaj dëshiroj t’i jap fund kësaj gënjeshtre”, ka thënë aktorja.

Ndërkohë, producenti ka njoftuar se ka qenë në lidhje me Kim Basinger, Pamela Anderson, Sharon Stone dhe Catherine Zeta-Jones dhe ka premtuar që gjithçka do të zbulojë në një libër.

Jeta e Lawrence në komedi të animuar

Aktori Martin Lawrence do t’i shndërroj përvojat e tij fëmijërore në një komedi të animuar televizive.

Ylli i filmit “Bad Boys” është duke punuar me skenaristin Rodney Barnes për të ‘rigjallëruar’ aventurat e djaloshit 13-vjeçar në Washington.

“Hollywood Reporter” njofton se ky është njëri nga tre projektet televizive në të cilat punon Lawrence- i cili është po ashtu duke zhvilluar një komedi me komikun Gary Owen, si dhe është duke realizuar edhe një tjetër serial komik.

Campbell refuzon të luajë në vazhdimin e katërt të "Scream"

Kreatori i filmit "Scream", Kevin Williamson, do të detyrohet të ndryshojë gjithë skenarin për vazhdimin e katërt të filmit horror, pasi që aktroja kryesore në tre filmat e mëparshëm, Neve Campbell, ka refuzuar ta përsërisë rolin e saj.

Regjisori Wes Craven ka njoftuar se Courteney Cox dhe burri i saj David Arquette janë pajtuar që të përsërisin rolet e tyre në pjesën e katërt të filmit horror, duke shpresuar se të njëjtën gjë do ta bënte edhe Campbell.

Mirëpo, aktorja ka refuzuar ta përsërisë rolin e Sidney Prescott për të katërtën herë. Kështu që gjithçka duhet të punohet ndryshe, shkruan NYPost.com.

Kravitz ndihmon Madonnën

Lenny Kravitz ka zbuluar se ai ka ndihmuar mikeshën e tij, Madonna, të adoptojë vajzën e re nga Malawi, Mercy, duke ia ofruar asaj shtëpinë e tij në Francë.

Krijuesi i hitit “Are You Gonna Go My Way”, ia ka dhënë shtëpinë e tij luksoze në Francë këngëtares 50-vjeçare, kur ajo adoptoi katërvjeçaren Mercy, me qëllim që të qëndrojë larg syrit të publikut.

“Ka qenë e vështirë për Madonnën. Por ajo po ia del mirë. Ajo po qëndron në shtëpinë time në Francë gjatë kësaj periudhe. Jam krenar që po i ndihmoj”, ka thënë Kravitz.

Genta: Mundohem të jap maksimumin në çdo prezantim

Genta është njëra nga këngëtaret, e cila që pas lansimit të videoklipit të parë ka krijuar fansa të shumtë duke bërë që çdo këngë e saj dhe çdo videoklip të jenë të pëlqyer.

Për të pasur suksesin e saj, Genta i kushton shumë rëndësi prezantimit, si dhe përgatitjes së këngës dhe videoklipit.

“Po mundohem që të jap maksimumin në çdo prezantim timin, e sidomos në përgatitjen e videoklipeve”.

“Në paraqitjen skenike është shumë me rëndësi që të jesh e kompletuar dhe të japësh atë që del nga shpirti dhe nga vetvetja jote në mënyrë që publiku të të ndjejë sa më afër”.

“Kjo është ajo që e bën një artist të ndjehet mirë dhe të ketë sukses. Unë jam e kënaqur me këtë dhe shpresoj që edhe në të ardhmen të kem suksese”, ka thënë Genta për të përditshmen “Kosova Sot”.

Winehouse lëshon linjë kartolinash

Këngëtarja problematike Amy Winehouse ka lëshuar një linjë të letrave mbështjellëse dhe kartolinave, të cilat do të përfshijnë tekstet e këngëve të albumit “Back to Black”.

Fituesja e çmimit Grammy, e cila aktualisht është duke shijuar pushimet e zgjatura në Karaibe, ka krijuar një koleksion produktesh të ndryshme në bashkëpunim me gjigantin e muzikës, Emi.

Linja do të përfshijë kartolina dhe letra mbështjellëse për dhurata, mbi të cilat janë të shtypura fjalët e këngëve të albumit të saj, përfshirë edhe këngët e hiteve “Rehab”, “Back to Black” dhe “You Know I'm No Good”.

Batmani triumfon në Saturn Awards

Filmi mbi Batmanin, “The Dark Knight”, i ka shtuar edhe pesë trofe tjera sukseseve të shumta, pasi triumfoi në ndarjen e çmimeve vjetore Saturn Award.

Filmi ku luan Christian Bale në rolin kryesor, mblodhi shumicën e trofeve gjatë ndarjes së mbrëmshme të çmimeve që jepen nga Akademia e Filmave Shkencorë, Fantastik dhe të Frikshëm.

“The Dark Knight” u emërua filmi më i mirë aksion-aventurë, derisa ylli i ndjerë i filmit, Heath Ledger, u nderua me çmimin aktori më i mirë në rol dytësor.

Filmi po ashtu fitoi çmimin për skenarin, realizimin dhe efektet speciale.

Klum akuzon një shitës parfumesh

Supermodelja Heidi Klum është duke akuzuar një tregtar në vendlindjen e vet, Gjermani, për shitje të parfumeve të saj në Internet me gjysmën e çmimit real.

Bukuroshja e pistave ka linjën e aromave, që është pjesë e produkteve të saj të modës dhe bukurisë, por ylli është zemëruar pasi ka zbuluar se produktet e saj shiten me zbritje në një ankand në faqen eBay.com.

Klum tash ka marrë iniciativë legale kundër një kompanie, duke e akuzuar për përçmim të markës së saj për shkak të shitjes së aromave pa licencë. Modelja kërkon 145 mijë dollarë kompensim.

Vdes Michael Jackson

Mbreti i muzikës pop, Michael Jackson, ka ndërruar jetë pas një arresti kardiak, bëjnë të ditur mediat amerikane.

Në një lajm të fundit, gazeta amerikane The Los Angeles Times ka raportuar se mbreti i muzikës pop ka vdekur.

Këngëtari kishte pësuar arrest kardiak (ndalim së funksionuari të zemrës), ndërsa kur ndihmësit mjekësor kishin arritur në shtëpinë e tij, ai më "nuk merrte frymë".

Gati të gjitha mediat amerikane pohojnë se Jackson është në komë , ndërsa LA Times, duke iu referuar zyrtarëve të spitalit ku këngëtari është shtruar, pohon se ai tashmë është i vdekur.

Britney dhe Timberlake i bëjnë homazh idhullit të tyre

Dyshja më e famshme e muzikës pop, Britney Spears dhe Justin Timberlake, kanë shprehur pikëllimin për vdekjen e legjendës, Michael Jackson.

Britney dhe Timberlake, të cilët kanë pasur mundësinë të dalin në skenë bashkë me Mbretin e muzikës pop, kanë pranuar se kanë qenë shumë të frymëzuar nga Jackson.

“U entuziazmova shumë kur dëgjova se do të mbajë koncerte në Londër. Unë do të isha në turne në Evropë asokohe, dhe planifikoja të shkoj në koncertet e tij. Ai ka qenë një inspirim gjatë gjithë jetës time dhe jam shumë e dëshpëruar që ai nuk është më”, ka thënë Britney.

Ndërkohë, Timberlake është shprehur se bota jo vetëm se ka humbur njërin nga yjet më të mëdha të muzikës, por njëkohësisht “ka humbur një gjeni, i cili ka qenë frymëzimi i të gjitha gjeneratave”.

Spielberg: Ishte vetëm një Jackson

Filmbërësi legjendar Steven Spielberg është nga njerëzit e shumtë që po shprehin pikëllimin e tyre për humbjen e këngëtarit Michael Jackson.

“Ai ishte një legjendë. Ngjashëm si nuk do të ketë më një Fred Astaire ose një Elvis Presley, po ashtu nuk do të ketë më një Michael Jackson”, ka thënë regjisori Spielberg.

Jackson ka vdekur si pasojë e barnave ?

Sipas njoftimeve të reja në Los Angeles, arresti kardiak që shkaktoi vdekjen e ikonës së muzikës pop, Michael Jackson, është shkaktuar si pasojë e numrit të madh të barnave që ka përdorur këngëtari.

Revista “Life & Style” njofton se Jackson kishte përdorur shumë barna muajt e fundit, duke përfshirë barnat kundër anksiozitetit, Xanax dhe Zoloft, si dhe kundër dhimbjes- Demerol.

Ndërkohë një burim ka thënë se ekziston frika që këngëtari ta ketë tepruar me dozën e barnave që mund t’i ketë shkaktuar arrest respirator dhe kardiak.

Lisa Marie e pikëlluar për vdekjen e ish-burrit të saj

Ish-gruaja e Michael Jackson, Lisa Marie Presley, ka thënë se ajo është e pikëlluar dhe e hutuar, për vdekjen e yllit të muzikës pop, derisa nëna e saj Priscilla Presley është shokuar kur ka marrë lajmin e hidhur.

“Jam shumë e pikëlluar dhe shumë e hutuar me të gjitha emocionet ekzistuese. Më është thyer zemra për fëmijët e tij, të cilët për të ishin gjithçka, si dhe për familjen e tij. Kjo është një humbje shumë e madhe në shumë nivele... fjalët po më tradhtojnë...”, është shprehur Lisa Marie.

“Unë jam në shok dhe e di se edhe të tjerët janë në këtë gjendje. Kjo është një humbje tragjike. Mendimet e mia më të thella janë me familjen e tij në këtë moment të vështirë”, ka shtuar ish vjehrra e Jackson, Priscilla Presley.

Fansat e Jackson bllokojnë rrugët

Me lot, këndim, madje edhe vallëzim, një numër i madh fansash të yllit të ndjerë të muzikës pop Michael Jackson, e kanë kaluar mbrëmjen përpara qendrës spitalore UCLA, afër shtëpisë së tij dhe afër shtëpisë së prindërve të këngëtarit në Kaliforni, ndërsa fansa të shumtë janë mbledhur edhe nëpër qytetet tjera të SHBA.

Fansat kanë bllokuar rrugët në Los Angeles dhe kanë lëshuar muzikën e Jackson për të nderuar vdekjen e legjendës së muzikës botërore.

Fansa të shumtë janë mbledhur edhe nëpër rrugët e qyteteve tjera të mëdha, siç janë New Yorku, Philadelphia, Washingtoni, Chicago dhe qytete tjera.

Depp ‘i mbyllur’ për shkak të fansave

Aktori Johnny Depp ka fajësuar fansat e zjarrtë të tij për faktin se qëndron i mbyllur në shtëpinë e vet.

Ylli i filmave “The Pirates of the Caribbean”, i cili së fundi është aktual me filmin e tij “Public Enemies”, thotë se më shumë preferon të qëndrojë në shtëpi në ‘një dhomë të errët’, pasi nuk mund t’i bëjë ballë vëmendjes së fansave.

“Kurrë nuk mësohesh me këto gjëra. Kjo është arsyeja se pse vështirë largohem nga shtëpia ime. Nuk shkoj askund. E kuptoj se pse kjo ndodh, por ka shumë gjëra me të cilat duhet të përballet njeriu. Nuk mund ta mendoj veten si të famshëm. Është e çuditshme. Më shumë do të preferoja të qëndroj në dhomën e errët”, ka thënë aktori.

DiCaprio mundohet të ‘kapë’ dy bukuroshe

Aktori Leonardo DiCaprio është parë duke flirtuar me dy vajza, shkruan ueb faqja, Perez Hilton, por duke kërkuar shumë ka mbetur pa asgjë.

Ylli i filmit “Revolutionary Road”, i cili së fundi u raportua se është ndarë nga e dashura e tij supermodelja Bar Rafaeli, kishte kaluar një natë argëtuese me miq në një klub nate në Hollywood, ku kishte rënë në kontakt me dy bukuroshe misterioze.

Aktori raportohet se kishte dashur shpejtojë procesin duke i marrë të dyja vajzat në shoqërim, por kishte prishur gjithçka.

“Ai kishte rojën e tij të sigurimit në krah dhe shoqëruesin, derisa zgjodhi vetë disa vajza me të cilat lejoi të kontaktojë. Ai dëshironte të përshpejtojë gjërat më tepër, donte t’i marrë të dyja së bashku, andaj e prishi të tërën”, ka thënë burimi.

Timberlake do të shpëtojë koncertet e Jackson ?

Vetëm disa orë pasi Michael Jackson ka ndërruar jetë, kanë filluar të qarkullojnë thashetheme rreth koncerteve londineze të planifikuara nga këngëtari i ndjerë.

Sipas mediave në internet, Justin Timberlake është një prej yjeve i cili mendon të nderojë Michaelin duke shpëtuar koncertet e tij tashmë të shitura.

Krijuesi i hitit “Cry Me a River” duket se po nxit organizimin e një shou memorial në O2 Arena të Londrës, për të mbajtur zi për vdekjen e Mbretit të Popit dhe t’i lejojë fansat të shfaqin respektin për këngëtarin e ndjerë.

“Michael ka qenë idhulli i Justin, si edhe i shumë artistëve të tjerë. Ai për momentin ende është i tronditur, por tashmë ka një ndjenjë se ai dhe ndoshta edhe disa yje të tjerë të industrisë argëtuese të bëjnë diçka për të treguar admirimin për Michael dhe muzikën e tij”, ka thënë burimi.

Bullock pëlqen trupin e saj

Aktorja Sandra Bullock është e kënaqur me trupin e saj, edhe me barkun e saj të varur.

44-vjeçarja, e cila është aktuale me filmin e fundit “The Proposal”, thotë se një bark lehtësisht i rritur është shumë seksi, dhe e përdor këtë si arsyetim për të mos shkuar në palestër.

“Mendoj, ‘O Zot, duhet të humb peshë, të mund ta vesh këtë’. Por po ashtu mendoj, ‘Nuk kam qenë në palestër tashmë një vit. A dua të shkoj? Jo’. Në një aspekt do të filloj të vrapoj sërish dhe do të arrij atje. Por, ka diçka seksi edhe në bark. Jo shumë i madh, por një plënc i vogël. Më pëlqen”, ka thënë aktorja.

Ne-Yo fans i Coldplay

Këngëtari Ne-Yo frymëzohet shumë nga rokerët britanikë të grupit "Coldplay" të cilët i konsideron si artistë të vërtetë.

Hitbërësi i këngës “Closer” është një fans i madh i “Coldplay” dhe thotë se muzika e rokerëve britanikë i përshtatet të gjitha tipave të njerëzve.

“Artistë të vërtetë në ditët e sotme ka pak, por më duhet të them se unë jam një fans i madh i ‘Coldplay’. Gjithçka që bëjnë ata është melodike dhe melodia flet me të gjithë”, ka thënë Ne-Yo për shtojcën e “Guardian”, “Film and Music”.

Miller pëlqen të jetë e keqe

Sienna Miller është e lumtur që luan në filmin "GI Joe: The Rise of the Cobra", pasi që aty tregon anën e saj negative.

Aktorja, e cila luan rolin e baroneshës në adaptimin filmik të librit komik, thotë se gjithçka me këtë film është e bukur, sidomos roli negativ i saj.

“Skenari ishte i shkëlqyeshëm, roli ishte i shkëlqyeshëm”, ka thënë Miller, e cila ka shpjeguar se regjisori Stephen Sommers, në fillim kishte menduar se aktorja ishte e shkurtë për ta luajtur këtë rol.

Obama ngushëllon familjen Jackson

Presidenti amerikan Barack Obama ka dërguar ngushëllimet e tij për familjen e Mbretit të muzikës pop, Michael Jackson, i cili vdiq papritmas të enjten.

Homazhe Jacksonit kanë bërë shumë miq, dashamirë, kolegë, fansa, dhe tani edhe Presidenti Obama ka dërguar mesazh ngushëllimi duke lëvduar ndikim e madh të këngëtarit në pop-kulturën.

Obama i ka dërguar ngushëllimet e tij duke thënë se e gjithë bota është në zi së bashku me familjen Jackson, për humbjen e këtij njeriu të madh të muzikës dhe artit.

Aniston ‘e matur’ në fillimin e romancës së re
Jennifer Aniston raportohet se ka vendosur t’i lëvizë gjëra me ngadalë, sa i takon romancës së saj të re me Bradley Cooper.

Ish-aktorja e serisë “Friends” është lidhur me Cooper që kur ata u supozua se kishin darkuar së bashku në New York, më herët gjatë kësaj jave.

“Ajo është duke e marrë me ngadalë gjithë këtë. Mes tyre ende nuk ka një romancë, por ata janë të interesuar në njëri-tjetrin... Ai është i duhur për të, sipas mendimit tim, dhe shpresoj raporti i tyre të shndërrohet në diçka më shumë. Ata sigurisht se kanë një joshje mes veti”, ka thënë burimi.

Aniston dhe Cooper aktruan së bashku në komedinë e re, “He's Just Not That Into You”.

Depp: Nuk më pëlqen ta shoh veten
Aktori Johnny Depp ka zbuluar në një intervistë për shoun e David Letterman se ai kurrë nuk i sheh filmat e tij.

Ylli i filmave “The Pirates of the Carribean”, aktualisht është duke promovuar filmin e tij të ri “Public Enemies”.

“Në një mënyrë, sapo kryej detyrën time në film, ajo më nuk është puna ime. Qëndroj sa më larg që mundem... Nuk më pëlqen t’i shoh”, ka thënë Depp.

Depp po ashtu ka thënë se fëmijët e tij, vajza dhjetëvjeçare Lily-Rose dhe djali shtatëvjeçar Jack, janë fansa më të mëdhenj të filmave të tij.

“Fëmijët e mi kanë parë më shumë filma të mi se unë”, ka komentuar më tej aktori. Filmi i ri i Depp do të fillojë të shfaqet në kinematë amerikane që nga 3 korriku.

Sandler ‘zhvesh’ stafin e filmit

Adam Sandler dëshiron që punëtorët në xhirimet e filmit të tij të ri, “Born to Be a Star”, të zhvishen të gjithë, për mos t’i lejuar aktorët që do të luajnë të nervozohen.

42-vjeçari është skenarist dhe producent i filmit, që flet për dy djem që zhvendosen në Hollywood për t’u bërë yje të pornografisë, dhe ka dalë me idenë për të mbrojtur aktorët nga nervozizmi gjatë xhirimeve.

“Ai iu tha aktorëve, ‘Aty ku duhet të zhvisheni ju, të gjithë në xhirime do të zhvishen’. Tash punëtorët e tretë janë të gjithë të nervozuar”, ka thënë burimi.

Adam po ashtu ka ndihmuar stafin ta ketë më lehtë xhirimin, duke veshur brekë të bardha të ngushta, për të treguar se askush nuk duhet të frikësohet.

Christina Ricci dhe Stephen Dorff janë dy nga yjet që do të luajnë në filmin “Born to Be a Star”, edhe pse detaje të tjera ende nuk janë zbuluar.

Stefani mohon plasaritjet në No Doubt

Liderja e grupit No Doubt, Gwen Stefani, ka hedhur poshtë thashethemet se ribashkimi i grupit është shoqëruar me tensione në mes të anëtarëve të bendit.

Bendi së fundi filloi turneun e ri, duke i dhënë fund zbrazëtirës pesëvjeçare, gjatë të cilës Stefani editoi dy solo albume, punoi në linjën e saj të modës L.A.M.B. dhe mirëpriti dy fëmijët Kingston, trevjeçar, dhe Zuma, 10-muajsh, me burrin Gavin Rossdale.

“Çdokush mendon se këtu ka tension, pasi unë u ndava nga bendi dhe tash të gjithë janë xheloz në mua. Mund të ketë mosmarrëveshje të vogla, por ato janë sa i takon këngës dhe shumë pak për ribashkimin”, ka thënë Stefani.

Katy Perry ‘ëndërron’ burrin e Scarlet Johansson

Krijuesja e hitit “I Kissed e Girl”, Katy Perry, thotë se ëndërr e saj është burri i Scarlett Johansson, Ryan Reynolds.

Këngëtarja ishte e tronditur që do të mund të takojë yllin e filmit “The Proposal”, i cili është i martuar me bukuroshen e Hollywoodit, Scarlett Johansson, pasi aktori kishte ndjekur koncertin e saj në Madrid gjatë të premtes mbrëma.

“Në Madrid është shumë bukur. Djem, djem, djem! Madje edhe Ryan Renolds do të vijë në koncert sonte! Ëndrra ime”, ka shkruar këngëtarja në faqen e saj në Twitter.

Merret në pyetje mjeku i Jackson

Mjeku i cili ishte me Michael Jacksonin në momentin e vdekjes së tij (për të cilin u tha se është zhdukur), është duke biseduar me policinë në lidhje me tragjedinë që ndodhi të enjten mbrëma.

“Sky News” shkruan se policët dëshirojnë të informohen nga kardiologu Dr. Conrad Murray, i cili kishte dhënë gjithçka për ta kthyer në jetë Mbretin e muzikës pop, nga momenti që atë e kishin dërguar në emergjencë.

“LAPD ka bërë një bisedë të shkurtë me mjekun më herët, mirëpo tani kemi nevojë për një intervistë më të gjatë, të cilën do ta bëjmë tani”, ka thënë ndihmësshefi i Departamentit të Policisë së Los Angelesit.

Michael Jackson vdiq të enjten (25 qershor) në moshë 50 vjeçare pas një arresti kardiak.

Coolio do të shkojë në rehabilitim

Reperi i shndërruar në personalitet televiziv, Coolio, ka shpëtuar nga burgu pasi është shpallur fajtor për posedim droge.

Hitbërësi i këngës “Gangsta's Paradise” do t’i nënshtrohet rehabilitimit 18- mujorë për shmangien e vartësisë nga droga, kështu që do të mbetet i lirë dhe nuk do të shkojë në burg.

Coolio ishte kapur në Aeroportin LAX duke qenë i ndikuar nga droga, ndërsa me vete kishte kokainë.

Cheryl do ta largojë një tatuazh

Cheryl Cole dëshiron ta largojë një tatuazh të saj pasi që nuk përshtatet në imazhin e këngëtares.

Vokalistja e grupit “Girls Aloud” planifikon t’i nënshtrohet ndërhyrjes së dhimbshme laserike për të larguar njërin nga pesë tatuazhet e saj.

Këngëtarja planifikon t’i mbajë katër tatuazhet tjera të cilat i pëlqejnë, ndërsa nuk ndihet mirë vetëm për njërin prej tyre të cilin do ta largojë, njofton një burim i aftër me të.

Kërkohet përsëritja e obduksionit të Jackson

Familjarët e ikonës së muzikës pop Michael Jackson kërkojnë që t’i bëhet një obduksion tjetër yllit të muzikës, i cili ndërroi jetë të enjten në moshë 50-vjeçare.

Kërkesa për përsëritjen e obduksionit është bërë për të kuptuar rolin e kardiologut Dr. Conrad Murray, para vdekjes së Jackson.

Mbreti i muzikës pop për një periudhë të gjatë kohore ka përdorur barna për qetësim dhe barna kundër dhimbjes, prandaj dyshohet se pikërisht terapia e tij ishte shkaku i vdekjes së këngëtarit.

Gripi i derrave në Glastonbury?

Festivali britanik i rokut, “Glastonbury”, është në qendër të një tronditje për prekje nga gripi i derrave, pasi tre persona janë dërguar në spital me simptoma të kësaj sëmundje.

Një student nga Edinburgh, Skoci, një burri tjetër nga Exeter, Angli jugore, dhe një fëmijë dhjetëvjeçar janë të izoluar dhe janë larguar nga vendngjarja.

Që të tre janë kontrolluar nga mjekët në ngjarje dhe janë transferuar në spitalin në afërsi, por zyrtarët e kanë mohuar për të mos bërë panik në mesin e ndjekësve të festivalit.

“Tre njerëz janë dërguar jashtë vendngjarjes, drejt njësisë së izolimit me këshillë të mjekut, dhe tash janë në shtëpitë e tyre”, ka thënë edhe zëdhënësi i Glastonbury, duke mos thënë se ata janë të prekur nga virusi i gripit të derrave.

Babai i Rihanna: Brown duhet të jetë në burg

Babai i Rihannas ka kritikuar drejtësinë amerikane, pasi ish-i dashuri i vajzës së tij, Chris Brown, ishte përballur me një seancë të ‘lehtë’ për sulmin ndaj këngëtares.

Më herët gjatë këtij muaji, ylli i r’n’b u ‘ndëshkua’ me shërbim të komunitetit për gjashtë muaj dhe lirim me kusht për akuzat për sulm dhe kërcënim kriminal ndaj Rihanna, pasi u deklarua i fajshëm.

“Ai duhet të jetë në burg. Chris duhet të dërgohej në burg për atë që i ka bërë vajzës time. Ai doli nga kjo situatë shumë lehtë. Chris bëri që ajo të kalojë nëpër ferr”, ka thënë babai i këngëtares.

Për ty dridhem" klipi i ri i Afërditës

Pas lansimit të klipit të saj të parë “Nëse je burrë”, për një periudhë shumë të shkurtër kohore, Afërdita Dreshaj, ka lansuar edhe videoklipin e dytë duke lënë përshtypjen se e ka marrë me seriozitet këngën.

Kënga e radhës mban titullin “Për ty dridhem”, ndërsa stili i muzikës dhe videoklipi janë vazhdimësi e këngës së parë.

Arbora më e votuara në internet

17 vjeçarja nga Mitrovica, Arbora Rrecaj, është vajza më e votuar ‘online’ për të fituar çmimin Miss Shqipëria 2009, shkruan revista "Albaniac".

Sipas anketës që gjendet në faqen MissShqiperia.com, Arbora ka rrëmbyer 1322 vota, ndërsa pas saj renditen Ertemiona Mejdani (1016), Sandra Dervishi (873), Lolita Ndoci (757 ) dhe Violeta Lolgjuraj (732), të cilat e mbyllin top-pesëshin.

Aktori nga Tetova, Blerim Destani, i cili pati një sukses të madh me filmin "Koha e kometës", është angazhuar në dy projekte filmike joshqiptare.

Destani aktualisht është i angazhuar në realizimin e filmit "Seperation City", xhirimet e të cilit zhvillohen në Zelandën e Re dhe në Gjermani, ndërsa do të dalë nëpër kinema në fund të vitit të ardhshëm.

Ndërkohë, kur të përfundojnë xhirimet e "Seperation City", Destani do të shfaqet në filmin me produksion gjerman, danez dhe australian, "At World’s End".

Në këto dy filma, Blerim Destani luan krahas aktorëve të njëhur të cilët kanë luajtur nëpër filmat hollivudianë, siç është Rhona Mitra (e cila ka luajtur në filmat “Lara Croft”, “Shooter”, “Nummer 23” etj.), Thomas Kretschmann (“King Kong”, “Wanted” etj.), Joel Edgerton (“Star Wars 2”, “Star Wars 3” etj.), Stephen Berkoff, ("Beverly Hills Cop", "James Bond Octopussy" etj).

Këngëtarja dhe aktorja Jessica Simpson ka thënë se ajo dëshiron të rikthehet në kolegj dhe të studiojë teologjikë.

Bukuroshja, e cila së fundi ka lëshuar në treg albumin e saj të ri, debutues zhanrit muzikor country, dëshiron t’i kthehet shkollës, pasi është inspiruar nga televizori.

“Kam menduar të marr një kurs kolegji në religjion. Më pëlqen religjioni. Mban mend kur doli libri ‘The Da Vinci Code’, Discovery Channel bëri një emision trepjesësh mbi të, të cilën e ruajta dhe e kam parë tetë herë”, ka thënë Simpson.

Dido merr kreun e top listës së albumeve

Këngëtarja Dido ka dominuar në top listën evropiane të albumeve, pasi albumi i ri i saj “Safe Trip Home”, ka shënuar numrin një që në javën e parë të lëshimit.

Albumi i tretë i këngëtares britanike i ka thënë fund qëndrimit të AC/DC në vendin e parë, dhe albumi i tyre “Black Ice” tash renditet numër dy, pas katër javësh qëndrimi në krye.

Nickelback ka mbyllur top pesëshin e albumeve më të shitura në Evropë, me albumin e ri “Dark Horse”, duke qëndruar prapa Enya dhe albumit “And Winter Came” që ndodhet në pozitën e tretë dhe Il Divo që mban vendin e katërt me albumin “The Promise”.

Ndërkohë, në listën evropiane të singleve, hiti i ri i Beyonce Knowles, “If I Were A Boy”, mban kreun, duke zbritur Guru Josh Project dhe hitin “Infinity 2008” në vendin e dytë. Katy Perry dhe kënga “Hot N Cold” mban vendin e tretë, derisa Britney Spears me “Womanizer” dhe Pink me “So What” mbyllin pesëshen.

Depp dhe Burton tjetër projekt të përbashkët

Johnny Depp dhe Tim Burton do të bashkohen sërish për adaptimin filmik të operës së famshme gotike "Dark Shadows", ka njoftuar producenti hollivudian Richard D. Zanuck.

Gjatë një interviste, producenti Zanuck ka konfirmuar spekulimet se dy bashkëpunëtorët, Depp dhe Burton, të cilët projektin e tyre më të ri “Alice in Wonderland” do ta nxjerrin në kinema vitin e ardhshëm, pritet që verën që vjen të fillojnë edhe projektin e tetë të përbashkët.

“Verën e ardhshme do të punoj me Tim Burton dhe Johnny Depp në realizimin e ‘Dark Shadoqws’ që është një operë e famshme e viteve të shtatëdhjeta në SHBA”, ka njoftuar Zanuck.

Judas Priest dëshirojnë një Grammy

Veteranët britanikë të muzikës metal, "Judas Priest", luten që ta fitojnë çmimin e parë Grammy në shkurt të vitit të ardhshëm që do të shënonte edhe 35 vjetorin e grupit.

Hitbërësit e këngës “Breaking the Law” janë nominuar për dy çmime Grammy: për performancën më të mirë Rok për këngën “Vision” dhe performancën më të mirë Metal për këngën “Nostradamus”. Ndërsa tash, më shumë se kurrë, ata po shpresojnë për një sukses, pas disa vitesh zhgënjim.

“Ndjehemi shumë mirë që jemi të nominuar dhe ndoshta këtë herë, pas 35 vitesh valimi të flamurit të metalit, ndoshta, po them ndoshta do ta fitojmë një çmim”, ka thënë kitaristi i grupit, Glen Tipton.

Paltrow: Nuk jam më yll filmi

Gwyneth Paltrow edhe zyrtarisht ia ka hequr vetes epitetin e “yllit filmik”, pasi që dëshiron që pjesën më të madhe të kohës t’ua përkushtojë fëmijëve të saj.

Aktorja e filmit “Shakespeare in Love” thotë se ka filluar të pushojë nga të qenit “yll filmi” që në vitin 2004 kur kishte lindur fëmijën e saj të parë, Apple, pasi që prioritetet në jetën e saj kishin ndryshuar.

Ndërsa tani është e kënaqur me realizimin e vetëm një filmi në vit dhe po mundohet të kalojë sa më shumë kohë me burrin, Chris Martin, me Apple dhe me djalin dyvjeçar, Moses. Duke bërë që puna të jetë dytësore për të.

Këngëtarja e muzikës R&B, Beyonce Knowles, është më e pasura nga yjet nën moshën 30-vjeçare me një xhirollogari bankare që ka vlerën prej 80 milionë dollarëve.

27-vjeçarja ka kryesuar listën e të famshmëve të rinj dhe të pasur, e përpiluar nga revista “Forbes”, vetëm disa javë pasi Beyonce dhe burri i saj Jay-Z janë zgjedhur si çifti më i pasur i Hollywoodit.

Superylli i muzikës pop Justin Timberlake, 27-vjeçar, zuri vendin e dytë (43 milionë dollarë), i ndjekur nga basketbollisti amerikan Kobe Bryant (39 milionë dollarë).

Top-dhjetë të famshmit e pasur nën moshën 30-vjeçare:

1. Beyonce Knowles – (80 milionë dollarë)
2. Justin Timberlake – (43 milionë dollarë)
3. Kobe Bryant – (39 milionë dollarë)
4. LeBron James – (38 milionë dollarë)
5. Roger Federer – (35.2 milionë dollarë)
6. Keira Knightley – (32.2 milionë dollarë)
7. Maria Sharapova – (26.1 milionë dollarë)
8. Daniel Radcliffe – (25.1 milionë dollarë)
9. Miley Cyrus – (25.1 milionë dollarë)
10. Mary-Kate dhe Ashley Olsen – (15 milionë dollarë)

Pamela dhe Tommy bashkë në natën e Vitit të Ri

Pamela Anderson planifikon të kalojë natën e Vitit të Ri së bashku me ish-burrin e saj Tommy Lee.

Ish-bukuroshja e serialit “Baywatch”, e cila ka dy djem me rokerin e grupin “Motley Crue”, planifikon të kalojë një natë romantike për festën e Vitit të Ri së bashku me Lee.

“Do ta kalojmë natën e Vitit të Ri së bashku në Montreal. Sa romantike...”, ka shkruar Pammy në faqen e saj zyrtare.

Realizohet film për Bon Scott

Jeta e frontmenit tragjik të grupit "AC/DC", Bon Scott, i cili vdiq në vitin 1980, do të realizohet në film.

Filmbërësi Eddie Martin është duke i mbledhur momentet magjike të jetës së ikonës së muzikës rok me ndihmën e familjes dhe miqve të tij.

Ndërkohë që vazhdon të kërkojë njerëz të cilët e kanë njohur Scottin. Aktualisht regjisori është duke e kërkuar një ish-të dashur të quajtur Silver.

“Ajo është personi të cilin duhet ta gjejmë. Ajo ka jetuar me të në Londër pasi Scott është ndarë me Irene (gruan e tij)”, ka thënë Martin

Bundchen martohet?

Supermodelja Gisele Bundchen planifikon të martohet fshehurazi me të dashurin e saj, sportistin Tom Brady, në mars të vitit të ardhshëm.

Çifti është në lidhje që nga viti 2006, kur Brady ishte ndarë nga aktorja Bridget Moynihan, ndërsa tani revista “In Touch” njofton se ata dëshirojnë që lidhjen tyre ta çojnë në një nivel më të lartë.

“Nuk do të ketë fejesë, vetëm një martesë të vogël kah mesi i marsit”, ka thënë një burimi i afërt me modelen, i cili ka shtuar se ceremonia e martesës do të zhvillohet në Costa Rica.