Albumi i ri i Tingulli i 3nt në fund të muajit

Grupi i njohur kosovar Tingulli i 3nt në fund të muajit do të nxjerrë në treg albumin e parë pas tre vitesh.

“Ka një kohë të gjatë, afër 3 vite, që nuk kemi bërë album të ri. E gjithë kjo si pasojë e angazhimeve të shumta në koncerte, më shumë jashtë vendit, dhe vetëm tani vonë kemi filluar punën në të. Por besoj që në fund të këtij muaji ai do të jetë në duart e njerëzve që një kohë të gjatë e kanë pritur albumin tonë të ri dhe shpresojmë të ju pëlqej si gjithmonë”, ka pohuar Getoari.

Edhe pse pa dijeninë e tyre në YouTube së fundi është shfaqur kënga e Tingulli i 3nt në bashkëpunim me këngëtarin nga Shqipëria, Flori, “Syt e mi”. Getoari është shprehur se së shpejti do ta realizojnë me videoklip.

“Kënga ka qenë pjesë albumit tonë të ri, është planifikuar të del me videoklip bashkë me albumin, dhe ashtu edhe do te del, edhe pse ka dalë si demo version në YouTube dhe është shfaqur në mënyrë shumë të keqe por jo me qëllim, siç e kemi kuptuar. Por tash kjo punë veç ka marr fund dhe së shpejti pritet ta shohin njerëzit me videoklip”, ka shtuar Getoari