Ekonomi Biznes

30 miliardë dollarë shtesë për sanimin e AIG-së

Qeveria amerikane vendosi t`i ndajë edhe 30 miliardë dollarë gjigantit të sigurimeve Americans International group - AIG, pasi që publikoi humbje rekorde kuartale.

AIG, siç transmetoi Zëri i Amerikës, publikoi se në kuartalin e katërt të vitit të kaluar ka realizuar humbje prej 60 miliardë dollarëve.

Kjo është humbja më e madhe deri tani në historinë e korporatave edhe përkundër ndihmës paraprake qeveritare prej 150 miliardë dollarëve.

Kompania hasi në probleme vitin e kaluar për shkak të humbjeve në investimet të lidhura me tregun e banimit.

Maqedonët preferojnë prodhimet e huaja

e Konsumatorëve të Maqedonisë (OKM) në një hulumtim të realizuar ka bërë të ditur se shumica e qytetarëve në vend preferojnë prodhime të huaja, duke hequr dorë nga prodhimet vendore

Sipas hulumtimit të OKM-së, mbi 50 për qind të konsumatorëve preferojnë ushqime dhe prodhime të huaja, kryesisht nga vendet evropiane. Kështu që me këto shifra, nënvleftësohen prodhimet vendore dhe cilësia e tyre. Prodhimet e huaja dhe kërkesat për blerjen e tyre nga konsumatorët kanë goditur edhe prodhuesit vendor.

Kërkesat për prodhimet e huaja vijnë edhe për shkak të çmimeve të ulëta të tyre, për shkak se sipas Ministrisë së Bujqësisë, të gjitha kompanitë e huaja kanë subvencione për eksport, duke u nisur nga qumështi, çmimi i të cilit është më i lirë për dallim nga çmimi i qumështit vendor.

Ekspertët bëjnë të ditur se problem i madh për çmimet e larta është se mungon zinxhiri i ashtuquajtur i prodhimeve, që arrihet me anë të bashkëpunimit me bujqit, kapacitetet e prodhimit dhe marketet për ushqime. Lidhja e Odave Ekonomike ka bërë të ditur se problem i madh për këtë paraqitet prodhimi i paorganizuar dhe i pa planifikuar.

BERZH dhe Holanda në mbështetje të biznesit

Kompanitë që kanë nga 10 deri 500 punëtorë dhe të hyra vjetore më shumë se 250 mijë euro, mund të përfitojnë mbështetje teknike dhe financiare në lartësi deri 10 mijë për angazhimin e shërbimeve këshilluese.

Fushat në të cilën është i destinuar ky program ka të bëjë me ristrukturimin, riorganizimin, përgatitjen e studimeve të fizibilitetit, planeve të biznesit, hulumtimin dhe gjetjen e partnerëve të biznesit dhe investitorëve, studimit të marketingut apo zbatimin e sistemeve të menaxhimit të cilësisë.

“BAS Kosova ofron financim fleksibil, mesatarisht deri 50%, por jo më shumë se 10 mijë euro për projekte individuale. Buxheti total i programit është i mjaftueshëm për të përkrahur edhe 150 deri 200 ndërmarrje kosovare me projekte individuale. Deri më tani, nga marsi 2005, Programi ka mbështetur 160 projekte me 155 kompani kosovare, të cilat kanë pranuar financim total nga një shumë prej më tepër se 630 mijë euro”, tha Ekrem Hoxha, drejtor nacional i BAS Programit për Kosovë.

Në komunikatë njoftohet se përderisa kompanitë përmbushin kriteret dhe dëshmojnë qëndrueshmërinë e projektit, BAS procedon me aprovimin e projektit pasi që Qeveria e Holandës ka vendosur në dispozicion fonde të mjaftueshme për mbështetje edhe për më shumë se 150 projekte tjera.

Për t’u kualifikuar për projekt, thuhet se kompania duhet të jetë private dhe me pronësi të qytetarëve kosovarë, duhet të këtë të paktën dy vjet që nga koha e themelimit, të këtë pak ose aspak eksperience të mëparshme në angazhimin e ekspertëve të jashtëm, etj.

Gjithashtu ndërmarrja duhet të demonstrojnë potencial rritjeje,Duhet të jetë e hapur për të bashkëpunuar me konsulentin, të jetë e gatshme për të paguar të paktën 50% të kostove totale të projektit, duhet të operojnë në çfarëdo sektori, përveç se në shërbimet bankare dhe financiare, prodhimit ose të shërbimit në sektorin ushtarak, të lojërave të fatit, prodhimit të duhanit

Reagon JTI, Winston-i importohet në Kosovë drejtpërdrejt nga Gjermania
Japan Tobacco International (JTI) ka hedhur poshtë të gjitha akuzat e paraqitura kohëve të fundit lidhur me vendin e prodhimit dhe distribuimit të prodhimeve të saj, kinse ato vijnë nga Serbia.

Kent Brown, Zëvendës Presidentit për Çështjet e Korporatës për JTI me qendër në Gjenevë, Zvicër, ka deklaruar se në ditët e fundit në Kosovë ka pasur një fushatë që synonte të përfitonte nga sulmet dhe duke thëne dhe gënjeshtra rreth Winston, markës së cigareve me rritjen më të shpejtë në Kosovë dhe në botë.

“JTI dënon rreptësishtë përpjekjet për goditjen e Winston dhe ju bën thirrje zyrtarëve të Kosovës të ndalojnë dhe shmangin veprime të tilla, duke bërë më të mirën e mundshme për të ruajtur një mjedis të ndershëm dhe konkurrues tregu për të gjithë lojtarët vendas dhe të huaj”.

Sipas tij, JTI po përmbush të gjitha hapat ligjor për t’i dhënë fund fushatës së padrejtë kundër markës më mirë të cigareve në Kosovë.

“Ne kemi besim se autoritetet e Kosovës do t’i japin fund kësaj fushate dhe do ta gjejnë kush qëndron pas saj”.

Ai po ashtu ka deklaruar se qendra e JTI-së është në Gjenevë të Zvicrës, ndërsa kompania operon në 120 vende dhe ka zyrat e saj në 40 qendra të ndryshme.

“Zyra jonë në Tiranë, e mbështetur nga distributori lokal, drejton biznesin tonë në Kosovë. Ne sjellim produktet tona në Kosovë kryesisht nga Gjermania dhe Austria. Prandaj ne jemi një urë që ndërlidhim këtë treg me atë të Bashkimit Evropian”, tha ai duke shtuar se, Winston-i importohet në Kosovë drejtpërdrejt nga fabrika në Trier, në Gjermani dhe kjo është e deklaruar qartë në paketimin e produktit, në pjesën e sipërme djathtas.

“Ndryshe nga disa konkurrentë, JTI nuk ka fabrikë në Maqedoni dhe asnjë nga produktet tona nuk prodhohet atje”.

Brown, një ish-ambasador i SHBA për mbi 29 vite, vuri në pah se autoritetet doganore dhe fiskale kanë të gjitha dëshmitë për origjinën Evropiane të cigareve të JTI, përfshi Winston.

Ai potencon se JTI ka nënshkruar një kontratë 15 vjeçare me Komisionin Evropian duke përkufizuar bashkëpunimin për të luftuar tregtinë e paligjshme të cigareve në territorin evropian.

ZRRE, fton publikun ti komentojë tarifat e reja energjetike
Zyra e Rregullatorit të Energjisë (ZRRE), ka njoftuar se ka publikuar Raportin Konsultativ për tarifat e rregulluara të energjisë elektrike dhe për tarifat e transmisionit që pritet të hyjnë në fuqi nga data 1 prill 2009, ndaj ka ftuar të gjithë publikun që komentet për këtë propozim t’i dërgojnë në këtë institucion deri më 13 mars.

Sipas ZRRE-së, Korporata Energjetike e Kosovës ka propozuar që tarifat për grupet e konsumatorëve joshtëpiak duhet të rriten me të njëjtën përqindje, por që tarifat për konsumatorët shtëpiak duhen rritur me një përqindje më të madhe
ngase KEK supozon se këto tarifa janë më larg tarifave që reflektojnë kostot.

Ndërkohë sipas njoftimit të ZRRE-së, ky institucion ka propozuar që të gjitha tarifat të ngritën me të njëjtën përqindje derisa të studiohet metodologjia për vlerësimin e tarifave që reflektojnë kostot e propozuar nga KEK.

“ZRRE propozon që rritja e tarifave të jetë e njëjtë me rritjen e të ardhurave të lejuara, që në mesatare do të jetë 2.5% për të gjitha tarifat"

Më në fund pajtohen të gjithë për ndërprerjen e grevës së mantelbardhëve
Më në fund pajtohen të gjitha palët që të ndërpritet greva e punëtorëve të shëndetësisë. Kjo është bërë e mundur pasi një takimi që ka pasur kryeministri Hashim Thaçi me Asociacionin e Kryetarëve të Komunave të Kosovës.

Sipas kësaj marrëveshjeje të arritur shumën prej 44 eurosh punëtorëve të shëndetësisë do t’ua paguajnë kuvendet komunale.

Asllan Bajrami kryetar i sindikatës ka thënë se greva e punëtorëve të shëndetësisë mund të quhet e suksesshme.

Gjatë ditës shumë punëtorë shëndetësie, kanë protestuar në QKUK dhe në qendra të tjera të mjekësisë familjare, duke shprehur pakënaqësitë ndaj vendimit të mbrëmshëm të Qeverisë së Kosovës dhe të Këshillit Kombëtar të Federatës Sindikale të Shëndetësisë për ndërprerjen e grevës. /ktv/

Braun: Marrëveshje e mundshme e re për sektorin bankar
Marrëveshje e re globale për rregullimin e sektorit të shkapërderdhur bankar është e mundur për disa muaj. Këtë mbrëmë, pas takimit me kryetarin amerikan Barak Obama, e deklaroi kryeministri britanik Gordon Braun.

“Ka mundësi që gjatë disa muajve të ardhshme të arrihet marrëveshje e re globale, që do t’i përfshijë të gjitha shtetet në botë gjatë ristruktuimit dhe pastrimit të sistemit bankar”, deklaroi Braun.

Sipas tij më shumë shtete në botë mund të arrijnë marrëveshje të përbashkët, që do të shprehet mbi ekonominë dhe që do të jetë e domosdoshme për kthimin e besimit, si dhe për sigurimin e vendeve të reja të punës dhe prosperimin në të ardhmen.

FMN: Kriza tash do godasë vendet e varfëra
Fondi Ndërkombëtar Monetar tha se kriza ekonomike globale tash është zhvendosur tek vendet më të varfëra, ndërsa 22 shtete mund të kenë nevojë për 25 miliarda dollarë ndihma emergjente për të përballuar rënien ekonomike.

Drejtori i FMN, Dominique Strauss-Kahn, ka thënë se pas goditjes që pësuan ekonomitë e zhvilluara dhe ekonomitë në zhvillim, "vala e tretë" e krizës globale finansiare tash po i godet vendet më të varfëra dhe më të ndjeshme të botës.

Strauss-Kahn tha se është i shqetësuar nga mundësia e një krize humanitare që mund t'i godasë fëmijët e varfër, nëqoftëse programet e mirëqenies sociale ndërpriten për shkak të krizës ekonomike.

SHBA: Shitja e automjeteve bie për 41%

Shitja e automjeteve në SHBA ka rënë më shumë se 41% në shkurt, që është niveli më i ulët në tri dekadat e fundit.

Shkurti është muaji i pesëmbëdhjetë me radhë që shënon rënien e shitjes së automjeteve në SHBA për shkak të recesionit.

b]Normalizohet gjendja në institucionet shëndetësore[/b]
Pas tetë ditë greve në Shëndetësi nga raportet e Institucioneve publike shëndetësore të vendit raportohet se gjendja në të gjitha institucionet publike është normalizuar dhe përkujdesja shëndetësore ofrohet sipas rregullave.

Vendimi i Këshillit Kombëtar të Federatës Sindikale për ndërprerjen e grevës dhe normalizimin e punës sipas të dhënave të Ministrisë së Shëndetësisë po respektohet me përpikëri.

Ministria e Shëndetësisë me anë të një njoftimi zyrtar ka konsideruar se Federata Sindikale e Shëndetësisë së Kosovës është partner i rëndësishëm dhe me përkushtim të plotë mbështet vazhdimin e dialogut dhe bashkëpunimin në të mirë të përkujdesjes shëndetësore, pacientëve dhe gjithë qytetarëve të vendit.

“Ministria e Shëndetësisë po ashtu falënderon të gjithë punëtorët shëndetësorë për përkushtimin e tyre, të cilët me vetëmohim përmbushin obligimet e veta profesionale, ligjore dhe etike”.

Normalizohet gjendja në institucionet shëndetësore
Pas tetë ditë greve në Shëndetësi nga raportet e Institucioneve publike shëndetësore të vendit raportohet se gjendja në të gjitha institucionet publike është normalizuar dhe përkujdesja shëndetësore ofrohet sipas rregullave.

Vendimi i Këshillit Kombëtar të Federatës Sindikale për ndërprerjen e grevës dhe normalizimin e punës sipas të dhënave të Ministrisë së Shëndetësisë po respektohet me përpikëri.

Ministria e Shëndetësisë me anë të një njoftimi zyrtar ka konsideruar se Federata Sindikale e Shëndetësisë së Kosovës është partner i rëndësishëm dhe me përkushtim të plotë mbështet vazhdimin e dialogut dhe bashkëpunimin në të mirë të përkujdesjes shëndetësore, pacientëve dhe gjithë qytetarëve të vendit.

“Ministria e Shëndetësisë po ashtu falënderon të gjithë punëtorët shëndetësorë për përkushtimin e tyre, të cilët me vetëmohim përmbushin obligimet e veta profesionale, ligjore dhe etike”.

Shqipëri: Bien ndjeshëm shkëmbimet tregtare
Në Shqipëri treguesit e shkëmbimve tregtare për muajin janar të këtij viti ishin ndër më negativët e regjistruar prej shumë kohësh. Importet shënuan një tkurrje drastike prej më shumë se 35 përqind krahasuar me muajin dhjetor të vitit të kaluar.

Po ashtu në rënie por më të lehtë, ishin edhe eksportet të cilat vitin e kaluar deri në fund të nëntëmujorit të parë kishin patur rritje.

Ekspertë të ndryshëm e shikojnë këtë fakt si efekt i drejtpërdrejtë i krizës ekonomike globale e cila po jep tani ndikime të forta në ekonominë shqiptare.

Shqipëri: Bien ndjeshëm shkëmbimet tregtare
Në Shqipëri treguesit e shkëmbimve tregtare për muajin janar të këtij viti ishin ndër më negativët e regjistruar prej shumë kohësh. Importet shënuan një tkurrje drastike prej më shumë se 35 përqind krahasuar me muajin dhjetor të vitit të kaluar.

Po ashtu në rënie por më të lehtë, ishin edhe eksportet të cilat vitin e kaluar deri në fund të nëntëmujorit të parë kishin patur rritje.

Ekspertë të ndryshëm e shikojnë këtë fakt si efekt i drejtpërdrejtë i krizës ekonomike globale e cila po jep tani ndikime të forta në ekonominë shqiptare.

Dështon tenderi për operatorin e katërt celular në Shqipëri
Ka dështuar tenderi për licencën e telefonisë mobile në Shqipëri ku konkurrent ishte edhe Post Telekomi I Kosovës në konsorcium me 5 kompani dhe me një biznismeni shqiptar e cila edhe ofroi ofertën më të mirë gjë që u vlerësua si e vetmja ofertë e përgjegjshme në këtë garë.

Autoriteti i Komunikimeve Elektronike dhe Postare në Shqipëri ka njoftuar se Komisioni i Vlerësimit të Ofertave ka s’kualifikuar njërën nga kompanitë. Në garë kanë qenë dy shoqëri përkatësisht kompania nga Shqipëria “Univers PG” dhe ajo kosovare “PTK”.

Autoriteti i Komunikimeve Elektronike dhe Postare nuk ka bërë publike emrin e kompanisë së s’kualifikuar, por vetëm ka njoftuar se ajo nuk ka plotësuar kërkesat për kualifikim, të përcaktuara në dokumentin e tenderit. Mësohet se kompania e diskualifikuar është ajo nga Shqipëria "Univers PG", ndërkohë e kompani e vetme në garë ka mbet PTK-ja. Në kushtet e mungesës së konkurrencës, Komisioni i Vlerësimit të Ofertave ka ndërprerë procedurën e tenderit.

Ky institucion gjithashtu ka deklaruar, se hapat e mëtejshëm do të ndërmerren pas përfundimit të afatit të ankimit nga kompanitë në fjalë.

Ndryshe në garë për operatorin e katërt mobil në Shqipëri ishin “Univers PG”, kompani shqiptare me partnere kompaninë afrikane “Telmar”, e cila ofroi 5 milionë euro, kompania e dytë ishte PTK me partnere “ACI” që ofroi 7.2 milionë euro dhe kompania e tretë ishte suedezja “Tele 2” e cila nuk bëri ofertë por thjesht paraqiti planin e biznesit të saj.

Futja në treg e kompanisë së katërt të telefonisë mobile në Shqipëri pritet të rrisë më tej konkurrencën. Aktualisht në këtë treg ofrojnë shërbimet e tyre kompanitë “AMC”, “Vodafon” dhe “Eagle mobile”. Sipas të dhënave zyrtare, tregu i telefonisë celulare në vendin tonë numëron rreth 2.5 milionë abonentë

Kriza, Kina në vitin më të vështirë te saj
Kryeministri kinez, Uen Xhiabao, ka thënë se viti i ardhshëm do të jetë më i vështiri për Kinën në kohët moderne, për shkak të krizës ekonomike globale.

Duke folur përpara parlamentit kinez në hapjen e sesionit vjetor, ai tha se programi i investimeve do të jetë rreth 600 miliardë dollarë për të stimuluar ekonominë.

Z.Uen tha se do të ketë fonde për programet sociale dhe shkurtime taksash me qëllim krijimin e nëntë milionë vëndeve të reja të punës.

Duke folur përpara parlamentit kinez në hapjen e sesionit vjetor, ai tha se programi i investimeve do të jetë rreth 600 miliardë dollarë për të stimuluar ekonominë.

Z.Uen tha se do të ketë fonde për programet sociale dhe shkurtime taksash me qëllim krijimin e nëntë milionë vëndeve të reja të punës.

Duke folur në Parlament kryeministri kinez, theksoi se : " Për këtë vit objektivat tona kryesore ekonomike dhe zhvillimin social pritet të jenë si më poshtë: GDP do të ketë një rritje prej 8 përqindësh, struktura ekonomike do të përmirësohet më tej.

Do të krijohen vënde të reja pune për më shumë se 9 milionë vetë nëpër qytete dhe do të mbajmë shkallën e papunësisë poshtë 4.6 përqindëshit"

Braun: SHBA-të ta nxjerrin botën nga recesioni
Kryeministri britanik, Gordon Braun, u ka bërë thirrje SHBA-ve që ta shfrytëzojnë momentin për ta nxjerrë botën nga recesioni, duke vënë në pah se edhe vendet tjera duhet të kontribuojnë në këtë drejtim.

"Duhet ta shfrytëzojmë rastin, sepse asnjëherë më parë nuk e kam parë botën të jetë kaq e interesuar për bashkim, dhe kjo më herët nuk ka qenë e domosodoshme, ka thënë Braun, duke folur para anëtarëve të të dyja dhomave të Kongresit amerikan.

Braun është lideri i parë evropian, i cili viziton SHBA-të pas ardhjes së Barak Obamës në Shtëpinë e Bardhë.

Braun: SHBA-të ta nxjerrin botën nga recesioni
Kryeministri britanik, Gordon Braun, u ka bërë thirrje SHBA-ve që ta shfrytëzojnë momentin për ta nxjerrë botën nga recesioni, duke vënë në pah se edhe vendet tjera duhet të kontribuojnë në këtë drejtim.

"Duhet ta shfrytëzojmë rastin, sepse asnjëherë më parë nuk e kam parë botën të jetë kaq e interesuar për bashkim, dhe kjo më herët nuk ka qenë e domosodoshme, ka thënë Braun, duke folur para anëtarëve të të dyja dhomave të Kongresit amerikan.

Braun është lideri i parë evropian, i cili viziton SHBA-të pas ardhjes së Barak Obamës në Shtëpinë e Bardhë.

BE-ja vendosi doganë të përkohshme për import të biodizelit amerikan
Bashkimi Evropian vendosi doganë shtesë të përkohshme të importit të biodizelit nga SHBA-ja, pas akuzave disamujore të kompanive evropiane se i rrezikojnë subvencionet amerikane, komunikoi një burim anonim i BE-së.

Burimi shtoi se vendimi është marrë në mbledhjen e mbrëmshme të komitetit anti-damping të Unionit.

Firmat nga Unioni i akuzojnë prodhuesit amerikanë të biodizelit se këtë derivat e importojnë më lirë nga vendet siç është Brazili, i shtojnë më pak se pesë për qind dizel amerikan dhe pastaj kërkojnë subvencione nga Uashingtoni zyrtar para se ta eksportojnë në Evropë.

Kompanitë amerikane të cilat eksportojnë biodizel në BE prej 13 marsit në gjashtë muajt e ardhshëm do të duhet të paguajnë doganë shtesë mes 26 dhe 41 euro për 100 kilogramë.

Amerikan Exspres u ofroi 300 $ shfrytëzuesve, të cilët do t'i kthejnë borxhet
Kompania për emitimin e kartelave kreditore "Amerikan Exspress" e ballafaquar me numër gjithnjë e më të madh të njerëzve, të cilët nuk janë në gjendje t'i paguajnë kreditë, ofroi 300 dollarë për numër të caktuar të klientëve në SHBA, nëse ata i paguajnë borxhet dhe i mbyllin llogaritë.

Pronarët e kartelave patjetër t'i mbyllin llogaritë deri në fund të prillit, që të kualifikohen për marrjen e kartelave speciale "Ameks" me 300 dollarë në to.

"Amerikan Exspress", shpesh herë e cilësuar si kompani, e cila i shërben të pasurit, tentoi në kohën e fundit të tërheq shtresë më të gjërë të klientëve, por strategjia i dështoi, duke i sjellë humbje të madhe financiare.

Shqiptaro-amerikanët të interesuar për zhvillim rajonal
Me nismë të Këshillit Kombëtar shqiptaro-amerikan, zhvillohet sot në Prishtinë dialogu i radhës për zhvillimin e qëndrueshëm ekonomik të rajonit të Ballkanit, ku pritet të marrin pjesë përfaqësues nga Kosova, Shqipëria, Maqedonia dhe Mali i Zi.

Dialogu zhvillohet në kuadër të projektit “Hope Fellowship” dhe është i katërti i këtij lloji. Qëllimi i dialogut është që të ofrojë një platformë për diskutime dhe shkëmbimin e përvojave dhe ideve që çojnë drejt një zhvillimi të qëndrueshëm ekonomik të rajonit të Ballkanit.

Kriza, Kina në vitin më të vështirë te saj
Kryeministri kinez, Uen Xhiabao, ka thënë se viti i ardhshëm do të jetë më i vështiri për Kinën në kohët moderne, për shkak të krizës ekonomike globale.

Duke folur përpara parlamentit kinez në hapjen e sesionit vjetor, ai tha se programi i investimeve do të jetë rreth 600 miliardë dollarë për të stimuluar ekonominë.

Z.Uen tha se do të ketë fonde për programet sociale dhe shkurtime taksash me qëllim krijimin e nëntë milionë vëndeve të reja të punës.

Duke folur përpara parlamentit kinez në hapjen e sesionit vjetor, ai tha se programi i investimeve do të jetë rreth 600 miliardë dollarë për të stimuluar ekonominë.

Z.Uen tha se do të ketë fonde për programet sociale dhe shkurtime taksash me qëllim krijimin e nëntë milionë vëndeve të reja të punës.

Duke folur në Parlament kryeministri kinez, theksoi se : " Për këtë vit objektivat tona kryesore ekonomike dhe zhvillimin social pritet të jenë si më poshtë: GDP do të ketë një rritje prej 8 përqindësh, struktura ekonomike do të përmirësohet më tej.

Do të krijohen vënde të reja pune për më shumë se 9 milionë vetë nëpër qytete dhe do të mbajmë shkallën e papunësisë poshtë 4.6 përqindëshit".

Brown: SHBA-të ta nxjerrin botën nga recesioni
Kryeministri britanik, Gordon Brown, u ka bërë thirrje SHBA-ve që ta shfrytëzojnë momentin për ta nxjerrë botën nga recesioni, duke vënë në pah se edhe vendet tjera duhet të kontribuojnë në këtë drejtim.

"Duhet ta shfrytëzojmë rastin, sepse asnjëherë më parë nuk e kam parë botën të jetë kaq e interesuar për bashkim, dhe kjo më herët nuk ka qenë e domosodoshme, ka thënë Braun, duke folur para anëtarëve të të dyja dhomave të Kongresit amerikan.

Brown është lideri i parë evropian, i cili viziton SHBA-të pas ardhjes së Barack Obamës në Shtëpinë e Bardhë.

BE-ja vendosi doganë të përkohshme për import të biodizelit amerikan
Bashkimi Evropian vendosi doganë shtesë të përkohshme të importit të biodizelit nga SHBA-ja, pas akuzave disamujore të kompanive evropiane se i rrezikojnë subvencionet amerikane, komunikoi një burim anonim i BE-së.

Burimi shtoi se vendimi është marrë në mbledhjen e mbrëmshme të komitetit anti-damping të Unionit.

Firmat nga Unioni i akuzojnë prodhuesit amerikanë të biodizelit se këtë derivat e importojnë më lirë nga vendet siç është Brazili, i shtojnë më pak se pesë për qind dizel amerikan dhe pastaj kërkojnë subvencione nga Uashingtoni zyrtar para se ta eksportojnë në Evropë.

Kompanitë amerikane të cilat eksportojnë biodizel në BE prej 13 marsit në gjashtë muajt e ardhshëm do të duhet të paguajnë doganë shtesë mes 26 dhe 41 euro për 100 kilogramë.

Amerikan Exspress u ofroi 300 $ shfrytëzuesve, të cilët do t'i kthejnë borxhet
Kompania për emitimin e kartelave kreditore "Amerikan Exspress" e ballafaquar me numër gjithnjë e më të madh të njerëzve, të cilët nuk janë në gjendje t'i paguajnë kreditë, ofroi 300 dollarë për numër të caktuar të klientëve në SHBA, nëse ata i paguajnë borxhet dhe i mbyllin llogaritë.

Pronarët e kartelave patjetër t'i mbyllin llogaritë deri në fund të prillit, që të kualifikohen për marrjen e kartelave speciale "Ameks" me 300 dollarë në to.

"Amerikan Exspress", shpesh herë e cilësuar si kompani, e cila i shërben të pasurit, tentoi në kohën e fundit të tërheq shtresë më të gjërë të klientëve, por strategjia i dështoi, duke i sjellë humbje të madhe financiare.

Qëndrueshmëria ekonomike e Ballkanit arrihet vetëm përmes integrimit rajonal
Vetëm përmes integrimit rajonal, shtetet e Ballkanit mund të arrijnë një zhvillim të qëndrueshëm ekonomik dhe të përmirësojnë jetën e qytetarëve të tyre, u tha në takimin e katërt të dialogut rajonal me temë “Zhvillimi i qëndrueshëm ekonomik rajonal”, organizuar nga Këshillit Kombëtar shqiptaro-amerikan në Prishtinë, ku morën pjesë edhe përfaqësues nga Shqipëria dhe Maqedonia.

Shtetet e Ballkanit duhet bashkërisht të angazhohen për integrimin rajonal, forcimin e bashkëpunimit ekonomik dhe krijimin e një tregu të përbashkët.
Përfaqësuesi i Agjencisë së Shteteve të Bashkuara për Zhvillim Ndërkombëtar, Piter Dafi, tha se integrimi i vendeve të Ballkanit mund të ndikojë si në tërheqjen e investitorëve të huaj, po ashtu edhe në përmirësimin e jetës së qytetarëve.

“Kur investitorët duan të investojnë në një vend në rajon, ata shohin tërë tregun dhe jo vetëm një vend të izoluar. Në Kosovë dhe në vendet e rajonit ka pasur përparime në integrim dhe bashkëpunim dhe kjo është një hap pozitiv si për fqinjët tuaj, po ashtu edhe për ju”, ka thënë Dafi.

Drejtori i Institutit për studime të Avancuara, Shpend Ahmeti, tha se rajoni i Ballkanit do të vazhdojë të përballet me shumë sfida.

Si pasojë e krizës ekonomike globale, Ahmeti theksoi se sivjet pritet të ulet interesimi i investitorëve për investime në rajon, të zvogëlohen dërgesat nga mërgimtarët, pasi shumë sish kanë humbur vendet e punës, si dhe të zvogëlohen donacionet.

Pjesëmarrësit e takimit thanë se hapja e tregjeve dhe heqja e barrierave do t’i ndihmonte sidomos prodhuesit. Ata u pajtuan se krijimi i një zone “mini-shengen” do të ndihmonte shumë zhvillimin ekonomik dhe kërkuan që të mbahen samite ekonomike për krijimin e politikave të përbashkëta.

Ministrja Pula të hënën udhëton në Maqedoni
Me ftesë të ministrit të Ekonomisë së Maqedonisë, Fatmir Besimi, ministrja e Energjisë dhe Minierave, Justina Shiroka - Pula me bashkëpunëtorë të hënën do të qëndroj në vizitë zyrtare në Maqedoni.

Siç njoftojnë mediat në Maqedoni, ndërtimi i burimeve nga liqenet artificiale për energjinë në zonat kufitare malore të Maqedonisë dhe Kosovës, privatizimi i sistemit të distribuimit dhe furnizimit me energji elektrike në të dy shtetet, do të jenë temat kryesore të cilat të hënën do t’i diskutojnë ministri Besimi dhe ministrja Shiroka-Pula.

Autoritetet kosovare nga zyrtarët e Qeverisë në Shkup pritet të marrin informacione më të hollësishme rreth procesit dhe mënyrës së shitjes të Elektroekonomisë së Maqedonisë.

Bashkëpunimi i parë midis dy shteteve pritet të jetë firmosja e marrëveshjes për ndërtimin e lidhjes së interkonjeksionit për transmetimin

Auditori i përgjithshëm mbërrin në Republikën e Kosovës

Lars Lage Olofsson ka ardhur në Kosovë dhe këtë javë mori postin e auditorit të përgjithshëm të Republikës së Kosovës. Ai ishte emëruar në këtë post nga përfaqësuesi civil ndërkombëtar, Pieter Feith, më 19 janar 2009.

Olofsson me këtë rast ka thënë: “Jam i nderuar dhe i gëzuar nga mundësia që më është dhënë për të marrë pjesë dhe shtuar vlera në procesin e ndërtimit të mëtejmë të qeverisjes së mirë dhe llogaridhënies në sektorin publik në Kosovë”.

Ai po ashtu ka potencuar se pret një bashkëpunim të mirë dhe të frytshëm si me legjislativin, ashtu edhe me ekzekutivin e vendit. “Personeli im është i përkushtuar dhe e quaj punë të kryer që ne së bashku mund t’ia dalim mbanë mirë me sfidat që kemi para nesh“, ka thënë ai.

Ndërsa Feith ka mirëpritur ardhjen e Olofssonit në Kosovë. “Biografia dhe formimi i tij dëshmon se ai ka standard të lartë profesional dhe unë kam besim të plotë se ai do të kontribuojë në ngritjen në shkallë më të lartë të efikasitetit dhe të transparencës në institucionet e Kosovës, duke fuqizuar llogaridhënien e tyre ndaj njerëzve”.

“Një auditor i përgjithshëm i pavarur dhe efektiv është i rëndësishëm edhe për të risiguruar investitorët dhe donatorët ndërkombëtarë dhe ndihmuar në promovimin e zhvillimit ekonomik.”

Zyra e Auditorit të Përgjithshëm të Kosovës është institucion publik i pavarur, përgjegjës për auditimet në qeveri. Ai siguron një vlerësim të pavarur të llogaridhënies dhe menaxhimeve financiare të ministrive të Qeverisë së Kosovës, komunave dhe të ndërmarrjeve publike.

Kjo zyrë përbëhet nga pesë departamente të auditimit, ku secili prej tyre udhëhiqet nga një drejtor vendor i auditimit. /Telegrafi/

Besim Beqaj kritikon qeverinë

Kosova vazhdon të përballet më shumë sfida të zhvillimit ekonomik, dhe ndonëse kanë kaluar rreth dhjetë vjet nga përfundimi i luftës, qeveria ende nuk ka arritur të krijojë një strategji të qartë zhvillimore.

Kjo deklarate nga kryetari i Odës Ekonomike të Kosovës, Besim Beqaj, u tha në dialogun me temë “Zhvillimi i qëndrueshëm ekonomik rajonal”, organizuar nga Këshillit Kombëtar shqiptaro-amerikan në Prishtinë.

Sipas tij, efektet negative të krizës ekonomike globale kanë ndikuar sidomos në zvogëlimin e eksportit të metaleve, për shkak të rënies së çmimit të tyre.

PTK: Tenderi në Shqipëri nuk është anuluar

Lajmi i fundit i dhënë para dy ditëve në mediat e Shqipërisë dhe ato të Kosovës gjoja se është anuluar për operatorin e katërt të telefonisë mobile është hedhur poshtë nga zyrtar të Post Telekomit të Kosovës.

“PTK nuk ka pranuar kurrfarë njoftimi zyrtar për eliminimin nga gara për licencën e katërt të telefonisë mobile në Shqipëri”, ka deklaruar Menduh Abazi, zëdhënës në PTK.

Sipas tij, PTK-ja nuk ka asnjë njoftim zyrtar për anulimin e këtij aktiviteti të prokurimit përveç asaj që është shkruar në mediat e Shqipërisë se një kompani është eliminuar nga gara.

“PTK është në pritje të njoftimit zyrtar nga AKEP-i. PTK për hapat e mëtutjeshme do të veproj në përputhje me interesat e saj dhe aksionarëve të saj”.

Ndryshe jozyrtarisht mësohet se oferta e PTK-së është e përgjegjshme dhe se kjo kompani do të dalë fituese. Një gjë të tillë e lejon edhe Ligji mbi Prokurimin Publik në Shqipëri, i cili thotë se për vlera të larta tenderi mund të vazhdojë me vetëm një ofertë të përgjegjshme. /Telegrafi/

GM rrënon bursat

Vlera e aksioneve ka pësuar humbjen më të rëndë qysh prej 12 vjetësh. Para së gjithash titujt e bankave kanë rënë shumë poshtë. Koncerni amë i Opelit, GM vetë ka vënë në pikëpyetje aftësinë për të mbijetuar. Aksionet e General Motors pësuan një rënie prej rreth 15% në 1,85 dollarë.

Shqetësimet për ekzistencën e koncernit General Motors dhe shpresat e zhgënjyera nga programi koniunkturor i Kinës janë sipas parashikimeve të ekspertëve, shkaktarë për lëkundjet e bursës amerikane.

Indeksi Dow-Jones në Wall Street pësoi një rënie prej rreth 4,1%.

Bordi i KEK-ut shqyrton buxhetin dhe planin e biznesit

Bordi i Drejtorëve të KEK-ut, nën udhëheqje të drejtorit Fadil Çitaku, të premten ka mbajtur takimin e rregullt. Në mbledhjen e parë të Bordit, në përbërje të re, është marrë në shqyrtim buxheti i KEK-ut për vitin 2009 dhe Plani i biznesit.

Bordi është pajtuar që në mbledhjen e radhës, që do të mbahet gjatë javës së ardhshme ta miratojë buxhetin, pas konsultimit të disa materialeve shtesë, si dhe u zotua se do veprojë në përputhje të plotë me ligjet në fuqi të Republikës së Kosovës.

Bordi – siç theksohet në një komunikatë të Korporatës Energjetike të Kosovosë –gjatë dy ditëve të fundit ka qenë intensivisht i angazhuar në vizita nëpër të gjitha njësitë e KEK-ut, për të parë së afërmi gjendjen e aseteve si në mihje, ashtu edhe në njësitë gjeneruese të KEK-ut.

Bordi, theksohet më tej, është ndarë i kënaqur me gjendjen që ekziston në mihje dhe në njësitë gjeneruese si dhe detyrat që po kryhen aty.

“Bordi i KEK-ut ka inkurajuar dhe lavdëruar menaxhmentin që të vazhdojë me këtë ritëm te punës në rritjen vazhdueshme të përformancës dhe të aseteve të korporatës”, përfundon komunikata. /Telegrafi/

SHBA: Papunësia në shkurt ishte 8.1%

Sipas të dhënave më të reja, ekonomia e Shteteve të Bashkuara ka humbur më se 650 mijë vende të punës në muajin shkurt.

Në këtë mënyrë shkalla e papunësisë, në muajin shkurt, ka arritur 8.1 përqind, që është më e larta në 25 vitet e fundit.

Në dhjetor të vitit 2008 ishin humbur 680 mijë vende të punës.

Agjencitë e lajmeve raportojnë se prej se ka filluar recesioni, në dhjetor të vitit 2007, në Shtetet e Bashkuara janë mbyllur më se 4.4 milionë vende të punës. /rel/

Italia rigjallëron planin për urën e Sicilisë

Ura tre kilometra e gjysmë, do të jetë më e gjata në botë. Projekti ishte pezulluar nga qeveria e mëparshme e qendrës së majtë.

Qeveria italiane ka miratuar 23 miliard dollarë për programin e rindërtimit të rrugëve dhe të transportit, që sipas saj do të krijojë mijëra vende të reja pune dhe do të stimulojë ekonominë e dobësuar të vendit.
Qeveria thotë se programi do të krijojë mijëra vende të reja pune.

Programi përfshin ndërtimin e një rruge të diskutueshme dhe të një ure hekurudhore që lidh ishullin e Siçilisë me pjesën tjetër të vendit.

Disa kritikë të planit kanë shfaqur drojën se një shumë e madhe e parave të taksapaguesve do të merren nga Mafia, që kontrollon shumë nga projektet e punëve publike në jug të Italisë.

Të tjerë thonë se ajo do të jetë e pasigurt. /bbc/

Zvicra, e përmbytur nga paratë ilegale

Në bankat e Zvicrës janë depozituar 3000 miliardë franga. Sipas vlerësimeve rreth 50-70 % e tyre janë para të paligjshme. Sekreti bankar përbën një faktor të mirë të mirëqënies në Zvicër. Për këtë zviceranët e kanë mbrojtur atë vazhdimisht.

Dorëzimi nga ana e bankës më të madhe zvicerane UBS i të dhënave bankare për klientë të caktuar të saj autoriteteve të drejtësisë në SHBA konsiderohet sipas ligjit zviceran si shkelje e sekretit bankar.

Thuajse asnjë program televiziv në Zvicër nuk e ka lënë pa trajtuar problemin e sekretit bankar. Qëkurse banka UBS u dorëzoi autoriteteve amerikane të drejtësisë të dhëna për klientët e saj, po shtrohet pyetja nëse sekreti bankar është duke u shpërbërë.

56 % e zviceranëve mendojnë se Zvicra duhet t'u vijë në ndihmë autoriteteve të vendeve të tjera, kur është fjala për invazion fiskal. Deri tani ligji parashikon një ndihmë të tillë vetëm në raste mashtrimi me taksat.

"Duhet të shtrojmë pyetjen a duam ta kemi këtë privilegj apo jo. Në rast se po duhet të pranojmë se bëjmë edhe diçka ilegale. Në rast se kjo është o.k. dhe pranohet, atëhere mund të mos kesh problem ta thuash, në rast të kundër kemi të bëjmë me moral të dyfishtë dhe duhet mënjanuar ", thotë një zvicerian.

Heqja e sekretit bankar do ta rrezikonte Zvicrën si vendi i bankave, thonë mbrojtësit e sekretit bankar. Por në radhët e popullisisë ky argument nuk po shkon më. Ndryshimi në qëndrim në radhët e popullsisë duket se po arrin edhe në radhët e politikës.

Ministri zviceran i Financave Merz u shpreh së fundi për herë të parë për koncesione në lidhje me sekretin bankar. E qartë është se deri në takimin e G20- në Londër Zvicra duhet ta heqë qafe këtë imazh të pakëndshëm, sepse ndryshe rrezikon të përfshihet në listën e zezë.

Zvicra është thuajse i vetmi vend në botë që bën dallim mes invazionit fiskal dhe mashtrimit fiskal. Për këtë politikanë të ndryshëm kërkojnë që kësaj praktike t'i jepet fund këtij, sepse prej saj mund të dëmtohet e gjithë ekonomia zviceriane.

Në rast të zbutjes së sekretit bankar nga bankat zvicerane pritet të ketë tërheqje parash të paligjshme që shkojnë në miliarda. Për këtë politikanët vendas kërkojnë nga njëra anë që për këtë të vendosen afate.

Dhe nga ana tjetër që edhe vende të tjera, që përfitojnë prej ligjeve të tilla bankare si Luksemburgu, ishujt anglo-normadë të Kanalit të La Manshit apo Austria, të aplikojnë rregulla të njëjta.

Si për ironi, Lihtenshteini pritet që së shpejti të ketë emër më të mirë se Zvicra sepse ka deklaruar se ka ndër mend të bashkëpunojë me zyrat fiskale të vendeve të huaja edhe në lidhje me rastet e invazionit fiskal.

Kriza, Bizneset e rajonit mblidhen në Tiranë

Përfaqësues të biznesit nga i gjithë rajoni do të diskutojnë për efektet e krizës ekonomike globale megjithatë vendi përfaqësues të biznesit kosovar nuk do të jenë prezent në këtë diskutim.

Shkak për mospjesëmarrje në këtë takim është se Kosova ende nuk është anëtare në këtë asociacion.

Safet Gërgjaliu zyrtar për marrëdhënie me jashtë në Odën Ekonomike të Kosovës tha se së shpejti edhe vendi ynë do të bëhet anëtar i këtij asociacioni.

“Nuk jemi pjesëmarrës në këtë takim sepse nuk jemi të anëtarësuar. Tashmë kemi paraqitur kandidaturën dhe besoj që kjo çështje do të përfundojë shumë shpejt”, tha për “Telegraf”, Gërgjaliu.

Ndryshe, asambleja e Përgjithshme e Dhomave të Tregtisë të Ballkanit, kryesinë e së cilës e mban Shqipëria, do të mblidhet më 12 Mars në Tiranë, ku çështjet kryesore që do të diskutohen, do të jenë ato mbi efektet e krizës financiare ndërkombëtare mbi ekonomitë e shteteve të Rajonit dhe masat që duhen marrë për të zbutur ndikimin e saj në sektorë të veçantë të industrisë, tregtisë, sistemit bankar, të shërbimeve dhe të ndërtimit.

Sipas presidentit të Asamblesë të Përgjithshme të Dhomave të Tregtisë të Ballkanit dhe i Unionit të Dhomave të Shqipërisë, Ilir Zhilla, ky takim do të shërbejë për forcimin e lidhjeve mes Dhomave të Tregtisë të Rajonit dhe bashkëveprimin për të kontribuar me masa konkrete për të ulur efektet e krizës financiare globale në vendet e Rajonit.

Në këtë takim do të marrin pjesë edhe përfaqësues të autoriteteve të larta zyrtare të ekonomisë dhe financave shqiptare, si dhe kryetarë dhe përfaqësues të Unionit të Dhomave të Tregtisë dhe Industrisë, nga Turqia, Greqia, Rumania, Bullgaria, Serbia, Mali i Zi dhe Maqedonia.

Krahas trajtimit të çështjes së krizës, në këtë Asamble do të diskutohet edhe mbi rritjen e shkëmbimeve tregtare mes shteteve të rajonit, shkëmbimin e eksperiencave mbi novacionet në teknologji dhe lehtësimin e barrierave doganore. /Telegrafi/Gazeta Agon/

Qeveria britanike rritë kontrollin ndaj Bankës së bashkuar Lloyds-HBOS

Qeveria britanike sot pohoi se e ka rritur kontrollin ndaj Bankës së bashkuar - Lloyds Banking Group, prej 43 të tanishme në 65 për qind të aksioneve të organizatës së re bankare, që rriten edhe edhe deri në 77 për qind, nëse shtohen edhe aksionet të cilat nuk sigurojnë të drejtë të votës në bordin e aksionarëve.

Qeveria u obligua se do të intervenojë me 28 miliardë stërlina shtesë para shtetërore në dy vitet e ardhshme, që ta mbulojë humbjen e madhe të bankës dhe praninë e përqindjes së madhe nga të ashtuquajturat mjete të "dëmshme dhe të rrezikshme" bankare.

Lloyds grupacioni ishte i detyruar të kërkojë intervenim të ri nga shteti për shpëtim të saj, pasi u kuptua se në fund të vitit 2008 e "goditura" rëndë banka HBOS ka humbje prej 11 miliardë stërlina, shumë më tepër se sa është pritur.

Lloyds TSB dhe grupacioni HBOS, që e përbëjnë bankat skoceze "Halifax" dhe "Bank of Scotland" janë detyruar të bashkohen në një organizatë të madhe bankare Lloyds Banking Group në tentimin e Qeverisë që ta shpëtojë nga dështimi bankën HBOS.

Kontrolli i tanishëm i mjeteve të rrezikuara te dy kompanitë paraprakisht të ndara bankare treguan se madje 83 për qind prej tyre i takojnë HOBS-it, ndërsa 17 për qind në paraprakisht më të voglën, por më funksionalen Lloyds TSB bank.

Një përfaqësues i Ministrisë britanike të Financave paradite sqaroi se patjetër duhej të merrej vendimi i tillë për pjesëmarrje të rritur në organizatën e bashkuar bankare, të cilën tani Qeveria pothuaj tërësisht e kontrollon.

Drejtori ekzekutiv i Lloyds, bankari amerikan Eric Daniels, për të cilin lidhen të gjitha sukseset e mëparshme të kësaj banke, paraprakisht deklaroi se nuk mund të mbesë në bankë, të cilën shteti e posedon në më shumë se 50 për qind, por deri tani nuk ka paralajmërim nëse ai do të tërhiqet. Në disa qarqe qeveritare tani bëhet presion që ai të ndërrohet me njeri tjetër në atë post, duke e akuzuar për "arritje katastrofale" të grupacionit të bashkuar bankar.

Limaj: Shqipëri-Kosovë, biznes konkret

“Ne e shohim këtë si një hap konkret që një biznes serioz nga Kosova, siç është PTK që është kompani publike, po kalon në tregun shqiptar. Kosova po kalon në bashkëpunim ekonomik me biznesin shqiptar”, ka pohuar Limaj.

Sipas ministrit, depërtimi i biznesit të Kosovës në Shqipëri, ashtu siç ka ndodhur edhe anasjellta por kryesisht në fushën e sigurimeve është një hap shumë i rëndësishëm.

“Hapi i Kosovës është një hap konkret që tregon se është e gatshme të gjejë rrugët e bashkëpunimit ekonomik”, ka theksuar Limaj. /tch/

Ekonomistët kërkojnë heqje të embargos së SHBA-së ndaj Kubës

Më shumë se një mijë ekonomistë dhe ekspertë nga 52 vende, pjesëtare të Forumit ndërkombëtare ekonomik në Havana, kërkuan nga presidenti amerikan Barack Obama ta heqë embargon të cilën SHBA-ja e vendosi ndaj Kubës, njoftuan mbrëmë mediat kubaneze.

Në mbylljen e forumit ato vendosën t'i dërgojnë letër Obamës me kërkesë të hiqet embargoja "absurde" të cilën SHBA-ja e vendosi ndaj Kubës në vitin 1962.

Pjesëmarrësit në takim gjithashtu i shqyrtuan zgjidhjet alternative për krizën ekonomike globale, si edhe ndikimin e saj ndaj vendeve nga Bota e tretë. Ekonomistët dhe ekspertët i dërguan porosi edhe kryetarit të Kuvendi të përgjithshëm të Kombeve të Bashkuara, Migen D'Eskot, duke kërkuar nga ai analizë më të thellë të krizës dhe ristrukturim të sistemit të tanishëm financiar.

Mes pjesëmarrësve në Forum ishin edhe tre fituesit e Çmimit Nobël për ekonomi, Edmund Phelps, Robert Engl dhe Robert Mandel, si dhe presidentët e Hondurës, Manuel Salaj dhe të Republikës Domenikane, Leonel Fernandez.

Ekonomia globale do të tkurret gjatë vitit 2009

Banka Botërore thotë se ekonomia botërore mund të tkurret në vitin 2009, për herë të parë që pas Luftës së Dytë Botërore. Tregjet e aksioneve thuajse çdo ditë mbyllen me humbje.

Në një studim të publikuar të dielën, Banka thotë po ashtu se pritet që tregtia botërore të pakësohet më tepër se asnjëherë në 80 vjetët e fundit dhe humbjet më të mëdha do t’i pësojë në Azi.

Në raportin e Bankës thuhet se kriza financiare globale do të krijojë një mungesë financimesh prej shumë miliarda dollarësh për të varfrit dhe vendet në zhvillim.

Banka thotë se vetëm një në 4 vende në zhvillim do të jetë në gjendje ta lehtësojë ndikimin e rënies ekonomike përmes krijimit të vendeve të punës.

Sipas Bankës Botërore, prodhimi global industrial mund të jetë 15 për qind më i vogël në vitin 2009 se sa në vitin 2008.

Presidenti i Bankës Botërore, Robert B. Zoellick bëri thirrje për investime për krijimin e vendeve të punës dhe për të shmangur trazirat sociale dhe politike në vende të ndryshme.

Banka thotë se vendet në zhvillimin ndeshen me një pakësim të financimeve prej 200 deri në 700 miliardë dollarësh, sepse udhëheqësit e biznesit po i shmangin tregjet e reja që po fuqizohen.

Vendet në zhvillim, që ende mund të kenë kontakte me tregjet financiare do të ndeshen me kosto më të madhe në marrjen e huave, që sjell një rritje më të ngadalshme ekonomike.

Justin Lin, krye-ekonomisti i Bankës Botërore, i bëri thirrje vendeve të zhvilluara t’i shpenzojnë një pjesë të fondeve të tyre të stimujve në vendet më të varfra, ku do të kishin rezultat për të nxitur rritjen e kërkesës.

Ndërsa Laërence Summers, këshilltari kryesor ekonomik i presidentit Obama, në një intervistë të publikuar sot në gazetën “Financial Times”, i bën thirrje udhëheqësve botërorë të hedhin më tepër para në ekonominë botërore, për të nxitur rritjen e kërkesës dhe për nxjerrjen e botës nga recesioni. /VoA/

Ministrja Justina Pula po viziton Maqedoninë

Ministrja Energjetikës dhe Minierave të Kosovës, Justina Shiroka –Pula është takuar sot paradite në Shkup me ministrin Ekonomisë së Maqedonisë, Fatmir Besimi. Takimi është rezultat i interesit për një bashkëpunim reciprok që u shpreh nga të dy ministrat gjatë vizitës zyrtare muajin e kaluar të delegacionit të Maqedonisë në Kosovë.

Me interes të veçantë për të dy vendet gjatë kësaj u theksua gatishmëria për bashkëpunim në fushën e energjetikës, në projektin "Fusha e Lukovës" dhe në lidhjen 400 kilovatësh interkonektive midis Maqedonisë dhe Kosovës. /rtk/

Del para gjyqit shantazhuesi i miliarderes gjermane Susanne Klatten

Ish dashnori dhe më pas shantazhuesi i miliarderes gjermane Susanne Klatten do të dalë sot para gjyqit në Mynih. Helg S. nga Zvicra akuzohet për mashtrim të rëndë dhe shantazh ndaj gruas më të pasur në Gjermani.

Ai ka qenë dashnor i miliarderes Suzane Kleten, aksiornare kryesore e koncernit bavarez të automobilave BMW dhe nga ajo kishte marrë 9.4 milinë euro.

I pa kënaqur kishte kërkuar edhe 49 milionë euro të tjera, duke e kërcënuar miliarderen se dashurinë tyre di t’i rrëfente burrit dhe fëmijëve të saj.

Miliarderja gjermane më pas rastin e kishte paraqitur në polici. 44 vjeçari zviceran akuzohet edhe për afera të tjera dashurie, së paku e me tri femra të tjera miliardere.

Kina anuloi porosinë e aeroplanëve nga Airbus

Koncerni evropian për aeroplanë pritet që sivjet të ketë të ardhura më të vogla për rreth dhjetë miliardë dollarëve, për shkak të refuzimit të Kinës që ta firmosë marrëveshjen.

Sipas mediumeve ruse, vendimin për të mos e firmosur marrëveshjen me "Airbus"-in, Kina e ka marrë për arsye politike, pasi që kryetari francez Nikolla Sarkozi në dhjetor u takua me Dalaj Lamën edhe përkundër mospëlqimit të Pekinit.

Kosova përfaqësohet në panairin më të madh ndërkombëtarë të turizmit, në Berlin

Të mërkurën në Berlin të Gjermanisë fillon panairi më i madh i turizmit në botë, në cilin 180 vende prezantojnë bukuritë veta natyrore me qëllim të joshjes së turistëve të huaj. Ne panair marrin pjesë edhe 11 mijë agjenci turistike.

Për herë të parë merr pjesë edhe Kosova, ndërsa pjesëmarrja e Kosovës nga organizatorët po konsiderohet premierë.

Në panair Kosova do të përfaqësohet nga zëvendësministri i Ministrisë së Tregtisë dhe Industrisë Januz Kastrati dhe i ngarkuari me punë në Ambasadën e Kosovës në Berlin, Vilson Mirdita, si dhe autorja e librit gjermanisht “Udhërrëfyes për Kosovën”, Suzane Dell. /Telegrafi/

Kosova përfaqësohet në panairin më të madh ndërkombëtarë të turizmit, në Berlin

Të mërkurën në Berlin të Gjermanisë fillon panairi më i madh i turizmit në botë, në cilin 180 vende prezantojnë bukuritë veta natyrore me qëllim të joshjes së turistëve të huaj. Ne panair marrin pjesë edhe 11 mijë agjenci turistike.

Për herë të parë merr pjesë edhe Kosova, ndërsa pjesëmarrja e Kosovës nga organizatorët po konsiderohet premierë.

Në panair Kosova do të përfaqësohet nga zëvendësministri i Ministrisë së Tregtisë dhe Industrisë Januz Kastrati dhe i ngarkuari me punë në Ambasadën e Kosovës në Berlin, Vilson Mirdita, si dhe autorja e librit gjermanisht “Udhërrëfyes për Kosovën”, Suzane Dell. /Telegrafi/

Raporti i BE: 6 milionë të papunë më shumë brenda 2010

Rënia ekonomike do të jetë e paprecedentë dhe 6 milionë njerëz të tjerë mund të humbasin punën brenda vitit 2010.

Pasojat sociale do të jenë të rënda edhe për familjet e personave të prekur. Kështu thuhet në një projekt raport të prezantuar nga komiteti për punësimin dhe mbrojtjen sociale, që do të prezantohet në BE në pranverë.

Kohet e fundit ky organizëm kishte folur për humbjen e 3,5 milionë vendeve të punës për vitin 2009 dhe për një nivel papunësie në Evrope prej 9,25 për qind. /tch/