Ca poezi per femi

Tokë e qiell, kërkoj

--------------------------------------------------------------------------------

Sot pata një hall
kisha një problem,
desha me't ringjall
babush shpirti jem.

Nata yje plotë
përtej tyre shikoja,
syyë mbushur me lot
lutjen e thoja:

Eja babi im
më jep një këshillë,
më merr në përqafim
zemrën me ma kfill.

Se shoku im thotë
babi kur të përqafon,
mbushesh energji plotë
problemin e kafshon.

Tokë e qiell kërkoj
pakëz ndihmë babai,
mami më këshillon
por zemrës i duhet ai.

mbretreshë pa fron

--------------------------------------------------------------------------------

E bukur si hirushë
me ruaza në gushë,
me fjong në kokë
jam më e bukura në tokë.

Familjarët në përgjithësi
të bukurës si vejnë kufi,
mbretreshë më thonë
pa pasur fron.

Shkopi magjik

--------------------------------------------------------------------------------

Cdo fëmi në botë
e dua, e kam mik,
më lindi një dëshirë sot
ta kem shkopin magjik.

Fjalët magjike i di
Ba-BI-di,bu-Bi-Di-Bu,
dua cdo fëmiu
asgjë mos me i mungu.

Do të udhëtoja nëpër botë
në mbrëmje, e agim,
do të zhdukja lot
t'ju ipja zemrave shpresë.

Ba-Bi -Di, Bu -Bi-Di -Bu
zemra ime është magjike,
cdo fëmi në botë du
t'jet mirë t'më ket mike.

vjeshta

--------------------------------------------------------------------------------

Unë jam vjeshta
në vazhdim në disa rreshta,
ju tregoj me emocione
kam shumë profesione.

Cdo herë në shtator
unë bëhem piktor,
luaj me nuanca
si miu dhe maca.

jam dirigjent
kam erën instrument,
jap ritëm non stop
më mirë se hip hop.

Kreator jam o mik
jap shiun pikë-pikë,
edhe shiun konop
edhe akull copë-copë.


Mirëpo në shtator
e bëj punën me zorr,
ndihem keq vërtetë
kur thaj miliona fletë.

Punoj me shumë zell
askujt s'ja kam hellë,
për më tepër premtoj
gjithëmon kështu do të veproj.